Matarmarkaður á Svartárkotsbúinu í Bárðardal
Svartárkotsbúið í Bárðardal verður opið gestum á morgun sunnudag, 18. ágúst, þegar samtökin Beint frá býli halda upp á daginn með því að bjóða upp á heimsóknir á býli um land allt. Dagurinn er nú haldinn annað árið í röð. Beint frá býli dagurinn var haldinn á liðnu ári í tilefni af 15 ára afmæli samtakanna og þá á 6 lögbýlum, einum í hverjum landshluta og var tilgangurinn að kynna starfsemi heimavinnsluaðila og byggja upp tengsl þeirra á milli.
Afar góð mæting var í öllum landshlutum og almennt mikil ánægja.
Skipuleggjendur áætla að 3-4000 manns hafi lagt leið sína á bæina samanlagt. Því var ákveðið að gera daginn að árlegum viðburði. Heimavinnsluaðilar og smáframleiðendur matvæla mæta í Svartárkot til að kynna og selja vöru sína. Gestum verður boðið upp á léttar veitingar, kökusneið, kaffi og djús í boði samtakanna Beint frá býli.
Nýtt vinnsluhús í byggingu
Matarmarkaðurinn og veitingarnar verða í nýju vinnsluhúsi sem er í byggingu á býlinu en framleiðendur í samtökunum taka þátt og bjóða upp á varning. Leiðsögn verður í reykhúsið og gestir fræddir um fjallahringinn og helstu örnefni. Svartárkot er einn af samstarfsaðilunum sem standa að Nægtarbrunni náttúrunnar, þróunarverkefni sem gestir fá kynningu á. Unnið er að byggingu stærra vinnslurýmis og gróðurhúss sem hægt er að skoða. Þá eru mannelskir heimalningar á staðnum og hestar sem yngri gestir geta fengið að sitja.
Reyktur silungur frá Svartárkoti er rómaður
Hugur í bændum í Svartárkoti
Í Svartárkoti er stundaður sauðfjárbúskapur ásamt annarri starfsemi. Guðrún Sigríður Tryggvadóttir og Hlini Gíslason reka sauðfjárbúið en Sigurlína Tryggvadóttir og Magnús Skarphéðinsson reka ferðaþjónustuna ásamt fleirum, í Kiðagili í Bárðardal þar sem í boði er gisting og veitingasala.
Guðrún segir ferðaþjónustu hafa undanfarin ár orðið æ fyrirferðameiri og nái yfir lengra tímabil en áður og því hafi búskapurinn og ferðaþjónustan í rauninni verið að keppa um tímann. Þess vegna hafi verið ákveðið að skipta störfum á milli aðila upp svo þetta gæti allt gengið upp og því hafi Guðrún og Hlini tekið að sér sauðfjárbúskapinn meðan Sigurlína og Magnús sinna ferðaþjónustunni en þess á milli vinna þau saman að annarri annari starfsemi búsins og ýmsum þróunarverkefnum.
Bæta aðstöðu og þróa fleiri afurðir
„Við höfum lengi unnið talsvert sjálf úr okkar afurðum, hér er reykhús og lítið vinnsluhús, rúmir 40 fermetrar að stærð. Meðal annars höfum við reykt silung og hangikjöt, en ætlum að fara í meira mæli út í vinnslu á eigin afurðum og erum því að reisa nýtt vinnsluhús. Það verður um 100 fermetrar að stærð og við munum í kjölfar þess að það verður tilbúið hafa rýmri og betri aðstöðu til framleiðslunnar en við höfum undanfarin ár verið að þróa aðrar og fleiri afurðir,“ segir Guðrún en einnig stendur til að opna litla sveitabúð á jörðinni í framhaldinu.
Gróðurhúsið mun ganga fyrir jarðrafhlöðu
Auk þess sem nýtt vinnsluhús er í byggingu er verið að reisa gróðurhús í Svartárkoti og mun það að erlendri fyrirmynd nýta jarðrafhlöðu sem lengir ræktunartímann á köldu svæði. Þetta er nýjung hér á landi. Guðrún segir að gróðurhúsið sé í byggingu ásamt jarðrafhlöðunni og stefnt sé að því að taka húsið í notkun næsta sumar. Til stendur að rækta allra handa grænmeti í húsinu og prófa sig m.a. áfram með framleiðslu á vínberjum og fleiru.
Það er margt sem gleður augað þarna ,,efra"
Nýjast
-
Föngulegir gripir á árlegri og hátíðlegri hrútasýningu
Hin árlega hrútasýning Félags sauðfjárbænda í Suður-Þingeyjarsýslu var haldin hátíðlega nú fyrir skemmstu. Líkt og fyrri ár fór hún fram á tveimur stöðum en fyrir hádegi var hist í Hriflu og eftir hádegi í Sýrnesi. -
Leiktæki endurspegla sköpunargáfu og sjálfbærni
Nemendur sem nú eru í 8. bekk í Hrafnagilsskóla hafa lokið við verkefni sem þeir hófu á liðnu ári, þá í 7. bekk en það fólst í að setja upp ný útileiktæki á skólalóðinni fyrir yngstu nemendur skólans. Verkefnið unnu nemendur undir leiðsögn smíðakennara síns Rebekku Kühnis. -
Sigurjón Þórðarsson skipar fyrsta sæti á lista Flokks fólksins í Norðausturkjördæmi
Sigurjón Þórðarsson varaþingmaður Flokks fólksins í Norðvesturkjördæmi mun leiða framboðslista flokksins í Norðausturkjördæmi í komandi alþingiskosningum. En eins og fram hefur komið hlaut Jakob Frímann Magnússon sem leiddi flokkinn i þessu kjördæmi ekki náð fyrir augum uppstillingarnefndar -
Samherji hefur varið meira en 100% af hagnaði dótturfélaga til fjárfestinga í rekstri á undanförnum árum
Á síðustu fimm árum hafa Samherji Ísland og Samherji fiskeldi varið meira en eitt hundrað prósentum hagnaðar í fjárfestingar beint í rekstri félaganna, þ.e. í nýjum skipum, vinnsluhúsum og tækjabúnaði. Árið 2020, þegar Samherji vígði nýtt vinnsluhús á Dalvík, fór hlutfallið upp í 145%. -
Sigmundur Davíð Gunnlaugsson boðar umbúðalaus stjórnmál..
„Þau útskýra fyrir okkur að það þurfi að byggja miklu meira af því að það streymi svo margt fólk til landsins, og svo er útskýrt að það þurfi að streyma fólk til landsins til að geta byggt meira. Hér er einhver keðjuverkun, það eru rökin, það þurfi að byggja, því það er svo mikil fjölgun, ekki fjölgun Íslendinga, heldur fjölgun þeirra sem koma.“ -
Kynning á verkefninu Lausu skrúfunni tókst vel
„Lausa skrúfan fer formlega í sölu í febrúar, enda getur það verið erfiður mánuður fyrir þau sem glíma við andlegar áskoranir. Því er sérstaklega mikilvægt að huga að geðinu í myrkrinu og kuldanum sem fylgja vetrarmánuðunum.,“ segir Sonja Rún Sigríðardóttir verkefnastjóri Unghuga og kynningarmála hjá Grófinni geðrækt. -
Ingvar Þóroddsson stefnir á 1. sæti hjá Viðreisn
Ingvar Þóroddsson tilkynnti um helgina að hann stefni á forystusæti fyrir Viðreisn í Norðausturkjördæmi fyrir alþingiskosningarnar 30. nóvember næstkomandi. Hann sé vel til þess fallinn að tryggja flokknum þingsæti í kjördæminu og tala máli kjósenda í landshlutanum. -
Háskólinn á Akureyri tekur þátt í verkefni um Letta á Íslandi
„Á venjulegum vordegi fyrsta árið mitt á Akureyri fékk ég skilaboð frá Letta á Facebook. Yfirleitt opna ég ekki skilaboð af þessu tagi nema ég eigi von á einhverju, en í þetta sinn gerði ég það. Þar stóð: „Hæ, Gundega! Ég er að skrifa um verkefni sem miðar að því að fræðast meira um Letta sem búa á Íslandi. Viltu segja frá lífi þínu á Íslandi?“ Svar mitt var að sjálfsögðu já. Nokkrum mánuðum síðar hittumst við á Akureyri og ég var tekin upp sem hluti af Nordplus verkefninu sem Háskólinn á Akureyri og Riga Stradins háskólinn í Lettlandi eru saman í,” segir Gundega Skela, rannsakandi og stúdent við skólann, um aðkomu hennar að verkefninu. -
Björn Mikaelsson hannaði og hnýtir bleiku fluguna
Björn Mikaelsson fyrrverandi lögreglumaður á Sauðárkróki og nú ákafur áhugamaður um fluguhnýtingar var ekki lengi að koma sér að verki þegar dóttir hans, Hrönn Arnheiður spurði hvort hann væri til í að hnýta bleika flugu. Hann hefur setið við í vinnuaðstöðu sem hann hefur komið sér upp í bílskúr við hús sitt og flugurnar hafa komið ef svo má segja á færibandi. Björn hnýtir og Hrönn selur.
