Undirbúningur að hefjast vegna Landsmóts skáta að Hömrum sumarið 2026
„Það er mikil tilhlökkun í gangi meðal skáta á Akureyri, enda hefur Landsmót skáta ekki verið haldið hér í 11 ár,“ segir Ingibjörg Guðmundsdóttir mótsstjóri. Landsmót skáta verður haldið að Hömrum dagana 20 til 26 júlí árið 2026 og verður heilmikið ævintýri. Fyrsti kynningarfundur vegna mótsins verður haldinn í grænu hlöðunni að Hömrum næstkomandi þriðjudag, 1 apríl kl. 17.30.
Mótið stendur yfir í eina viku og segir Ingibjörg á að á þeim tíma verði reist og fellt heilt þorp þar sem verður að finna svefnaðstöðu, eldhús, skjól, vinnusvæði, hvíldar- og skemmtisvæði. Þá þurfi að setja upp sorpflokkun, frágang, urðun og hreinsun, sett er upp sjúkraþjónusta, verslanir og kaffihús. „Skátarnir geta sinnt nánast öllu sem upp á kemur á einu Landsmóti, en eru líka svo heppnir að eiga góða að, fólk með skyndihjálparkunnáttu sem dæmi. Við erum yfirleitt með mannaðar vaktir hjúkrunarfræðinga og lækna sem ýmist eru skátar eða eiga ramma taug inn í félagskapinn. Þá er björgunarsveitarfólk gjarnan innan okkar raða og leggja fram krafta sína,“ segir hún.
Í mörg horn að líta
Ingibjörg segir að Landsmót skáta sé viðburður sem enginn ætti að láta fram hjá sér fara. „Við erum að hefja undirbúning að næsta móti og hlökkum mikið til. Við erum að vona að á Akureyri séu gamlir skátar sem gjarnan vilja taka þátt í þessu ævintýri með okkur, fólk sem hefur kannski ekki haft sig mikið frammi í skátunum síðustu ár en er tilbúið að leggja okkur lið. Það er í mörg horn að líta, mikið sem þarf að gera fyrir mót og meðan á því stendur þannig að allar fúsar hendur eru meira en velkomnar á kynningarfundinn,“ segir hún. „Þessi mót skipuleggja sig víst ekki sjálf og ekki er ráð nema í tíma sé tekið,“ bætir hún við.
Undirbúningur vegna landsmóts er að hefjast og verður kynningarfundur haldinn í grænu hlöðunni á Hömrum á þriðjudag í næstu viku
Skátar setja svip á bæinn
Gert er ráð fyrir að 3000 til 3500 skátar taki þátt í mótinu að Hömrum sumarið 2026. Misjafnt er hversu margir erlendir þátttakendur eru en sem dæmi voru þeir um 900 talsins á Landsmóti á Úlfljótsvatni síðasta sumar og komu frá 14 þjóðlöndum. „Erlendu skátarnir setja mikinn svip á mótin. Það er gaman að fylgjast með því hvernig þjóðir vinna saman að ýmsum hlutum í gegnum tungumálamúrinn sem virðist skipta ótrúlega litlu máli þegar kemur að samskiptum milli skátanna,“ segir hún.
Það muni ekki fara fram hjá neinum bæjarbúa að Landsmót standi yfir en skátarnir muni setja sinn góða svip á bæjarbraginn þá daga sem mótið stendur yfir. „Við erum að vona að hægt verði að bjóða upp á dagskrá í Grímsey og Hrísey líka, það væri alveg frábært að geta tengt eyjarnar sem eru hluti Akureyrar inn í mótið og við munum skoða hvað hægt verður að gera í þeim efnum.“
Nýjast
-
Hverju munar um mig?
Því skýtur reglulega upp í kolli mínum hversu léleg við Íslendingar erum að nota áhrif okkar þegar okkur er misboðið. -
Kvíaból í Kaldakinn fyrirmyndarbú nautgripabænda
Bændurnir á Kvíabóli hlutu viðurkenninguna Fyrirmyndarbú Nautgripabænda BÍ á dögunum og tóku þau Haukur Marteinsson og Ingiríður Hauksdóttir á móti verðlaununum. -
VMA - Látið bara vaða!
Emilía Björt Hörpudóttir og Lilja Lind Gunnlaugardóttir eru á fjórðu önn í námi sínu í húsasmíði. Í vetur hafa þær verið í stórum hópi nemenda sem byggir frístundahús frá grunni – ekki eitt heldur tvö. Þær voru að bjástra uppi á svefnlofti í minna frístundahúsinu þegar kíkt var inn í byggingadeildina. Í stærra húsinu er allt á fullu og það komið lengra en oft áður. Bæði nemendur í pípulögnum og rafvirkjun hafa lagt sín lóð á lóðarskálarnar við byggingu og frágang húsanna. -
Norðurþing Kostnaðarauki upp á 60 til 70 milljónir
Minnisblað fjármálastjóra Norðurþings vegna áhrifa nýgerðra kjarasamninga sveitarfélaganna við Kennarafélögin var lagt fram á fundi byggðaráðs Norðurþings. -
Aðför að landsbyggðinni – og tilraun til að slá ryki í augu almennings
Það er ekki hægt að tala um sátt í sjávarútvegi þegar aðgerðir stjórnvalda beinast ekki gegn þeim sem bera mesta ábyrgð heldur bitna í reynd á fólkinu og byggðunum sem atvinnugreinin heldur uppi. -
Knattspyrnudómarafélag Norðurlands styrkir lyflækningadeild SAk
Fulltrúar Knattspyrnudómarafélags Norðurlands, Aðalsteinn Tryggvason og Bergvin Fannar Gunnarsson, komu færandi hendi með ágóða aðgangseyris frá úrslitaleik Kjarnafæðimótsins og afhenti lyflækningadeild SAk 300.000 krónur -
Veiðigjöld
Þröstur Friðfinnsson sveitarstjóri í Grýtubakkahrepp skrifar pistil á Facebook í dag um um áhrif hækkun veiðigjalds á landsbyggðina. Vefurinn fékk góðfúslegt leyfi frá Þresti til að birta umræddan pistil. -
Glamrið í glerhúsunum
Það hefur löngum þótt slæmur siður að kasta grjóti úr glerhúsi. Myndlíkingin skýr, glerinu rignir samstundis í höfuð þess sem kastar. Því er rétt að staldra aðeins við áður en grjótið er látið vaða. -
Hvernig tryggjum við orkuöryggi?
„Uppbygging raforkukerfisins er ekki í takti við þörf samfélagsins“. Þetta sagði Kristín Linda Árnadóttir, aðstoðarforstjóri Landsvirkjunar, á ráðstefnunni „Orkuöryggi – hvernig tryggjum við orkuöryggi til framtíðar?“ sem Lagadeild Háskólans á Akureyri stóð fyrir þann 18. mars síðastliðinn. Meðal þess sem kom fram á ráðstefnunni var að Björg Eva Erlendsdóttir, framkvæmdastjóri Landsnets, sagði að raforkuöryggi byggi á réttlæti og stöðugleika fyrir minni notendur. Halla Hrund Logadóttir, þingmaður og fyrrverandi orkumálastjóri, sagði að við óbreytt ástand væri það ekki spurning um hvort heldur hvenær raforkuskortur verði á Íslandi og að tryggja þurfi forgang almennings og Ragnheiður Elfa Þorsteinsdóttir, lektor við lagadeild HA, velti upp þeirri spurningu hvort rétt væri að færa leyfisveitingarvaldið vegna vatnsaflsvirkjana aftur til Alþingis.
