20. nóvember - 27. nóvember - Tbl 47
Spáð í enska boltann: Jóhann Kristinn
Íslenskir knattspyrnuáhugamenn eru um þessar mundir að setja sig í stellingar og iða jafnvel í skinninu eftir að enski boltinn rúlli af stað. Enska úrvalsdeildin sparkast í gang á næstkomandi laugardag.
Síðasta tímabil þótti afar sérstakt þar sem „litla“ liðið Leicester skaut fjársterkum stórliðunum ref fyrir rass og stóð uppi sem sigurvegari undir stjórn Claudio Ranieri, Tottenham var í bullandi toppbaráttu allt til loka tímabilsins. Á sama tíma þóttu stórlið á borð við Manchester United og Chelsea valda miklum vonbrigðum. United endaði í 5. sæti en Chelsea voru langt frá því að verja Englandsmeistaratitil sinn og enduðu í 10. sæti.
Manchester City náðu heldur aldrei að setja mark sitt á toppbaráttuna og enduðu í 4. sæti og Arsenal sem reyndar skriðu upp í annað sætið á lokametrunum voru aldrei líklegir til að hampa titlinu og Liverpool sem skipti um stjóra á miðju tímabili endaði í 8. sæti.
Mikil eftirvænting ríkir fyrir komandi tímabili og eru margir á því að allir bestu knattspyrnustjórar Evrópu séu nú komnir í ensku úrvalsdeildina. Pep Gardiola hefur tekið við stjórnartaumunum hjá Man City, Antonio Conte ætlar að rífa upp heillum horfið Chelsea liðið, hin litríki Jose Morinho er tekinn við stjórnartaumunum hjá Man United, Jurgen Klopp hefur lyft væntingastuðlinum hjá Liverpool en hann tók við liðinu fyrir mitt síðasta tímabil. Fyrir eru svo Arsene Wenger hjá Arsenal og Mauricio Pochettino stjóri Tottenham er mjög spennandi stjóri sem þegar hefur náð góðum árangri. Það verður líka spennandi að sjá hvernig titilvörnin hjá Ranieri og Leicester tekst til en liðið mun spila í Meistaradeild Evrópu í fyrsta sinn í sögu félagsins.
Stórliðin hafa líka verið að styrkja sig mikið og ausið fjármunum í nýja leikmenn.
Dagskráin.is hitar upp fyrir komandi átök og fær stuðningsmenn nokkurra liða til að spá í tímabilið.
Jóhann Kristinn Gunnarsson þjálfari kvennaliðs Þórs/KA á Akureyri ríður á vaðið:
Með hvaða liði heldur þú?
Liverpool
Man ekki nákvæmlega hvers vegna en eldri frændur koma líklega til greina. Svo bara hreifst maður af þessum goðum á níunda áratugnum. Svo hefur auðvitað stjóri allra stjóra, Bill Shankly mikil áhrif. Maður hefur líklega verið opinber Liverpool maður síðan 1984-5.
Hvernig leggst tímabilið í þig?
Nokkuð vel. Ég var ekki mikill aðdáandi Brendans og því leggst tímabilið vel í mig núna með Mr. Klopp í brúnni.
Hvaða lið mun koma mest á óvart?
Það verður nú varla óvart ef ég uppljóstra því! En líklega verður það Arsenal.
Hverjar eru væntingarnar til þinna manna?
Væntingar eru um meistaradeildarsæti. Það er fínt markmið og góður árangur ef næst.
Ertu ánægður með kaup sumarsins hingað til?
Það er auðvitað þannig að maður vill alltaf sjá risakaup hjá sínum mönnum. Við ráðum ekki við dósa- og flöskusöfnunina í nágrannaborginni þetta árið þannig að miðað við eyðslu þá er maður alveg sæmilega sáttur. Hefði samt viljað sjá 1-2 andlit í viðbót. Við hefðum alveg mátt sjá einn alvöru vinstri bakvörð t.d. ásamt einum heimsklassa hafsent. En best að vera ekkert of frekur.
Klopp faktorinn,- hefur hann mikið að segja í vetur?
Já örugglega. Ég er mikill stuðningsmaður hans og þeirra sem með honum starfa. Hef mikla trú á honum og held að hann fari lengra með LFC en við höfum séð undanfarin misseri.
Liverpool verðu ekki með í Evrópukeppni í ár – mun það hjálpa til í deild og bikar?
Ég veit það nú ekki. Þegar inní tímabilið er komið vilja menn spila. Liðin hafa mikla leikmannahópa og eiga að geta spilað marga leiki. Ég held að evrópukeppni hjálpi nú yfirleitt liðum frekar en hitt. Það er lélegt að vera ekki í evrópukeppni a.m.k. Verðum að snúa því við.
Veikasti hlekkur þíns liðs?
Klassískt að segja Mignolet. En ég veit ekkert um markmenn svo ég er ekki dómbær á það. Ég óttast að það sé hafsentastaðan og vinstri bakvörðurinn.
Helsti styrkur þíns liðs?
Mig grunar að það verði ekki mikið vandamál að skora mörk í vetur. Segi að það sé styrkurinn.
Hvaða lið óttast þú mest?
Ekkert sem hræðir mann óþarflega. Segjum bara Leicester til að segja eitthvað.
Eitthvað lið sem þú þolir ekki/ hvers vegna?
Man Utd. Bara.
Hver verður stjarna tímabilsins bæði hjá þínu liði og/eða í heild?
Ég hef trú á nýja hafsentinum sem kom frá Schalke. Joel Matip. Segi að hann eigi eftir að skína skært. Í heildina verður það Zlatan. Burtséð frá getu og frammistöðu.
Hvaða unga leikmann bindur þú mestar vonir við?
Marko Grujic. Hann er að koma ansi öflugur fram á sviðið hjá okkar mönnum á undirbúningstímabilinu. Ef Can telst ennþá ungur þá held ég að hann verði öflugur fyrir LFC.
Spáin:
Hvaða lið vinnur titilinn?
Man.utd – Þeir hljóta að ná honum eftir alla þessa eyðslu í menn og stjóra.
Hvaða lið verða í topp 4?
Man.Utd. Arsenal, City og Liverpool
Hvar endar þitt lið?
4.sæti
Hvaða lið falla?
Middlesborough, Burnley og Bournemouth.
Að lokum hver verður fyrsti stjórinn til að taka pokann sinn?
David Moyes.
Nýjast
-
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu
