Veiðigjöld
Þröstur Friðfinnsson sveitarstjóri Grýtubakkahrepps
Þröstur Friðfinnsson sveitarstjóri í Grýtubakkahrepp skrifar pistil á Facebook í dag um um áhrif hækkun veiðigjalds á landsbyggðina. Vefurinn fékk góðfúslegt leyfi frá Þresti til að birta umræddan pistil.
Veiðigjöld
Það er slæmt þegar umræða um mikilvæg málefni einkennist af stóryrðum og er rekin úr pólitískum skotgröfum. Ríkisstjórnin leggur málið því miður þannig upp, aðrir stökkva til ýmist með eða á móti.
Margt fullyrt, m.a. að gjaldtakan lendi fyrst og fremst á þeim stærstu sem þoli vel. Einnig að hafi sáralítil áhrif á byggðir landsins. Samt vantar greiningar og gögn til stuðnings. Fjármálaráðherra talar alfarið út frá pólitík, ekki sinni menntun og þekkingu.
Veruleikinn er ekki svo einfaldur, gjaldið leggst á alla greinina og það sem tekið er út kemur einhversstaðar við. Það veldur keðjuverkandi samdrætti, ekki bara á greinina heldur líka á iðnað, á þjónustu og á nýsköpun. Það mun hafa bein neikvæð áhrif á hag fyrirtækja, einstaklinga og sveitarfélaga.
Samtök sveitarfélaga á Vesturlandi fengu Vífil Karlsson til að taka saman greiningu á uppruna útsvarstekna sveitarfélaga 2024. Afar fróðleg samantekt sem sýnir m.a. að hlutfall útsvarstekna sem kemur frá fiskveiðum og fiskvinnslu er þannig hjá nokkrum sveitarfélögum:
Snæfellsbær 49%
Langanesbyggð 44%
Grýtubakkahreppur 40%
Kaldrananeshreppur 40%
Grundarfjörður 39%
Bolungarvík 35%
Dalvíkurbyggð 34%
Sveitarfélög á Höfuðborgarsvæði 1 - 2%
En auðvitað fráleitt að kalla gjaldið landsbyggðaskatt!
Samt talað um að skila því aftur út á land í formi vegabóta. Loforð stjórnvalda í þeim efnum hafa raunar haldið afar illa í fortíðinni.
Það er mikilvægt að gefa umræðunni tíma og ekki síður að byggja á gögnum fremur en pólitískri æsingu.
Fékk lánaða mynd af flaggskipi Grenivíkur. Það er frábær staða fyrir okkar samfélag að hafa sterk fyrirtæki sem hafa burði til slíkra fjárfestinga. Þær hafa keðjuverkandi áhrif um hagkerfið, með afleiddu tekjuflæði og auka að endingu tekjur ríkisins líka.
Nákvæmlega um það snýst m.a. menntun fjármálaráðherra.
Nýjast
-
Fé án hirðis
Í vikunni var því fagnað að 5 ár voru liðin frá því að fjárveiting til stækkunar flugstöðvarinnar á Akureyri var samþykkt. Framkvæmdin kom úr sérstökum Covid-fjárheimildum á veirutímanum og var alls 900 milljónir, svo aðstaðan á flugvellinum gæti stutt við aukið millilandaflug. -
Ákvarðanir teknar í Reykjavík – afleiðingarnar skella á okkur
Við sveitarstjórnarmenn Framsóknar lýsum yfir alvarlegum áhyggjum af fyrirhugaðri hækkun veiðigjalda sem ríkisstjórnin hefur lagt fram. Tillagan ber með sér skort á skilningi á mikilvægi sjávarútvegsins fyrir atvinnulíf og byggðafestu vítt og breitt um landið. -
Hverju munar um mig?
Því skýtur reglulega upp í kolli mínum hversu léleg við Íslendingar erum að nota áhrif okkar þegar okkur er misboðið. -
Kvíaból í Kaldakinn fyrirmyndarbú nautgripabænda
Bændurnir á Kvíabóli hlutu viðurkenninguna Fyrirmyndarbú Nautgripabænda BÍ á dögunum og tóku þau Haukur Marteinsson og Ingiríður Hauksdóttir á móti verðlaununum. -
VMA - Látið bara vaða!
Emilía Björt Hörpudóttir og Lilja Lind Gunnlaugardóttir eru á fjórðu önn í námi sínu í húsasmíði. Í vetur hafa þær verið í stórum hópi nemenda sem byggir frístundahús frá grunni – ekki eitt heldur tvö. Þær voru að bjástra uppi á svefnlofti í minna frístundahúsinu þegar kíkt var inn í byggingadeildina. Í stærra húsinu er allt á fullu og það komið lengra en oft áður. Bæði nemendur í pípulögnum og rafvirkjun hafa lagt sín lóð á lóðarskálarnar við byggingu og frágang húsanna. -
Norðurþing Kostnaðarauki upp á 60 til 70 milljónir
Minnisblað fjármálastjóra Norðurþings vegna áhrifa nýgerðra kjarasamninga sveitarfélaganna við Kennarafélögin var lagt fram á fundi byggðaráðs Norðurþings. -
Aðför að landsbyggðinni – og tilraun til að slá ryki í augu almennings
Það er ekki hægt að tala um sátt í sjávarútvegi þegar aðgerðir stjórnvalda beinast ekki gegn þeim sem bera mesta ábyrgð heldur bitna í reynd á fólkinu og byggðunum sem atvinnugreinin heldur uppi. -
Knattspyrnudómarafélag Norðurlands styrkir lyflækningadeild SAk
Fulltrúar Knattspyrnudómarafélags Norðurlands, Aðalsteinn Tryggvason og Bergvin Fannar Gunnarsson, komu færandi hendi með ágóða aðgangseyris frá úrslitaleik Kjarnafæðimótsins og afhenti lyflækningadeild SAk 300.000 krónur -
Veiðigjöld
Þröstur Friðfinnsson sveitarstjóri í Grýtubakkahrepp skrifar pistil á Facebook í dag um um áhrif hækkun veiðigjalds á landsbyggðina. Vefurinn fékk góðfúslegt leyfi frá Þresti til að birta umræddan pistil.
