Fréttir

KEA afhenti styrki úr Menningar- og viðurkenningasjóði félagsins þann 1. desember og fór styrkúthlutunin fram í Menningarhúsinu Hofi á Akureyri. Var þetta í 89. skipti sem veitt er úr sjóðnum. Úthlutað var 20,3 milljónum króna til 50 aðila. Styrkúthlutun tók til þriggja flokka samkvæmt reglugerð sjóðsins: Menningar- og samfélagsverkefna, Íþrótta- og æskulýðsfélaga og Ungra afreksmanna.

Jólaaðstoð Velferðarsjóðs Eyjafjarðarsvæðisins er samstarf Mæðrastyrksnefndar, Rauða krossins, Hjálparstarfs kirkjunnar og Hjálpræðishersins á Akureyri. Markmið verkefnisins er að styðja efnaminni fjölskyldur og einstaklinga á Eyjafjarðarsvæðinu. Því miður eru mörg heimili á svæðinu sem eru illa stödd fjárhagslega og þurfa á aðstoð að halda. Söfnunarfé sem safnast er notað til kaupa á gjafakortum sem einstaklingar geta verslað mat fyrir. 

Þrjú tilboð bárust í rekstur Hríseyjarferju, en tilboð voru opnuð í vikunni.

Laugardaginn 3. desember kl. 15 verða þrjár sýningar opnaðar í Listasafninu á Akureyri: Úrval verka úr Listasafni Háskóla Íslands, Stofn, Kristín Jónsdóttir frá Munkaþverá, Vatnið og landið, og samsýningin Solander 250: Bréf frá Íslandi.

Akureyrardætur er hjólahópur kvenna sem vilja efla aðrar konur til að hjóla sér til gleði og heilsubótar, þær láta einnig vel til sín taka í hjólreiðakeppnum víðsvegar.  

Við fjölskyldan brunuðum inn í Freyvang síðastliðinn sunnudag til að sjá hið sígilda leikrit Karíus og Baktus eftir Torbjörn Egner. Okkur fullorðna fólkinu finnst alltaf spennandi að sjá leikrit sem við ólumst upp við, yfirleitt í gegnum hlustun á plötur eða kasettur, sælla minningar. Þegar svona perlur eru settar upp setjum við, fullorðna fólkið, aðeins meiri kröfur á sýningarnar en ella, því við þykjumst vita allt um það hvernig leikritið á að vera og á ekki að vera, kunnum textann jafnvel utanbókar og getum sungið með flestum lögunum. Því kemur maður inn með ákveðnar væntingar á svona sýningu og vonast til að endurupplifa ljúfar æskuminningar.

Krónan opnaði verslun sína á Akureyri í morgun, í um 2000 fermetra stóru húsnæði við Tryggvabraut. Margir hafa litið við og skoðað þessa nýjustu verslun í bænum.

Bæjarráð Akureyrarbæjar samþykkti á fundi sínum i morgun þjónustusamning um samræmda móttöku flóttafólks. 

Bjórarnir Víkingur Gylltur og Thule unnu báðir nýverið til gullverðlauna í sínum flokki í hinni árlegu European Beer Challenge, sem er nokkurs konar Evrópukeppni í bjórgerð þar sem bjórframleiðendur keppa í fjölda mismunandi flokka. Báðir drykkirnir eru framleiddir af Víking brugghúsi á Akureyri en ásamt gullverðlaununum fékk framleiðandinn einnig silfurverðlaun fyrir bæði Víking Lite og Víking Rökkr.

Í dag fer fram Fullveldishátíð: Dagur stúdenta í Háskólanum á Akureyri. Að því tilefni ritar Sólveig Birna Elísabetardóttir, formaður SHA hugvekju

Gleðilega hátíð. Dagurinn í dag, fullveldisdagur Íslendinga, er táknrænn fyrir mikilvægan hóp samfélagsins: Stúdenta. Ég hóf nám við Háskólann á Akureyri haustið 2019 og heillaðist strax af því einstaka samfélagi sem hér er. Ég vissi um leið að ég vildi taka virkan þátt í þessu samfélagi og leggja mitt af mörkum til að efla það og styrkja enn frekar. Ári seinna fór ég að sinna hagsmunagæslu stúdenta og setti mér markmið að vera ávallt til staðar fyrir stúdenta háskólans. Sérstaklega fyrir stúdenta sem þurfa á stuðningi að halda þegar kemur að því að leita réttar síns og standa á sínu. Það gaf því auga leið að þegar ég var kosin formaður Stúdentafélags Háskólans á Akureyri (SHA) var það mitt leiðarljós – að vera til staðar fyrir ykkur, stúdentar. Ég vil því nota tækifærið hér og nú og þakka ykkur, stúdentum við Háskólann á Akureyri, fyrir að treysta mér og leita til mín þegar eitthvað liggur ykkur á hjarta – því saman getum tekist á við krefjandi verkefni og klifið himinhá fjöll.