30. október - 6. nóember - Tbl 44
Býður þú alheiminum með þér upp í sófa á kvöldin?
Inga Hildur Jóhannsdóttir
Lífið í nútímanum veltur sífellt meira á utanaðkomandi þáttum. Upplýsingaflæðið umlykur allt sem við gerum hvort sem það er í vinnu, skóla eða í frítíma. Við réttlætum stöðuga nálægð og viðveru í snjalltækjum þannig að hægt sé að ná í okkur öllum stundum „það verður að vera hægt að ná í mig ef eitthvað skyldi koma upp á,“ heyrist gjarnan. Margir eru smeykir við að missa af símtali, skilaboðum, uppfærslum, viðburðum, afmælisdögum eða að láta fréttir fram hjá sér fara. Kannski er tilfinning fólks í dag sú að það þurfi alltaf að hafa svörin á reiðum höndum og vera á tánum.
Heimsmyndin hefur breyst töluvert síðustu áratugi og margir álíta sig heppna að hafa upplifað barnæsku og mótunarár án freistinga snjalltækjanna. En það er líka margt gott við þróunina og mikilvægt að geta aðlagast og tekist á við ókosti upplýsingaflæðisins. Kostir við þessa þróun eru svo sannarlega til staðar: Við getum auðveldlega verið í sambandi við vini og ættingja, fólk getur stofnað hópa á samfélagsmiðlum tengt áhugamálum og tengst öðrum með álíka áhugamál án þess að hittast í persónu, fjarfundir og fjarviðtöl gera fólki kleift að búa á landsbyggðinni en sækja þjónustu í öðru bæjarfélagi. Eins getur fólk verið í fjarvinnu og jafnvel ferðast með vinnuna með sér og nemendur sótt fjarnám hjá þeim skólum sem bjóða upp á slíkt.
En við höfum flest orðið vör við neikvæð áhrif upplýsinganna sem birtast á samfélagsmiðlum og fréttaveitum. Instagram, Facebook og X (áður Twitter) ásamt fleiri þekktir miðlar birta okkur fréttir, myndir og efni. Ekki bara frá þeim sem við kjósum sem vini okkar inni á þessum miðlum heldur einnig efni sem við viljum ekki sjá, kemur okkur ekki við eða getur beinlínis verið skaðlegt okkar heilsu og sjálfsmynd. Í þessu samhengi geta það verið deilingar af stríðsfréttum út í heimi, ógeðfelldar fréttir af brotum einstaklinga eða glansmyndir af vinum eða samfélagsmiðlastjörnum sem við þekkjum ekki persónulega. Ekki má heldur gleyma algorithma netsinssem sýnir okkur efni sem ætlað er að hvetja okkur til kaupa á vörum eða efni sem við þurfum ekki endilega.
Hluti af þessari vitundarvakningu er að við leyfum okkur að skoða neyslu okkar á samfélagsmiðlum á gagnrýninn hátt og út frá okkar þörfum. Við þurfum að vera óhrædd við að ákveða að hvíla okkur á fréttaflæðinu þó það þýði að við getum ekki verið með á nótunum á kaffistofunni. Eins með að fylgja ekki áhrifavöldum til að forðast samanburð og einblína á eigin þarfir og langanir án áhrifa. Stríðsátök hafa til dæmis verið mikið í fréttum undanfarið og þó við veljum að hvíla okkur á þeim fréttum í fjölmiðlum og á samfélagsmiðlum þá erum við á engan hátt að segja að við séum fylgjandi ofbeldinu sem er að eiga sér stað. Gott er að hafa í huga að efni af þessu tagi getur komið miklu róti á huga margra og þarf hver og einn að taka ákvörðun fyrir sig hvort hann/hún/hán fylgist með þessu fréttaefni.
Ef þú ert að velta fyrir þér hvaða áhrif þín miðlanotkun hefur þá hvet ég þig til að spyrja þig þessara spurninga:
- Hvað vil ég fá út úr notkun samfélagsmiðla og fréttamiðla?
- Hvernig líður mér eftir notkun þessara miðla?
- Hvernig fyrirmynd vil ég vera sem notandi þessara miðla?
Við þurfum öll að vera meðvituð um áhrif þessara miðla á okkur því merkin geta verið lúmsk. Að vera opin fyrir stöðugu áreiti og alltaf til taks er þreytandi og of mikið af upplýsingum sem ýta undir samanburð er líklegt til að hafa áhrif á líðan okkar og sjálfsmynd. Það er ástæða fyrir því að fólk lokar útidyrahurðinni heima hjá sér eftir vinnudaginn, við þurfum hvíld frá amstri daglegs lífs og samskiptum. Einkalífið er vanmetið og dýrmætt og ber að hlúa að því. Af hverju erum við þá að bjóða upplýsingaflóðinu og öllu meðfylgjandi með okkur upp í sófa á kvöldin?
Inga Hildur Jóhannsdóttir er með B.A. gráðu í fjölmiðlafræði og starfar sem ritari með vefumsjón hjá Heilsu- og sálfræðiþjónustunni.
Nýjast
-
Fjármagn í hugmyndavinnu við 50 metra innilaug áætluð árið 2028
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug. -
Sálfræðingur með merkan feril í Fantasy Premier League að baki
Vísindafólkið okkar — Árni Gunnar Ásgeirsson Vísindafólkið okkar er mánaðarleg kynning á vísindafólkinu okkar. Árni Gunnar Ásgeirsson, deildarforseti Sálfræðideildar, er vísindamanneskjan í október. -
Gleðilega töfrandi kosningabaráttu
Snörp og spennandi kosningabarátta er að hefjast og eru stjórnmálaflokkar í óðaönn að draga fram helstu stefnur og forgangsmál. Ýmislegt bendir til þess, eins og oft áður, að komandi kosningar muni að þónokkru leyti snúast um efnahagsmál og fjármál heimila og fyrirtækja. Verðbólga og vextir bíta fast og fólk vill svör um framtíðina. Eðlilega. -
Geðverndarfélag Akureyrar fagnar 50 ára afmæli
„Geðverndarfélag Akureyrar hefur ekki verið mjög áberandi undanfarin ár, en á sér engu að síður merka sögu og hefur staðið fyrir mikilvægum framförum í geðheilbrigðismálum í bænum og ýmislegt sem til bóta er í þessum viðkvæma málaflokki,“ segir Valdís Eyja Pálsdóttir formaður Geðverndarfélags Akureyrar. Félagið var stofnað 15. desember árið 1974 og verður því 50 ára gamalt innan tíðar. Haldið verður upp á tímamótin næstkomandi laugardag. -
Verðandi sjávarútvegsfræðingar kynna sér starfsemi Samherja til sjós og lands
Hátt í fjörutíu nemendur í sjávarútvegsfræðum við Háskólann á Akureyri hafa á undanförnum dögum heimsótt skip og landvinnslu Samherja. Nemendur auðlindadeildar skólans hafa um langt árabil átt þess kost að skoða og kynnast starfsemi félagsins, sem hluta námsins. Magnús Víðisson brautarstjóri segir afar mikilvægt að öflug sjávarútvegsfyrirtæki séu starfandi í námunda við skólann, sem geri nemendum kleift að kynnast betur sjávarútvegi og haftengdri starfsemi. -
Aðeins fleira fé slátrað þetta haustið miðað við í fyrra
„Heilt yfir hefur gengið mjög vel, auðvitað hafa rafmagnstruflanir, nettruflanir, veðurtruflanir og ýmislegt af því tagi, stungið sér niður hjá okkur, en sem betur fer gekk allt upp að lokum,“ segir Sigmundur Hreiðarsson framleiðslustjóri Kjarnafæði Norðlenska á sláturhúsinu á Húsavík. -
Að þora að vera hræddur
Nú haustar og í haustmyrkrinu leynast oft myrkraverur og alls konar furðuleg fyrirbæri sem skjóta okkur stundum skelk í bringu. Flest tengjast þau reyndar hrekkjavöku og ýmiskonar skálduðum hryllingi þannig að það er lítið mál að sýna hugrekki og láta sem ekkert sé. Eða hvað, erum við kannski hræddari en við sýnumst, og hvenær erum við annars hugrökk? -
Ferðast landa á milli til að taka þátt í lotu Viðskiptadeildar
Í þarsíðustu viku var lota hjá Viðskiptadeild og þá gafst stúdentum tækifæri á að hitta kennara, samstúdenta og annað starfsfólk Háskólans. Þannig tengjast þeir betur innbyrðis og í lotum er horfið frá hefðbundinni kennslu, til dæmis með því að bjóða gestum úr atvinnulífinu að vera með innlegg í námskeiðum. -
Gefur lífinu aukalit og við hefðum alls ekki viljað missa af honum
„Rúben hefur verið okkur dýrmætur kennari í lífinu og gefið því fallegan auka lit. Við hefðum alls ekki vilja missa af honum,“ segir Arnheiður Gísladóttir móðir Rúbens Þeys, sem fæddist í janúar árið 2020, með Downs heilkenni. Október er mánuður vitundarvakningar um Downs heilkenni á alþjóðavísu. Einstaklingar sem fæðst hafa með heilkennið hafa fylgt mannkyni frá upphafi vega. Þeim fer fækkandi og um tíma hélt Arnheiður að Rúben Þeyr yrði með þeim síðustu hér á landi sem fæddist með heilkennið. Sú hafi þó ekki orðið raunin. Faðir Rúbens er Vífill Már Viktorsson smiður og átti Arnheiður fyrir Karítas Von sem verður 11 ára gömul í nóvember. Fjölskyldan býr á Akureyri.
