Þokkaleg bjartsýni ríkjandi innan ferðaþjónustunnar á Norðurlandi
„Við finnum fyrir þokkalegri bjartsýni á gott sumar hjá ferðaþjónustuaðilum á Norðurlandi. Það er ekki farið að bera neitt á afbókunum t.d. frá Bandaríkjamönnum,“ segir Arnheiður Jóhannsdóttir framkvæmdastjóri Markaðsstofu Norðurlands. Vangaveltur hafa verið upp að dregið gæti úr ferðahug þarlendra í kjölfar þess að haldið er með öðrum hætti um stjórnartauma þar en við eigum að venjast eftir að Trumpstjórnin tók við völdum.
„Við finnum enga stefnubreytingu ennþá í það minnsta, hvað sem síðar verður. Eins og staðan er nú er bandaríski dollarinn hagstæður fyrir þá sem vilja ferðast út og virðast margir nýta sér það,“ bætir hún við. Þá nefnir hún að vinsælt sé um þessar mundir meðal Bandaríkjamanna og fleiri að heimsækja staðir sem ekki flokkast sem fjölfarnir, staði þar sem margir hafa ekki áður komið. „Þar eigum við á Norðurlandi mikið inni og verðum vör við að fólk langi af koma einmitt til að upplifa fáfarnari slóðir.“
Arnheiður segir þó greinilegt að uppi séu óvissutímar og alls ekki hægt að sjá fyrir um strax hver þróunin verður. „Það er alltaf slæmt fyrir allan rekstur að búa við óvissu. Næsta sumar lítur enn sem komið er þokkaleg vel út og við hér fyrir norðan finnum ekki fyrir því að ferðalangar séu að draga saman seglin,“ segir hún.
Arnheiður Jóhannsdóttir framkvæmdastjóri Markaðsstofu Norðurlands
Innviðagjald setur strik í reikninginn
Mun færri skemmtiferðaskip munu hafa viðkomu á Akureyri en komu við í fyrrasumar, yfir 40 skipum færra. Arnheiður segir að af því leiði að mun færri farþegar verði á ferðinni á Akureyri og nágrannabyggðum vegna þess. Innviðagjald sem sett var á í lok síðasta árs, 2500 krónur á sólarhringinn fyrir hvern og einn farþega valdi færri skipakomum enda muni skipafélögin um þessa upphæð. „Við sjáum fyrir okkur til lengri tíma að þetta muni hafa neikvæð áhrif á rekstur minni fyrirtækja sem byggt hafa upp sína starfsemi af þjónustu við gesti skemmtiferðaskipanna. Það verða þau sem fyrst finna fyrir samdrætti og þessi fækkun mun komast harðast niður á þeim,“ segir Arnheiður. Neikvæð áhrif innviðagjalds gætu fyrir sum fyrirtækjanna leitt til mikils tekjusamdráttar.
Líflegur vetur
Arnheiður er ánægð með senn liðinn vetur og segir beint flug á Akureyrarflugvöll frá því í nóvember vera mikla lyftistöng fyrir ferðaþjónustuna. Það geri að verkum að mikið hafi verið að gera hjá ferðaþjónustunni á svæðinu og dregið hafi mjög úr árstíðarsveiflum sem áður settu mark sitt á atvinnugreinina. Flug easyJet frá bæði London og Manchester hafi gengið vel og síðarnefndi áfangastaðurinn sé hrein við bót við Lundúnaflugið. „Það hefur verið ágætis nýting í báðum þessum flugum og eins hafa heimamenn hér á svæðinu nýtt sér þennan möguleika í ríkum mæli,“ segir hún. Einnig hefur flug frá tveimur löndum, Hollandi og Sviss sem hófst í byrjun árs einnig komið vel út. „Veturinn hefur verið líflegur og ferðafólk sett svip á bæjarlífið,“ segir Arnheiður.
Nýjast
-
Veiðigjöld
Þröstur Friðfinnsson sveitarstjóri í Grýtubakkahrepp skrifar pistil á Facebook í dag um um áhrif hækkun veiðigjalds á landsbyggðina. Vefurinn fékk góðfúslegt leyfi frá Þresti til að birta umræddan pistil. -
Glamrið í glerhúsunum
Það hefur löngum þótt slæmur siður að kasta grjóti úr glerhúsi. Myndlíkingin skýr, glerinu rignir samstundis í höfuð þess sem kastar. Því er rétt að staldra aðeins við áður en grjótið er látið vaða. -
Hvernig tryggjum við orkuöryggi?
„Uppbygging raforkukerfisins er ekki í takti við þörf samfélagsins“. Þetta sagði Kristín Linda Árnadóttir, aðstoðarforstjóri Landsvirkjunar, á ráðstefnunni „Orkuöryggi – hvernig tryggjum við orkuöryggi til framtíðar?“ sem Lagadeild Háskólans á Akureyri stóð fyrir þann 18. mars síðastliðinn. Meðal þess sem kom fram á ráðstefnunni var að Björg Eva Erlendsdóttir, framkvæmdastjóri Landsnets, sagði að raforkuöryggi byggi á réttlæti og stöðugleika fyrir minni notendur. Halla Hrund Logadóttir, þingmaður og fyrrverandi orkumálastjóri, sagði að við óbreytt ástand væri það ekki spurning um hvort heldur hvenær raforkuskortur verði á Íslandi og að tryggja þurfi forgang almennings og Ragnheiður Elfa Þorsteinsdóttir, lektor við lagadeild HA, velti upp þeirri spurningu hvort rétt væri að færa leyfisveitingarvaldið vegna vatnsaflsvirkjana aftur til Alþingis. -
Þórsarar í efstu deild í handboltanum á ný
Karlalið Þórs tryggði sér í gær sæti í úrvalsdeild karla í handbolta í fyrsta skipti frá árinu 2021 með stórsigri á B liði HK 37- 29, í lokaumferð 1. deildarinnar. Þórsarar léku vel í vetur og eru vel að deildarmeistaratitlinum komnir. -
Aldrei fleiri sjálboðaliðar
Vel var mætt á aðalfund Rauða krossins við Eyjafjörð á dögunum en þar var farið yfir þau fjölmörgu verkefni sem deildin á aðkomu að á Eyjafjarðarsvæðinu. Jón Brynjar Birgisson hélt á fundinum erindi um Rauða krossinn og breytta heimsmynd. -
Akureyrarbær Ræstingarfólk njóti samningsbundinna réttinda
Bæjarráð Akureyrar tekur alvarlega þá umfjöllun sem fram hefur komið um aðstæður og kjör starfsfólks tiltekinna ræstingarfyrirtækja, en rætt var um stöðu ræstingarfólks á fundi ráðsins nýverið í kjölfar umræðu um aðstæður þess og kjör. -
Togarajaxlar vekja athygli hjá enskum.
Það er óhætt að fullyrða að heimsókn eldri togarajaxla til Hull og Grimsby hafi vakið verulega athygli á Englandi og ferðin heppnast mjög vel. ,,Strákunum okkar" var afar vel tekið og nutu þessarar ferðar fram í fingurgóma. -
Carbfix boðar samtal við íbúa Húsavíkur
Sameiginleg yfirlýsing Carbfix og Sveitarfélagsins Norðurþings um uppbyggingu Codastövar á Bakka við Húsavík var samþykkt á fundi sveitarstjórnar undir lok síðasta mánaðar. -
Undirbúningur að hefjast vegna Landsmóts skáta að Hömrum sumarið 2026
„Það er mikil tilhlökkun í gangi meðal skáta á Akureyri, enda hefur Landsmót skáta ekki verið haldið hér í 11 ár,“ segir Ingibjörg Guðmundsdóttir mótsstjóri. Landsmót skáta verður haldið að Hömrum dagana 20 til 26 júlí árið 2026 og verður heilmikið ævintýri. Fyrsti kynningarfundur vegna mótsins verður haldinn í grænu hlöðunni að Hömrum næstkomandi þriðjudag, 1 apríl kl. 17.30.
