20. nóvember - 27. nóvember - Tbl 47
Heiðursnafnbætur húsvískra sjómanna
Heiðursnafnbætur húsvískra sjómanna
Ég hef ekki hugmynd um hvort vinir mínir og kunningjar á Akureyri búi við sömu blessun og við karlpungar á Húsavík; að það er sama hvaða nöfnum við erum skírðir og hvað við erum kallaðir framan af æfi, við vitum að við eigum eftir að fá okkar „réttu“ nöfn stimpluð á umræddan pung með tíð og tíma.
Tregur var ég eitt sinn knúinn til að skemmta á Sjómannahófi á Húsavík. Ég hafði ekkert í höndum til að kæta geð guma og var snauður hugmynda. Mundi svo allt í einu að meira og minna allir sjómenn (eins og reyndar flestir bæjarbúar, nema slatti af konum) bæru upp,- viður- og auknefni af einhverju tagi og spurning hvort eitthvað væri hægt að brúka það til skemmtunar.
Ég settist því niður, skrifaði lista með öllum uppnefnum sjóara sem ég mundi og fékk svo til liðs við mig einn úr þeirra hópi sem bætti um betur.
Þetta skilaði samtals 97 nöfnum sem ég vissi ekki þá og veit ekki enn við hverja eiga, nema sum (og einhverjir úr þessum „margnefnda“ hópi eru nú úr heimi horfnir). Þessum heitum var svo saman raðað svo syngja mætti og flutt á Sjómannahófi við þó nokkurn fögnuð við lagið María, María.
Og ég velt fyrir mér hvort hægt væri að setja saman sambærilegan brag og eftirfarandi, á Akureyri eða öðrum sjávarplássum:
Húsvískir sjómenn
Skarfurinn, Hlunkurinn, Glæpurinn, Gandi,
Glópurinn, Nuddarinn.
Villimaðurinn, Geirbjörn og Gretskó,
Gleypirinn, Lurkurinn.
Heimsmeistarinn og Hojarinn,
Hermaurarnir og Lojarinn.
Urgurinn, Múnarinn, Brúskurinn, Brasi
Og Besti hesturinn!
Þingmaðurinn og Hjartarbaninn,
Jammarinn, Kúkurinn.
Ljónið, Stíssi og Tirli og Bæsi,
Naggurinn, Fronturinn.
Gamla smjörið og Gilsarinn,
Gontararnir og Arfurinn.
Rjúpan, Skælir og Skalli og Peron
og Hvíti Skarfurinn!
Gladdarnir, Nelson og Séra Jón Prímus,
Belgurinn, Farþeginn.
Meinhornið, Skepnan og Fyrirgreiðslan,
Feiti og Manni minn.
Stóri Stormur og Strokkurinn,
Rugguhestur og Goggurinn.
Öskukjafturinn, Gamla konan,
og Kvartarinn, Dvergurinn!
Stóri Strumpurinn, Ónassis, Ýlir,
Krókurinn, Vorboðinn.
Boddi, Slabbi og Þúfnaspyrnir,
Slappurinn, Drengurinn.
Nebbi, Gyllir og Nubburinn,
Blossi, Kurteisi og Kjarkurinn.
Sjálfur og Bassi og Strabbinn og Bilaði,
Búkkinn og Búbblarinn!
Sannleiksmolinn og Síberíu-Geiri,
Sjúbbinn og Foringinn.
Litla Mengunin, Júníórinn,
Drullugur, Kletturinn.
Prinsinn, Glussi og Gormurinn,
Bauli, Bóndinn og Kubburinn.
Vitri, Skítugur, Sérfræðingurinn,
Sauðaþjófurinn!
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
