Stefnir að fleiri leiksigrum
Kristný Ósk Geirsdóttir er fædd og uppalin á Húsavík. Foreldrar hennar eru Birgitta Bjarney Svavarsdóttir í Garðarshólma og Geir Ívarsson. Hún er 16 ára gömul, elst þriggja systkina.
Kristný Ósk er um þessar mundir að leika aðlahlutverkið í uppsetningu leikfélags Framhaldsskólans á Húsavík, Píramus og Þispu á leikverkinu „Þú ert í blóma lífsins, fíflið þitt!“ eftir Davíð Þór Jónsson. Leikstjóri er Jóhann Kristinn Gunnarsson.
Kristný Ósk fer með aðalhlutverkið í sýningunni, hún leikur Lillu, en verkið fjallar um uppvaxtarár hennar frá getnaði til stúdentsprófs. Skarpur tók þessa ungu og upprennandi leikkonu tali í vikunni og ræddi við hana um leiklistardrauminn og ýmislegt fleira. Það er óhætt að fullyrða að Kristný Ósk fari á kostum sem Lilla. Hún túlkar hlutverk sitt af einstaklega miklu öryggi og innlifun. Það er líka engin furða þegar maður skoðar ferilinn hjá þessari 16 ára gömlu Húsavíkurstúlku. Eftir hana liggja fjölmörg hlutverk, bæði með Leikfélagi Húsvíkur og í skólaleikritum.
„Ég byrjaði hjá Leikfélagi Húsavíkur (LH) 2014, þá lék ég Heiðu í leikritinu Sitji guðs englar,“segir hún. Þarna er um að ræða leikgerð Illuga Jökulssonar upp úr þrem bókum Guðrúnar Helgadóttur – Sitji guðs englar, Saman í hring og Sænginni yfir minni. Um leikstjórn sáu hjónin Oddur Bjarni Þorkelsson og Margrét Sverrisdóttir. Auk Kristnýar Óskar stigu í fyrsta sinn nokkrir ungir og upprennandi leikarar á svið í sýningunni og nutu fulltingis fjölmargra reynslubolta Leikfélags Húsavíkur.
Ítarlegra viðtal við Kristnýju Ósk má nálgast í prentútgáfu Skarps.
-Skarpur, 10. nóvember.
Nýjast
-
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur.
