27. nóvember - 4. desember - Tbl 48
Götuhornið - Kona í Miðbænum skrifar
Það er óhætt að segja að kosningaspenna sé að finna á götuhornum bæjarins
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur.
Á horninu var fólk ekki sammála um hvað skyldi kjósa en roskin kona af Efri-Brekkunni var alveg viss um það að það væri mikilvægt að fá fólk til starfa sem væri til í að berjast fyrir sig:
,,Mér finnst mikilvægast að þingmaðurinn komi úr kjördæminu og vinni fyrir það. Þessi göng og vegabætur koma ekki að sjálfu sér” og vinkona hennar, sem stóð hjá og drap í löngum Capri bætti við:
,,Finnst alveg ótrúlegt að það sé einungis ein kona oddviti í kjördæminu og stundum tveir karlar í efstu tveimur sætunum. Það hefur klárlega áhrif á mitt val“.
Loks var þeim tíðrætt um hvaðan oddvitarnir væru og voru þær sammála um að það væri klárlega kostur ef viðkomandi væri úr kjördæminu en ekki Reykjavík eða Skagafirði.
Tveir gárungar úr Innbænum voru þó ekki jafn sammála um hvað væri þeim hugleiknast þegar kæmi að því hvað réði því hvar þeir greiddu atkvæðið:
,,Útlendingamálin eru mér hugleikin enda gríðarlegt fjáraustur farið í þau á undanförum árum. Sé samt ekki að þau séu einhver vandi hér í kjördæminu enda flestir sem hér búa harðduglegt vinnandi fólk sem gengur í störf sem við virðumst ekki vera að sækja í” sagði annar þeirra, enda vakað þær nokkrar vorvertíðirnar.
Félagi hans taldi þó eftirlaunin skipta gríðarlega miklu máli: ,,Nú þegar ég er komin á eftirlaun finnst mér hlutirnir horfa öðruvísi við en áður. Nú eru það allir þessir frádrættir varðandi lífeyris greiðslurnar og svo þessar krónur sem ég fæ vexti af sem koma svo til frádráttar frá ellilíeyrinum. Það er bara ekki sanngjarnt”
Á leið sinni af götuhorninu var tekið stopp í Kjarnaskógi, náttúruperlu okkar Akureyringa og þar voru ung hjón á gönguskíðum. Það fer þó engum sögum af hæfni þeirra en eiginmanninum, sem var ansi klambúlearaður eftir að hafa rennt sér, var heilbrigðiskerfið hugleikið:
,,Heilbrigðiskerfið er það sem skiptir okkur öllu mestu að endingu og ég vil flokk sem teflir fram raunhæfri og landsbyggðar miðaðri heilbrigðisstefnu” enda var ansi líklegt að hann þyrfti að kíkja á heilsugæsluna að skíðaferðinni lokni.
Eiginkona hans var ekki á sama máli og taldi náttúruverndina mikilvæga, enda stödd í Kjarnaskógi:
,,Landið okkar er víðfermt og fallegt. Ég vil hvorki vindmillur né skóglendi svo einhverjir auðkýfingar geti kolefnisjafnað ósóma sinn sem þeir stunda í útlöndum hér“ sagði hún, af töluverðri hörku!
Já það er margt í kýrhausnum og greinilegt að það er að mörgu að hyggja þegar fólk gengur að kjörklefunum á laugardaginn kemur!
Nýjast
-
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður.
