20. nóvember - 27. nóvember - Tbl 47
Við hjólum ekki á Akureyri – það eru svo margar brekkur
Fyrir rúmum tveimur árum var skipaður starfshópur á vegum borgarstjórnar Reykjavíkur sem var fengið það hlutverk að útfæra tilraunaverkefni um styttingu vinnudags án launaskerðingar. Í kjölfarið voru tveir vinnustaðir borgarinnar valdir til þátttöku í þessu verkefni. Í sumarbyrjun var svo birt skýrsla um helstu niðurstöður verkefnisins. Það er skemmst frá því að segja að verkefnið tókst að stærstum hluta afar vel. Allir þátttakendur í verkefninu voru sammála því að það hafi skilað sér í meiri starfsánægju og betri starfsanda, auk þess sem dregið hafði úr álagi í starfi.
Kjör og starfsaðstæður kennara
Byrjunarlaun grunn- og leikskólakennara eru í dag rétt ríflega 400.000 kr. á mánuði fyrir fulla vinnu. Á bak við þau laun er 5 ára háskólanám á mastersstigi. Kennari með langan starfsaldur að baki nær kannski að slefa yfir 500.000 kr. í laun á mánuði.
Þetta eru ekki há laun hvernig sem á það er litið. Um það getur varla verið mikill ágreiningur. Kennarastarfið er að mörgu leyti annars eðlis en almennt gengur og gerist. Starfið felur í sér mikil bein og persónuleg samskipti kennara við nemendur með ólíkar þarfir auk þess sem stór hluti starfsins felst í samskiptum við foreldra, aðlögun námsefnis að hverjum og einum nemanda og skipulagi kennslunnar, innra- og ytra mati, samskiptum við ýmsa sérfræðinga og fagfólk utan skólans og margt fleira. Kennarastarfið er því bæði fjölbreytt og mjög krefjandi.
Styttum vinnuviku kennara
Kennarar eru almennt vel menntaðir í sínu fagi enda gerum við kröfu til þeirra um menntun, færni og þekkingu sem nýtist þeim í starfi.
Það er samt þannig að kennarastarfið er illa launað álagsstarf. Það tel ég vera eina af aðal- ástæðunum fyrir því hve fáir sækja í kennaranám og hve margir menntaðir kennarar starfa við annað en kennslu. Laun kennara þurfa að hækka, kjör og starfsaðstæður verða að batna.
Með því að stytta vinnuviku kennara má ná fram nokkrum markmiðum. Í fyrsta lagi eru allar líkur á að það muni hafa jákvæð áhrif á starfsánægju og almenna vellíðan kennara sem líklegt er að skili sér í betra skólastarfi, líðan nemenda og síðast en ekki síst betri menntun.
Við eigum ekki að vera hrædd við breytingar eða að fara nýjar leiðir að sameiginlegum markmiðum. Niðurstaða úr tilraunaverkefni Reykjavíkurborgar gefur fyrirheit um að við getum með tiltölulega auðveldum hætti bætt skólasamfélagið frá öllum hliðum. Því ekki að láta reyna á styttingu vinnuviku kennara?
Víst hjólum við á Akureyri!
Auðvitað hjólum við á Akureyri þrátt fyrir brekkurnar. Það er fyrir löngu búið að afsanna þá lífseigu kenningu um að erfitt sé að fara leiðar sinnar á hjóli um bæjarfélagið. Það tók áhugafólk um hjólreiðar bara nokkur misseri að sýna fram á að hjólreiðar eru ekkert mál á Akureyri. Þannig er það með svo margt annað. Stundum þarf bara að sýna smá dug og vilja til breytingar.
Höfundur er varaformaður Vinstri grænna, skipar 3. sæti á framboðslista Vinstri grænna í Norðausturkjördæmi.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
