23. október - 30. október - Tbl 43
Nauðsynlegt fyrir framþróun sundíþróttarinnar að fá yfirbyggða sundlaug
Það er strembið að þjálfa og æfa sund í þessum aðstæðum Mynidr Aðsendar
„Aðstaða til sundiðkunar á Akureyri er því miður langt í frá nægilega góð, margt mjög ábótavant því miður,“ segir Einar Már Ríkarðsson varaformaður Sundfélagsins Óðins á Akureyri. Dýrleif Skjóldal hefur vakið athygli á því undanfarið að lítið hafi þokast í átt að því að skapa sundfólki betri aðstöðu til æfinga, sú saga sé löng og fátt ef nokkuð jákvætt gerst í þeim efnum.
Einar Már segir að til að vel sé þurfi yfirbyggða sundlaug sem myndi stórbæta aðstöðu til afreksþjálfunar. „Við erum að missa efnilega iðkendur suður eða til útlanda því aðstaða hér hjá okkur er svo slæm,“ segir hann.
Fella niður æfingar vegna kulda
Sem dæmi nefnir hann að fella þurfi niður fjölmargar æfingar á hverjum vetri vegna kulda. „Við höfum neyðst til að fella æfingar niður, það er ekki hægt að bjóða upp á æfingar þegar hvað kaldast er. Það er meiri hætta á meiðslum þegar æft er í kulda og svo er alls ekki hægt að sjá sundmenn þegar uppgufun úr lauginni er mikil í frosti. Það hefur í för með sér að ómögulegt er fyrir þjálfara að leiðbeina iðkendum og að ekki sé talað um öryggi sundmanna,“ segir Einar Már.
Sundfélagið Óðinn á erfitt með að halda sundmót þar sem starfsemin er eins háð veðri og raun ber vitni. Sund sé vetraríþrótt, þar sem keppnistímabilið er frá september fram í júní. „Við höfum þurft að stíla inn á haust og vor með okkar mót og vonast til að veðrið verði okkur hagstætt, sem vissulega er alls ekki alltaf,“ segir hann. Þá sé félagið með æfingahóp fyrir fatlaðað fólk, sem lang best væri að æfði við bestu aðstæður inni.
Einar Már Ríkarðsson varaformaður Sundfélagsins Óðins
Hæfileikaríkir og metnaðarfullir sundmenn íhuga að flytja úr bænum
Félagið hefði því margoft bent á nauðsyn þess að á Akureyri væri til staðar yfirbyggð sundlaug. Æfingatímabil iðkenda yrði lengra og þá yrði einnig hægt að vinna upp biðlista eftir að komast að í sundskólann. „Það er orðið mjög aðkallandi að hér sé til 50 metra yfirbyggð sundlaug. Það er stórt mál fyrir sundíþróttina í bænum auk þess að vera lýðheilsumál.“ Hann bendir á að það séu ekki bara metnaðarfullir og hæfileikaríkir sundmenn sem standi frammi fyrir þeirri ákvörðun að flytja úr bænum til að geta æft sund við viðunandi aðstæður eða hætta æfingum að öðrum kosti. „Fjölskyldur þessara sundmanna standa líka frammi fyrir þessari ákvörðun,“ segir hann og bætir við að nýverið hafi sundfólk úr Óðni farið í keppnisferð til Hafnarfjarðar þar sem sundaðstaða er til fyrirmyndar. Eitt foreldrið nefndi að það væri kannski bara rétt að flytja þangað.“
Nýjast
-
Sannkallaðir kyndilberar íþróttarinnar
Lýstu upp gönguskíðasvæði Húsavíkinga -
Baráttan sem ætti að sameina okkur
Það liggur þráður í íslensku þjóðarsálinni sem tengir okkur við landið. Okkur þykir vænt um það, við erum stolt af náttúrunni. Þó getur hlaupið snurða á þráðinn þegar samfélögum er stillt upp við vegg og þeim lofað öllu fögru, séu þau tilbúin að fórna náttúrunni. Fólk og fjármunir streymi til viðkvæmra svæða í skiptum fyrir að landi sé sökkt, vatnsfarvegum breytt, vindorkuver reist á sjóndeildarhringnum eða firðir fylltir af fiskeldi. Jafnvel sálir sem elska landið sitt geta látið glepjast, en auðhyggjuöflin sem sjá hvern blett ósnortinnar náttúru sem vannýtt gróðatækifæri hafa hag samfélagsins aldrei að sínu markmiði. -
Tæplega 500 nemendur Lundarskóla frá námi.
Á miðnætti hófst verkfall í nokkrum leik og grunskólum á landinu og er Lundarskóli fjölmennasti grunnskóli bæjarins einn þeirra. -
Akureyrardætur styrkja KAON
Akureyrardætur hafa um tíðina lagt mikið upp úr því að hvetja konur til að hjóla sér til heilsubótar í gleði og láta gott af sér leiða -
Þorsteinn efstur hjá Sósíalistum
Þorsteinn Bergsson, rithöfundur og þýðandi verður í fyrsta sæti á lista Sósíalistaflokks. -
Flæði fjármagns og bætt lífskjör
„Ekkert hinna Norðurlandanna hefur gengið jafn langt í sértækri skattlagningu á fjármálafyrirtæki.“ -
Þingeyjarsveit hlýtur jafnlaunavottun
Þingeyjarsveit hefur hlotið jafnlaunavottun samkvæmt jafnlaunastaðlinum ÍST85. Vottunin er staðfesting á því að jafnlaunakerfi Þingeyjarsveitar uppfylli kröfur jafnlaunastaðalsins og með vottuninni hefur Þingeyjarsveit öðlast heimild Jafnréttisstofu að nota jafnlaunamerkið til næstu þriggja ára. -
Sorphirðumál í Svalbarðsstrandahreppi - Þriggja tunnu kerfi tekið upp
Svalbarðsstrandarhreppur mun útvega íbúum sveitarfélagsins nýjar tunnur undir sorp og endurvinnsluefni án endurgjalds. Stefnt er að því að þriggja tunnu kerfi verði komið í gagnið 1. janúar 2025. -
Söfnun fyrir færanlegu gufubaði gengur vonum framar
„Viðtökur hafa farið fram úr mínum björtustu vonum, við erum þegar komin með um það bil helminginn af takmarkinu“ segir María Pálsdóttir leikkona sem er með verkefni á Karolina fund en það gengur út á að bjóða áhugasömum að kaupa sér aðgang fyrirfram með góðum afslætti að Sánavagni Mæju.
