20. nóvember - 27. nóvember - Tbl 47
Öðruvísi miðbæjarrölt.
Eins og ég hef komið inn á áður, þá þarf ekki alltaf að leita langt eftir skemmtilegum gönguleiðum.
Nú langar mig að koma með hugmynd að öðruvísi miðbæjarrölti.
Við hefjum gönguna við Umferðamiðstöðina og göngum upp skemmtilega stallaðar trétröppur upp að Sigurhæðum, húsi séra Matthíasar. Brekkan þarna er skemmtilega útfærð með gróðri og skemmtilegum fossum. Við göngum svo í norður og komum inn á kirkjutröppurnar, rétt ofan miðju. Við förum upp tröppurnar og upp Eyrarlandsveginn. Við göngum " í gegnum" Rósenborg, sem stóð austan götunnar þegar ég var lítill. Upp á horni er upplýsingaskilti um tilraunir til móttöku sjónvarpssendinga hér á Akureyri 1934-1936.
Á umferðareyju á milli Eyrarlandsvegar og Hrafnagilsstrætis stendur skemmtileg stytta. Það er Útilegumaðurinn (Útlagar), afsteypa af styttu Einars Jónssonar frá 1901. Ég legg til að þið gangið að styttunni og skoðið hana vel. Finnið kraftinn, lífsbaráttuna og örlagasögu útlagans streyma frá henni. Það mætti að ósekju helluleggja í kringum styttuna og fjarlægja trén sem eru við hana svo hún njóti sín betur.
Það er upplagt að halda áfram og ganga nú inn á Menntaskólalóðina, þar sem taka á móti manni þrjú listaverk, sem gaman er að skoða. Ugla Menntaskólans, hoggin í stein eftir Pál Guðmundsson, Óðinshrafninn eftir Ásmund Sveinsson og Heimur vonar eftir Nóa okkar. Gangið svo upp með skólanum að norðan og upp á torgið sem tengir byggingarnar. Þar eru tvö listverk, Beinið fræga mótað í eir, af Helga Gíslasyni og Tilvera eftir Steinunni Þórarinsdóttur.
Gaman er að líta í kringum sig og sjá hversu vel hefur tekist að byggja við og stækka hús Menntaskólans og heimavistar og fá þau öll til að ríma saman, þótt á ólíkum tímum séu byggð.
Við göngum nú inn í Lystigarðinn í norðvestur horninu. Þar er hægt að eyða ómældum tíma, en í þetta skipti göngum við bara í gegnum hann og förum út um gamla aðalinnganginn. Við göngum svo út Eyrarlandsveginn og niður í Barðstúnið. Yst í Barðstúninu í suðurhlíðum Barðsgils er skemmtilegur stígur sem liggur niður brekkuna niður að Samkomuhúsi. Þessi stígur er kallaður Menntavegurinn, ef hann er genginn upp, en Glötunarstígur sé hann farinn niður. Hann er krókóttur og brattur og gaman að ganga hann. Þegar komið er niður að Samkomuhúsi, sem oft var kallað Gúttó í gamla daga, göngum við niður tröppurnar austan hússins, yfir flötina fyrir neðan og yfir Drottningarbrautina og skoðum listaverkið við nýja göngustíginn. Það er verkið Sigling, eftir Jón Gunnar Árnason. Það nýtur sín mjög vel á þessum stað.
Þessi leið er tæpir tveir kílómetrar og svolítið brött, en það er allt í lagi, það eru bekkir á leiðinni til að tilla sér á. Það tekur ekki nema svona hálftíma að ganga þessa leið og njóta útsýnisins yfir Pollinn og bæinn okkar í leiðinni. Að sjálfsögðu er hægt að ganga hinn hringinn ef menn vilja.
Gleymið ekki myndavélinni.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
