Föngulegir gripir á árlegri og hátíðlegri hrútasýningu
Hin árlega hrútasýning Félags sauðfjárbænda í Suður-Þingeyjarsýslu var haldin hátíðlega nú fyrir skemmstu. Líkt og fyrri ár fór hún fram á tveimur stöðum en fyrir hádegi var hist í Hriflu og eftir hádegi í Sýrnesi.
Tvískipting sýningarinnar er nauðsynleg þar sem um tvö búfjárveikivarnarhólf er að ræða að sögn Aðalsteins J. Halldórssonar formanns Félags sauðfjárbænda í S-Þing.
„Óhætt er að segja að gripirnir í ár hafi verið glæsilegir, þó svo að heildarstig þeirra hafi verið heldur lakari en í fyrra. Slíkt þarf ekki að koma á óvart í ljósi slæms veðurs í sumar og haust. Sérstaklega var júní mjög erfiður og er mál manna á meðal bænda að hluti sinna gripa hafi ekki náð sér almennilega eftir þau veðurósköp sem áttu sér stað í þeim mánuði,“ segir hann.
Dómarar í flokki kjöthrúta voru Guðrún Hildur Gunnardóttir frá Ráðgjafarmiðstöð landbúnaðarins og Eyþór Pétursson bóndi í Baldursheimi.
Dómari í flokki forystuhrúta var Karólína Elísabetardóttir, bóndi í Hvammshlíð.
Líkt og í fyrra var líka keppt í flokki forystuhrúta. Það var hrúturinn „Númer 1“ frá Ketilsstöðum sem bar sigur úr bítum en ,,foreldrar" hans eru Drjúgur frá Grobbholti og Sigríður frá Daðastöðum.
Hrútarnir frá Úlfsbæ, Þverá og Hólmavaði þykja afbragðsgóðir.
Elísabet Gunnarsdóttir tekur við verðlaunum fyrir besta forystuhrútinn frá Karólínu í Hvammshlíð
Nýjast
-
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið. -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Norðurorka lækkar samfélagsstyrki á næsta ári
Stjórn Norðurorku hefur samþykkt að lækka styrki en fyrirtækið hefur undanfarin ár veitt styrki til margvíslegra verkefna og málefna. -
Norðurþing Rauði krossinn hættir fatasöfnun
Heimasíða Norðurþings segir frá þvi að Rauði Krossinn í Þingeyjarsýslum hættir allri fatasöfnun þann 26. nóvember 2024. Eftir sem áður geta íbúar í Norðurþingi losað sig við textíl (fatnaður, lök og handklæði, skór, dúkar og gardínur, tuskur og viskastykki) í grenndargáma fyrir textíl sem eru staðsettir á Húsavík, Kópaskeri og Raufarhöfn. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
FVSA kannar áhuga stéttarfélaga á Norðurlandi til sameiningar
„Þetta er hugmynd sem vert er að skoða og fróðlegt að sjá hver viðbrögð félaganna verða,“ segir Eiður Stefánsson, formaður Félags verslunar- og skrifstofufólks á Akureyri og nágrenni (FVSA). Nýlega sendi hann erindi til tíu stéttarfélaga á Norðurlandi til að kanna vilja þeirra til samtals um útfærslu á öflugu deildarskiptu stéttarfélagi á svæðinu.
