20. nóvember - 27. nóvember - Tbl 47
Menntun er dýrmæt
Ég hef sl. 15 ár verið svo lánsöm að hafa fengið að starfa í fullorðinsfræðslunni, sem eins og nafnið gefur til kynna grundvallast á þjónustu við fullorðið fólk sem kemur til að mennta sig. Það á hvoru tveggja við um fólk sem hefur ekki lokið formlegu framhaldsskólanámi og annað fólk úr atvinnulífinu með fjölbreytta menntun. Flest fullorðið fólk kemur til að bæta við menntun sína af því það langar til þess og oft á tíðum bætir það náminu ofan á langan vinnudag og heimilishald. Þetta fólk kemur í skólann fyrir sjálft sig, það finnur í því tilbreytingu frá daglegu amstri, stendur sig vel og fær mikið út úr náminu.
Nú starfa ég m.a. við kennslu í framhaldsskóla og ég hef verið hugsi yfir nokkrum atriðum. Stytting framhaldsskólans þýðir það að unglingarnir okkar vinna afar langan vinnudag. Flestir sitja í skólanum frá kl. 8:15 til 16:30 fimm daga vikunnar en þegar skóla lýkur á eftir að sinna heimanámi og frístundum.
Unglingarnir okkar eru magnað fólk og einstaka hentar þetta fyrirkomulag þó sennilega séu hinir fleiri sem bíta á jaxlinn þegar líður á daginn og reyna bara að þrauka.
Á sínum tíma afplánaði ég nám í viðskiptafræði. Ekki vegna þess að námið hafi ekki verið gott eða vel skipulagt, heldur vegna þess að ég var ekki tilbúin. Ég hafði takmarkaða reynslu til að máta fræðin við og mér leiddist. Engu að síður lauk ég náminu, það hefur reynst mér hagnýtt og reyndar hef ég í gegnum tíðina margsinnis óskað þess að ég hefði druslast til að taka betur eftir í tímum í gamla daga því þá hefðu mörg verkefni reynst mér auðveldari. Nú er svo komið að ég er á öðru ári í MBA, hagnýtu meistaranámi á sviði viðskipta í Háskóla Íslands og ég nýt þess í botn. Fræðin tala beint inn í þann reynsluheim sem ég hef öðlast í atvinnulífinu frá því ég útskrifaðist úr HA fyrir mörgum árum og ég hlakka alltaf til að mæta.
Mig langar ekki til að fólk upplifi sig nauðbeygt til að afplána lítið spennandi skólavist, á sem stystum tíma og án þess að upplifa af því augljósa gagnsemi.
Mig langar að búa í samfélagi þar sem fólk nýtur þess að sækja sér menntun og finna hvernig það vex að afli með því að læra meira í dag en í gær í stað þess að harka af sér að læra á sem fæstum árum. Afplána langa og leiðinlega daga vegna þess að ef það er ekki búið að því áður en það verð ur 25 ára gæti það verið búið að missa af lestinni. Ég er sannfærð um að það er ekki hagkvæmast fyrir samfélagið okkar að allir ljúki framhaldsskólaprófi og svo háskólaprófi með samfelldri skólagöngu á sem stystum tíma og án þess að öðlast nokkra reynslu af vinnumarkaði, sem heitið getur.
Í raun er málið ekki flókið, það þurfa allir að geta sótt sér menntun óháð aldri, búsetu og fjárhag. Það þarf fólk að geta gert á sínum eigin forsendum þegar það er hagkvæmast og skilar mestu fyrir það sjálft.
Höfundur skipar 2. sæti á lista Samfylkingar
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
