20. nóvember - 27. nóvember - Tbl 47
Við þurfum að ræða um atvinnumál
Sjálfstæðisflokkurinn var látlaust við völd frá árinu 1991 til ársbyrjunar 2009. Fyrst í fjögur ár með Alþýðuflokknum, síðan tólf ár með Framsóknarflokknum og svo með Samfylkingunni í tæp tvö ár fyrir Hrun. Þetta nærri átján ára samfellda tímabil Sjálfstæðisflokksins í ríkisstjórn reyndist okkur Íslendingum dýrt. Helst þó okkur sem búum utan Reykjavíkursvæðisins.
Á þessum tíma fækkaði íbúum á því svæði sem nú er Norðurþing gríðarlega. Atvinnumöguleikum fækkaði. Opinberum störfum fækkaði og þjónusta við íbúa var stórskert.
Kjördæmi forystufólks
NA-kjördæmi hefur lengi verið vel mannað valdamiklum stjórnmálamönnum. Formenn stjórnmálaflokka hafa oftar en ekki verið þingmenn NA-kjördæmis. Það heyrir til undantekninga ef ekki eru einn eða fleiri þingmenn kjördæmisins ráðherrar hverju sinni. Á yfirstandandi kjörtímabili koma tveir formenn stjórnmálaflokka á Alþingi úr röðum þingmanna kjördæmisins. Tveir þingmenn eiga eða hafa átt sæti í ríkisstjórninni sem nú er að hrökklast frá völdum, þar af annar verið forsætisráðherra mestan hluta tímabilsins. Af tíu þingmönnum kjördæmisins koma sex úr röðum stjórnarflokkanna. En það virðist engu breyta fyrir kjördæmið frekar en áður þegar þessir tveir flokkar hafa verið við völd.
Aðgerðarleysi er afstaða
Rétt eins og á fyrra tímabili hægriflokkanna tveggja í ríkisstjórn hafa þeir ekki sinnt atvinnumálum í kjördæminu. Þessir flokkar hafa látið það eiga sig líkt og áður að sinna eðlilegri uppbyggingu innviða til að liðka til fyrir nýjum atvinnugreinum. Þannig hefur aðgerðarleysi þeirra í raun hindrað atvinnustarfsemi á svæðinu og þvælst fyrir þeim sem hafa reynt að skapa störf. Skýrustu dæmin um það er driftarleysi þingmanna stjórnarflokkanna í samgöngumálum og uppbyggingu innviða í tengslum við ferðaþjónustu. Það er ekki einleikið hvað þingmenn stjórnarflokkanna í kjördæminu hafa sinnt kjördæminu illa að þessu leyti.
Viðsnúningur
Eftir áratuga sinnuleysi stjórnvalda, lengst af undir stjórn hægriflokkanna tveggja, Framsóknar- og Sjálfstæðisflokks, tókst loksins að snúa við blaðinu á síðasta kjörtímabili. Það er athyglisvert að allar stórframkvæmdir í kjördæminu í samgöngumálum voru ýmist hafnar eða ákveðnar af fyrri ríkisstjórn. Langþráð atvinnuuppbygging á svæðinu sem loksins er hafin má þakka samstarfi heimamanna og ríkisstjórnar Vinstri grænna á síðasta kjörtímabili.
Það hefur orðið viðsnúningur í atvinnumálum í Norðurþingi á kjörtímabili vinstristjórnarinnar og sést best á því að oftast þarf ekki meira en pólitískan vilja til góðra verka.
Björn Valur Gíslason. varaformaður Vinstri grænna.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
