20. nóvember - 27. nóvember - Tbl 47
„Hressandi að vakna snemma og launin eru góð“
Frá vinstri: Andri Rúnar Hákonarson, Emilía Björk Óladóttir, Sunneva María Vilhelmsdóttir, Lárus Vinit Víðisson. Myndir/samherji.is
Um fjörutíu ungmenni eru ráðin til starfa í vinnsluhúsi Útgerðarfélags Akureyringa á Akureyri í sumar til að leysa af fastráðið starfsfólk vegna sumarleyfa.
Starfsmenn vinnsluhússins eru að jafnaði um eitt hundrað og tuttugu, þannig að hlutfall sumarstarfsfólks er nokkuð hátt þessar vikurnar.
Mikilvægt starfsfólk
Sunneva Ósk Guðmundsdóttir framleiðslustjóri segir að vel hafi gengið með ráðningar.
„Það er alltaf töluverð ásókn í sumarstörfin og því miður ekki hægt að verða við öllum umsóknum. Flest sem sækja um vinnu hafa kynnt sér starfsemina og vita ágætlega að hverju þau ganga. Áður en þessir nýju starfsmenn hefja störf er efnt til nýliðafræðslu, þar sem farið er yfir helstu þætti starfseminnar og spurningum svarað. Án sumarafleysingafólksins væri líklega ekki hægt að halda úti fullri starfsemi svo þessir starfsmenn eru mikilvægir. ,,Þetta er upp til hópa hörku duglegt fólk, auk þess sem launin hérna eru líklega talsvert hærri en gengur og gerist hjá ungu fólki.“
Vantaði sumarvinnu
Sunneva María Vilhelmsdóttir er sextán ára og hefur ekki starfað áður í fiskvinnslu.
„Mig vantaði sumarvinnu, mamma sótti um fyrir mig og ég var ráðin. Stundum er ég í pökkun, aðra daga vinn ég við að skera fisk og svo hef ég líka verið á lausfrystinum, þannig að þetta er bara fjölbreytt. Vinnan hefst oftast klukkan átta á morgnana og flesta daga er unnið til klukkan fjögur.“
Er þetta erfið vinna ?
„Nei ekki svo, það finnst mér ekki. Svo þekki ég marga sem eru að vinna hérna, miklu fleiri en ég bjóst við, segir Sunneva María.“
Sunneva María Vilhelmsdóttir
Emilía Björk Óladóttir er á átjánda aldursári og hún hefur líkt og Sunneva María aldrei áður unnið í fiski.
„Þetta er bara mjög fínt, ég hef undanfarna daga verið í flugfiskinum og það er margt að læra fyrstu vikurnar. Mér líst bara mjög vel á þetta allt saman.“
Hvernig er að mæta til vinnu snemma á morgnana ?
„Það er bara hressandi að vakna snemma, ég fer bara fyrr að sofa og þá er þetta í fínu lagi.“
Mötuneytið, hvernig er það ?
„Mjög fínt, finnst mér. Góður matur.“
Hvað með launin, eru þau góð ?
„Ég veit ekki nákvæmlega hver launin eru en ég veit að þau eru góð miðað við annað sem er í boði. Þetta kemur allt í ljós við fyrstu útborgun,“ segir Emilía Björk.
Emilía Björk Óladóttir
Góð laun og fínt mötuneyti
Andri Rúnar Hákonarson er sautján ára og hann starfaði í vinnsluhúsi ÚA síðasta sumar.
„Ég er aðallega í að slægja fisk og mæti stundum á undan flestum til að undirbúa vinnsluna.“
Er þetta erfið vinna ?
„Nei, það finnst mér ekki en stundum getur hún verið svolítið erfið og það er bara í fínu lagi.“
Ferðu þreyttur heim ?
„Já, já, það kemur fyrir en þá er bara að passa sig á að fá nægan svefn.“
Launin, hvernig eru þau ?
„Þau eru góð. Hérna er líka fínt mötuneyti og það skiptir miklu máli,“ segir Andri Rúnar.
Andri Rúnar Hákonarson
Lárus Vinit Víðisson er á sautjánda aldursári. Hann vann í fyrrasumar í ÚA, líkt og Andri Rúnar.
„Mér fannst fínt að vera hérna í fyrra og sótti því aftur um vinnu í sumar og var ráðinn. Ég er mjög ánægður með þetta allt saman.“
Þekkirðu marga hérna ?
„Já, helling og svo kynnist maður líka mörgum, sem er fínt.“
Hvernig er ykkur nýliðunum tekið ?
„Bara vel, eldri starfsmenn kenna okkur margt. Störfin eru margvísleg, þannig að það er auðvitað ýmislegt læra, sérstaklega í fyrra. Núna er þetta léttara, maður veit hvernig flest virkar,“ segir Lárus Vinit Víðisson.
Lárus Vinit Víðisson
Þetta er fyrst að finna á samherji.is
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
