20. nóvember - 27. nóvember - Tbl 47
Smá perla innan seilingar.
Arthur Gook tók þessa mynd, sennilega í kringum 1908 og eins og sést þá var Sílabás eins og hann er í dag. (mynd frá Minjasafninu á Akureyri)
Einn af skemmtilegri útsýnisstöðum á Akureyri eru klappirnar fyrir ofan smábátahöfnina í Sandgerðisbót. Í daglegu tali eru þær kallaðar Hannesarklappir, eftir Hannesi Jóhannssyni sem bjó í Bárufelli.
Gott er að nálgast þær á þrennan hátt. Hægt er að ganga út klappirnar frá Krossanesbraut, rétt norðan Sæbergs. Einnig er hægt að ganga frá Bárufelli upp klappirnar að norðan um ógreinilegan stíg. Þetta er ekki nema um 100 metrar.
Skemmtilegast er að nálgast þennan stað frá smábátahöfninni, en það er mjög góður stígur þaðan og upp að norðurenda klapparinnar og ganga þaðan í suður. Þetta er ekki langt, rétt um 400 metrar, en svolítið bratt, en þá er bara að fara hægt.
Efst á klöppunum er steyptur stólpi, minjar um gamalt landupplýsingamerki. Þaðan er frábært útsýni yfir smábátahöfnina, Óseyrina og Slippinn. Það sést inn alla Akureyri og fjallahringurinn okkar fallegi sést mjög vel. Súlur, Hlíðarfjall, Möðruvallafjöllin, Kaldbakur, Blámannshattur og að sjálfsögðu Vaðlaheiðin. Á leiðinni úr Bótinni og þarna upp er upplagt að leggja lykkju á leiðina og ganga niður í Sílabás, eða "Sílubás" eins og við krakkarnir kölluðum hann í gamla daga. Það má segja að þar sé eina ósnortna strandlengjan á Akureyri. Utan við básinn er Langitangi. Þar er aðdjúpt og því fínt að veiða þar með stöng.
Þegar við vorum börn lékum við okkur mikið í Sílabás, sulluðum í sjónum og þeir allra hörðustu stukku í sjóinn af tanganum. Við hin horfðum á. Það var alltaf gott veður í Sílabás. Á hæðinni sunnan við Sílabás er steinn, stór og mikill, en þarna standa klappirnar upp úr gróðrinum. Við krakkarnir vorum viss um að þar byggju álfar. Yfirleitt gengum við hljóðlega þarna um, en stundum greip okkur stríðni og við hrópuðum og kölluðum og spörkuðum í steininn til að stríða álfunum. Aldrei hefndu þeir sín.
Næst þegar þið eruð á rúntinum , skora ég á ykkur að keyra niður að smábátahöfn, leggja bílnum og ganga upp stíginn sem liggur skáhalt upp brekkuna í norðvestur og virða fyrir ykkur fegurð þessa svæðis.
Efst á stígnum er bekkur sem hægt er að tilla sér á. Þetta tekur ekki langa stund, en er þess virði.
Ekki gleyma myndvélinni.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
