Gengið um Krossanesborgir
Að ganga um Krossanesborgir er alveg dýrðlegt. Það er búið að leggja þar góða göngustíga við allra hæfi. Það þarf ekki að fara lengra til að komast í nálægð við felst það sem náttúran hefur upp á að bjóða. Fjölbreytt fuglalíf, fjölbreyttan gróður og margvísleg jarðfræðileg fyrirbrigði. Krossanesborgir eru fólkvangur, sem þýðir í raunað þær eru friðaðar, en samt á forræði bæjarins.
Við erum heppin að eiga svona svæði innan bæjarmarkanna.
Aðkoma er á tveimur stöðum. Beint utan við Byko er plan, með upplýsingaskilti um svæðið og gönguleiðirnar. Einnig er hægt að fara útaf Norðurlandsvegi, á móts við stóra upplýsingaskiltið og ganga þaðan. Á undanförnum árum hefur verið unnið að stígagerð í borgunum og er nú malborinn stígur um megin hluta þeirra. Það er hægt að velja sér nokkrar vegalengdir. Lengsti hringurinn er um 4,5km, en stysti er um 1,5km Svo er hægt að blanda þessu á mismunandi hátt. Svo er hægt að ganga inn í borgirnar og snúa við þegar maður vill. Að ganga t.d. frá Hundatjörn og út að fuglaskoðunarhúsinu við Djáknatjörn og til baka er um 3km. Við göngustiginn hefur verið komið fyrir upplýsingaskiltum á nokkrum stöðum, þar sem hægt er að lesa um fugla, gróður, jarðfræði eða um svæðið. Ég held þau séu tólf. Ég hef oft ætlað að telja þau á göngu minni um svæðið, en er alltaf búinn að týna tölunni þegar á leiðarenda er komið. Ég skora á ykkur að staldra við hjá þeim og lesa þau. Þar er ýmsan fróðleik að finna. Á svæðinu eru tvær og hálf tjörn.
Við inngöngu inn í borgirnar er Hundatjörn. Hvers vegna hún heitir Hundatjörn veit ég ekki, en heyrði einhvern tímann þá skýringu sem ég læt fljóta með að bóndi í nágrenninu hefði misst alla sína hunda í tjörnina og þaðan sé nafnið komið. Utarlega í borgunum er Djáknatjörn. Á henni er gífurlega fjölbreytt fuglalíf, sem gaman er að fylgjast með. Við tjörnina er fuglaskoðunarhús og upplagt, þótt þið séuð ekki að fara að skoða fuglalíf að koma þar við og kvitta í gestabók, sem þar liggur frami. Gömul þjóðsaga segir að tjörnin beri nafn sitt af því að ofan í hana hafi farið í gegnum ís djákni með hesti sínum og hundi. Það er skemmst frá því að segja að líkið af djáknanum rak upp í Hrísey, hesturinn fannst á Galmaströnd, en hvar er hundurinn? Hálftjörnin er svo kölluð Startjörn. Þar er ekki um eiginlega tjörn að ræða heldur votan flóa, ófærum gangandi. Neðst í borgunum liggur stígurinn eftir gamalli götu. Það er sennilega með elstu götum sem legið hafa norður frá Akureyri út Kræklingahlíðina.
Að ganga þarna um svæðið kemur manni í gott samband við náttúruna. Svæðið er mjög markað af átökum náttúrunnar og breytingum frá ísöld. Framskrið jökla úr Glerárdal hefur mjög mótað þetta svæði og klappirnar bera þess glöggt merki. Á milli klappaborganna eru svo mýrarflákar og þúfubörð. Töluvert er um sjálfsprottin tré. Gróður er mikill á svæðinu og berjaspretta með hreinum ágætum, nema í haust. Frekar lítið er af berjum og þau ekki vel þroskuð. Þarna má líka finna minjar um hernámið og veru Breta hér. Það má sjá móta fyrir skotgröfum, einstaka girðingastaur frá þeim og svo gaddavírsflækjur. Einnig má sjá leyfar af eldri áveitu á svæðinu. Þegar gengið er um svæðið er ekkert sem bannar að fara út af slóð, leggjast á milli þúfna og njóta gróðurs og berja, eða ganga upp á klappirnar og virða fyrir sér ummerki eftir átök ísaldarloka og sjá jökulsorfnar klappirnar. Útsýni um nágrenni er mjög gott, bæði inn og út fjörðinn.
Ég skora á ykkur að taka góðan göngutúr í Krossanesborgum. Svæðið býr yfir svo miklum krafti að þið komið endurnærð til baka.
Gleymið ekki myndavélinni.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
