20. nóvember - 27. nóvember - Tbl 47
Hlátur í boði Hörgdæla
Þann 3. mars síðastliðinn frumsýndi leikfélag Hörgdæla farsann Með vífið í lúkunum eftir Ray Cooney á Melum í Hörgárdal. Verk Cooneys hafa verið vinsæl hjá íslenskum leikfélögum í gegnum tíðina en meðal annarra verka hans eru farsarnir Beint í æð og Nei, ráðherra sem margir kannast við og hafa séð í uppsetningum bæði hjá áhugaleikfélögum og í atvinnuleikhúsum hér á landi. Með vífið í lúkunum segir frá leigubílstjóranum John Smith sem lifir tvöföldu lífi en hann á tvær eiginkonur, sem eðli málsins samkvæmt eru algerlega ómeðvitaðar um tilvist hvor annarrar. John þessi Smith fylgir nákvæmu skipulagi til þess að tryggja að ekki komist upp um hann og ótryggðina en óvænt atburðarás verður til þess að öll tímaáætlunin raskast og þá verður aldeilis handagangur í öskjunni.
Til að byrja með verð ég að hrósa leikarahópnum. Þau stóðu sig öll með prýði og greinilegt er að þau ná vel saman því hópurinn var þéttur og orkan á milli leikaranna góð. Allir leikararnir áttu skemmtileg augnablik í sýningunni. Eiginkonurnar tvær voru oft og tíðum frábærar, bæði hin skapmikla Mary sem Stefaníu E. Hallbjörnsdóttur leikur, og hin munúðarfulla Barbara, sem leikin er af Fanneyju Valsdóttur. Þráinn Sigvaldason stóð sig vel í hlutverki undirförla eiginmannsins John Smith og átti hann góða spretti, sérstaklega í samleik sínum með Bernharð Arnarsyni.
Bernharð leikur atvinnulausa nágrannann Stanley Gardner, sem verður vitorðsmaður hins ótrúa eiginmanns án þess að hafa nokkurn áhuga á því. Hlutverk Stanleys er nokkurs konar trúðshlutverk, en Bernharð vakti mikla lukku hjá áhorfendum frá því hann birtist fyrst á sviðinu og virtist hann finna sig vel í hlutverkinu. Lögreglumennirnir tveir sem flækjast inn í líf Smiths eru skemmtilegar andstæður og leikararnir komu hlutverkunum vel til skila. Sigurður Elvar Viðarsson leikur lögreglufulltrúann Trougthon, sem er harður í horn að taka, á meðan lögreglumaðurinn Porterhouse, sem leikinn var af Sigurði Baldvini Sverrissyni, er auðtrúa og ljúfur. Báðir leikararnir fundu sig vel í hlutverkum sínum og Sigurður Baldvin, sem hinn svuntuklæddi Porterhouse, var algerlega frábær í seinni hluta sýningarinnar. Það var ekki að merkja að nokkuð frumsýningarstress væri í hópnum og þó vissulega hafi einhverjir hnökrar verið, eins og iðulega í leikhúsi, voru þeir svo smávægilegir að það er alger óþarfi að minnast á þá því þeir blikna í samanburði við allt það jákvæða við sýninguna og hversu vel til tókst.
Það eru prestshjónin að Möðruvöllum, þau Margrét Sverrisdóttir og Oddur Bjarni Þorkelsson, sem leikstýra verkinu en þau hafa bæði mikla reynslu af leikhússtörfum. Mörg börn kannast við Margréti í hlutverki álfsins Skottu í Stundinni okkar en þau Oddur unnu saman að þáttunum um nokkurra ára skeið. Hjónin eru greinilega gott teymi því Með vífið í lúkunum er afar vel heppnuð sýning. Ég vissi ekki við hverju ég átti að búast þar sem ég hef aldrei áður farið á sýningu hjá leikfélaginu. Áhugaleikhús eru misjöfn eins og þau eru mörg en þessi sýning kom skemmtilega á óvart. Leikstjórarnir eiga hrós skilið fyrir vel unnin störf og það var vel skipað í hlutverkin af þeirra hálfu. Sýningin rann áreynslulaust áfram og var stórskemmtileg frá upphafi til enda. Tæknileg atriði, sem skipta miklu máli í sýningu eins og þessari, voru vel útfærð og allt gekk prýðilega vel upp. Leikgleðin var nánast smitandi og salurinn veltist um af hlátri frá fyrstu mínútu og fram að lokum sýningarinnar og þegar kemur að gamanleikriti er víst ekki hægt að biðja um meira. Sýningin Með vífið í lúkunum er á heildina litið vel heppnuð sýning og þeir sem vilja láta skemmta sér almennilega ættu tvímælalaust gera sér ferð í Hörgárdalinn og ekki láta þessa sýningu framhjá sér fara.
-Tinna Eiríksdóttir
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
