20. nóvember - 27. nóvember - Tbl 47
Grábrók.
Sér upp Norðurárdalinn. Hraunsnefsöxl t.v. , Baula og Litla-Baula fjær.
Að keyra á milli Akureyrar og Reykajvikur finnst mörgum langt og leiðinlegt. En það breytir því ekki að mörg okkar keyra þessa leið nokkrum sinnum á hverju ári. Hér er ég með uppástungu til að gera þetta að skemmtilegu ferðalagi.
Næst þegar þið eigið leið til Reykjavikur legg ég til að áður en þið farið af stað smyrjið þið ykkur brauð , hitið kakó og hafið með í nesti. Svona smá fortíðar upplifun.
Vegasjoppur eru til margs góðs , en þetta getur verið öðruvísi.
Eftir svo sem tveggja tíma akstur ættuð þið að vera komin í Vatnsdal í Húnavatnssýslu. Við afleggjaran út að Þingeyrarkirkju er góður áningastaður við skógarlund sem heitir Ólafslundur. Þar er gott að grípa upp nestið og fá sér smurt og kakó. Hægt er að rétta úr sér hér og ganga um lundinn, en ágætisgöngustígar eru þar. Þarna eru líka salerni sem hægt er að nýta sér.
Svo er haldið áfram , alla leið að í Borgarfjörð, að Grábrók sem er rétt ofan við Bifröst . Gott er að stoppa þar og liðka sig með því að ganga á fjallið. Þetta er ekki erfið ganga, manngerðar tröppur megnið af leiðinni. Hækkunin er um 70 metrar, þetta er svona svipað eins og að ganga kirkjutröppurnar 4-5 ferðir. Þegar upp er komið er hægt að ganga í kringum gýginn sem er í miðri Grábrók.
Það er fagurt að líta í kringum sig, til dæmis að sjá Hreðavatn sunnan við, sem annars sést ekki frá veginum og einnig að sjá yfir dalinn. Ef þið eruð heppin með skyggni sést víða og mörg falleg fjöll sjást, þótt ekki sé farið hærra. Beint norðan við er Hraunsnefsöxl, brött og hrikaleg. Hún er um 500 metra yfir sjávarmáli. Þar norðar sést Baula, um 900 mys. og Litla-Baula ögn austar. Í mjög góðu skyggni má grilla í tvær Tröllakirkjur. Önnur norður á Holtavörðuheiði um 1000m og hin í vestri um 900m há. Í suðri er það sjálfsögðu Hafnarfjall og Skarðsheiðin, rúmir 1000m á hæð. Þar á bakvið, aðeins austar , má sjá Botnsúlur ef skyggni er gott. Botnsúlur eru fimm og er hæsti tindurinn tæplega 1100m hár. Í austri er það að svo Eiríksjökull, sem er hæstur og tignarlegastur 1675m hár og svo að sjálfsögðu Langjökull. Þar sunnan við sér maður "fjallið allra hæða val" Skjaldbreið.
Að ganga upp á Grábrók og niður aftur tekur innan við hálftíma, þannig að þetta tefur mann ekki mikið. Þegar niður er komið er upplagt að klára nestið sitt og drekka restina af kakóinu. Halda síðan ferðinni áfram og ég get lofað ykkur því að eftir á finnst ykkur ferðin hafa verið bæði skemmtileg og fljótfarin.
Gleymið ekki myndavélinni .
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
