27. nóvember - 4. desember - Tbl 48
Stöðugur straumur í fyrstu Krónuverslunina á Akureyri
Starfsmenn Krónunnar eru um 50 talsins. "Við viljum að Krónan komi sem ferskur andblær inn á markaðinn og auki fjölbreytnina sem fyrir er á Akureyri,“ segir Bjarki Kristjánsson verslunarstjóri sem er
„Það hefur verið stöðugur straumur hjá okkur í allan dag, allt frá því við opnuðum kl. 9 í morgun en þá hafði myndast röð fyrir utan verslunina,“ segir Bjarki Kristjánsson verslunarstjóri Krónunnar sem opnuð var við Tryggvabraut 8 á Akureyri. Fjöldi fólks hefur lagt leið sína í verslunina í dag og eflaust einhverjir eftir að líta við síðar í dag, en búðin er opin til kl. 21 á hverjum degi. Opnað er kl. 9 á morgnana.
Verslunin er rúmgóð og björt, alls um 2000 fermetra að stærð, húsnæðiðer glænýtt, fyrsta skóflustunga að þessari fyrstu verslun Krónunnar á Akureyri var tekin 15. júní í fyrra sumar. „Við höfum orðið vör við mikla eftirvæntingu fyrir opnun Krónunnar á Akureyri og því er mjög ánægjulegt að þessi langþráði draumur sé nú orðin að veruleika. Við viljum að Krónan komi sem ferskur andblær inn á markaðinn og auki fjölbreytnina sem fyrir er á Akureyri,“ segir Bjarki.
Fjöldi vörutegunda í nýju versluninni hleyptur á þúsundum. Starfsmenn eru um 50 talsins. „Krónan á Akureyri verður ein af okkar glæsilegustu verslunum. Það er frábært að geta loksins boðið þjónustu okkar og vöruúrval til íbúa Akureyrar og nærliggjandi sveita. segir Guðrún Aðalsteinsdóttir, framkvæmdastjóri Krónunnar í tilkynningu.
Tveir veitingastaðir
Tveir veitingastaðir eru starfræktir í versluninni, en þar er að vinna útibú frá veitingastaðnum RUB23, sem býður upp á tilbúna rétti. Jafnframt mun veitingastaðakeðjan Wok On opna í versluninni og bjóða í fyrsta sinn upp á núðlurétti sína á Akureyri. Kjötiðnaðarmenn starfa í versluninni og sjá um að skera og pakka á staðnum þannig að ávallt verður í boði ferskt kjöt í versluninni.
Þá má nefna að Krónan býður upp á það sem heitir Skannað og skundað sem er að finna í Snjallverslunarappinu og gerir viðskiptavinum kleift að skanna vörur beint úr hillu, setja í körfu og poka og þurfa því ekki að hafa viðkomu við afgreiðslukassa.
Krónan mun einnig styðja við umhverfisvænan lífsstíl Akureyringa og bjóða umbúðalausar lausnir eins og þurrvörubar, þar sem viðskiptavinum gefst kostur á að fylla á eigin ílát. Frá áramótum verður jafnframt í boði að fá vörur Krónunnar heimsendar.
Nýjast
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám.
