20. nóvember - 27. nóvember - Tbl 47
Bréf skrifað til Jólaveinsins í nóvember árið 2015, frá 11 ára barni
Ásgeir Ólafsson skrifar.
Kæri Jólasveinn. Ég vakna á hverjum morgni oftast svoldið þreyttur og illa sofinn eftir nóttina. Samt fer ég snemma að sofa. Ég veit ekki af hverju. Ég er farinn að naga neglurnar og á erfitt með að einbeita mér. Ég er mjög duglegur í skólanum og fæ mjög góðar einkunnir enda vilja mamma og pabbi að ég verði læknir. Ég legg mikið á mig í skólanum til þess að það gerist.
Ég stunda líka íþróttir eins og þú veist. Ég æfi fótbolta og handbolta. Ég keppi annað hvort í handbolta eða fótbolta um helgar og er í liðinu. Stundum keppi ég í báðum íþróttagreinunum sama daginn. Ég verð mjög oft þreyttur þá.
Mig langar til að verða betri í fótbolta af því að þeir sem eru frægir fótboltamenn eru með svo rosalega há laun og eiga flotta bíla. Ég veit að þú getur ekki gefið mér það. En stundum Jóli, og þú lofar að segja ekki neinum, þá langar mig bara að hætta að æfa og fara að gera eitthvað annað og skemmtilegra. En mamma og pabbi vilja að ég haldi áfram af því að það er búið að borga æfingagjöldin og ég sé svo góður. Þau segja líka að að ég geti orðið bestur í heimi. Finnst þér það ekki frábært? Ég hlakka rosalega til þegar það gerist, að ég verði bestur en ég þarf að vera duglegur og mæta á allar æfingarnar. En í leyni Jóli, þá væri ég samt alveg til í að vera í hljómsveit frekar, eða mála myndir og teikna. Mér finnst það gaman en hef of lítinn tíma. En listamenn fá víst ekki jafn há laun segir pabbi. Stundum vildi ég að mamma og pabbi spyrji mig hvað mig langar.
En, að vera atvinnumaður í fótbolta og læknir er örugglega fínt líka.
Núna ætla ég að segja þér hvað mig langar í, í jólagjöf.
Venjulegur dagur hjá mér er þannig að ég er í skólanum til að verða klukkan þrjú. Svo kem ég heim og læri heima alla daga, alveg þangað til æfingarnar byrja. Mamma og pabbi og systkynin mín eru ekki komin heim þegar ég fer klukkan hálf fimm. Æfingarnar eru klukkan fimm í fótboltanum fimm sinnum í viku líka á laugardagsmorgnun því miður. Handboltinn byrjar klukkan hálf sjö strax eftir fótboltann og er jafnoft í viku. Ég er oftast kominn heim klukkan hálf níu á kvöldin. Þá á ég eftir að læra meira og borða. Litlu systkynin mín eru sofnuð þá en ég næ að kyssa þau á sofandi enni þeirra. Mér finnst það svo seint hálf níu. Ég næ aldrei að borða kvöldmatinn heima með þeim og borða alltaf einn. Mér finnst það leiðinlegt.
Oft er ég rosa þreyttur á laugardagsmorgnum þegar ég vakna á æfingar og langar að sofa út. En ég verð að mæta af því að annars verð ég ekki bestur segja mamma og pabbi. Ég er mjög þreyttur á laugardögum eftir æfingarnar en þá vilja mamma og pabbi gera eitthvað eftir hádegið. En ég sef yfirleitt þar sem við erum og geyspa rosalega mikið allan daginn. Af hverju er ég svona þreyttur Jóli? Ég nenni ekki í bæinn eða í heimsóknir eða að hitta vini mina en samt langar mig það. Ég skil þetta ekki og sofna svo snemma á laugardagskvöldi af því að það er leikur daginn eftir. Ég fæ aldrei að sofa út og gera ekki neitt. Mig langar að sofa út. Þess vegna hlakka ég alltaf til jólanna. Þá fæ ég að sofa út.
Þegar ég er svo búinn að læra á sunnudeginum um kvöldmatarleytið er eini sameiginlegi fjölskyldumatartíminn. En ég sofna yfirleitt fram á borðið. Næ ekki að halda mér vakandi og fer að sofa um hálf áttaleytið svo ég sé ferskur næstu viku sem er alveg eins.
En í næstu viku eru líka fjögur próf og tveir leikir í fótbolta og handbolta. Ég þarf að vera ýkt duglegur.
Mig langar svo að standa mig vel áfram og gera það sem mömmu og pabba langar. Vill ekki svíkja þau. Mig langar líka að eyða tíma með vinunum mínum og systkynum mínum, mömmu og pabba. En ég hef bara enga orku.
Þess vegna ætla ég ekki að biðja um neitt þetta árið og þú getur sparað þér peninginn. Þú getur ekki gefið mér það sem ég vil.
Það sem mig langar í, í jólagjöf er að hitta meira litla bróðir minn og litlu systur mina og mömmu mína og pabba. Og gera eitthvað skemmtilegt með þeim án þess að vera þreyttur.
Af hverju finnst mér ég vera að missa áhugann á íþróttunum og skólanum og vinunum og fjölskyldunni? Getur þú hjálpað mér í að finna svarið kæri Jólasveinn?
Gleðileg jól kæri jólasveinn og takk fyrir að lesa.
Jólakveðja.
Ásgeir, Strandgötu 35, Akureyri. 11 ára.
(Ps. Strompurinn er stíflaður)
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
