4. sept - 11. sept - Tbl 36
Hákarlar í návígi á Skjálfanda
Amma Helga, einn af Rib-bátum Gentle Giants hvalaferða. Mynd úr safni/Gentle Giants
Farþegar á rib bátum Gentle Giants hvalaferða á Húsavík fengu heldur betur óvæntan glaðning þegar þeir voru í hvalaskoðun á Skjálfanda í vikunni. Eftir að hafa skoðað hnúfubaka lungað úr ferðinni fengu farþegarnir óvænta hákarlaskoðun í kaupbæti, þegar beinhákarlar ákváðu að sýna þeim listir sínar. Og ekki einu sinni heldur tvisvar í sömu ferðinni. 
Hallgrímur Guðmundsson, skipstjóri lýsti upplifuninni sem lygilegri en það er mjög óalgengt að beinhákarla sjáist svo nálægt yfirborði.
Hallgrímur segir í samtali við Vikublaðið að hann hafi tvisvar stoppað til að skoða beinhákarla, einu sinni á miðjum túr en svo aftur rétt áður en komið var til hafnar og þeir hafi virst alveg ófeimnir.
Í fyrra skiptið kom Reynir Hilmarsson, skipstjóri á öðrum rib-báti GG hvalaferða að og voru myndbönd tekin frá báðum bátunum sem skoða má hér fyrir neðan og annað myndband neðst í fréttinni.
Ótrúlegt návígi
„Þegar við vorum saman að skoða annan þeirra og hann fór undir bátinn hjá Reyni,- þá bjóst ég bara við því að hann myndi hverfa, en nei nei. Hann kom upp hinu megin og seinni hákarlinn, sem ég var að skoða einn, gerði þetta mörgum sinnum. Hann kom að bátnum og undir hann og maður hélt að hann myndi rekast á bátinn en nei, undir og upp hinu megin. Þetta var stórfurðulegt,“ segir Hallgrímur og bætir við að hann hafi aðeins einu sinni lent í þessu áður á löngum sjómanns ferli en þessi 62 ára gamli skipstjóri hefur stundað sjóinn frá 14 ára aldri.
„Það var árið 2017, þá fann ég þetta á djúpavatninu rétt austan við Flatey. Þetta eru einu tvö skiptin sem ég hef séð þetta og ég byrjaði á sjó 14 ára,“ segir hann.
Samkvæmt Wikipedia er beinhákarl (Cetorhinus maximus) ein næststærsti fiskur heims og sá stærsti við Íslandsstrendur. Beinhákarlinn getur orðið allt að 12 metra langur, finnst í öllum heimshöfum og er algengur við Ísland.
Þrjár tegundir hákarla eru ekki ránfiskar heldur nærast á svifi og er beinhákarlinn einn þeirra.
Greinilega í átu
Hallgrímur segir að hákarlarnir hafi greinilega verið í átu og þrátt fyrir nálægðina hafi farþegar ekki verið hræddir, en ákaflega spenntir. „Þeir voru klárlega í átu. Þeir voru að synda með opinn kjaftinn og búið að vera ofboðslega mikið æti. Þeir eru klárlega að éta eitthvað. En það er mjög óalgengt að þeir komi svona ofarlega til að éta,“ segir Hallgrímur og lýsir gríðarlegu spennustigi hjá farþegum.
Hátt spennustig en enginn hræddur
„Fólk var alveg gríðarlega spennt fyrri þessu. Alls ekki hrætt þó þeir væru bara 10 cm frá okkur með galopinn kjaftinn. Ég gæti trúað því að þetta hafi verið svona 9 metra löng kvikindi miðað við lengdina á bátunum. Farþegarnir trúðu því eiginlega ekki að þeir væru að lenda í þessu og svo í seinna skiptið þá greip fólk bara um höfuð sér og hrópaði: „Í hverju erum við lent?“. Þetta er mjög skrítið,“ segir Hallgrímur af innlifun.
Þá segir hann að þessi nýju kynni af stærsta fiski við Íslandsstrendur hafi verið mun nánari en þau sem hann stofnaði til árið 2017.
„Þá var ég að vanda mig við að fara ekki of nálægt til að fæla hann ekki frá, þannig að við næðum að sýna hann eitthvað. Maður sá bara bakuggan og efri partinn af sporðinum, eins og hann væri V-laga. Ég hélt fyrst að þetta væri bara eitthvað rusl á sjónum og ætlaði að pikka það upp, en nei nei, þá var þetta bara hákarl. Þetta leit út fyrir að vera tvö aðskilin dýr. Svo hvarf sá, fór einhverja tvo þrjá hringi í kringum okkur og hvarf. En þessir um daginn voru alveg ótrúlega lengi að dóla í kringum bátinn. Ég gæti trúað að við höfum verið með þennan seinni í einhverjar 15 mínútur og þá fórum við bara heim en þó var hann enn þá uppi,“ segir Hallgrímur
Farþegarnir komu alsælir land að sögn Hallgríms enda búin að upplifa sannkallaða drauma siglingu.
„Þeir voru búnir að horfa á fullt af hnúfubökum og fá svo hákarla í bónus. Þetta var alveg lygilegt,“ segir Hallgrímur að lokum.
Nýjast
-
Miklar endurbætur á gömlu heimavist Þelamerkurskóla í gangi
Miklar framkvæmdir hafa verið í gangi í Hörgársveit undanfarin misseri sem miða að því að styrkja innviði sveitarfélags þar sem íbúafjölgun hefur verið mikil hin síðari ár. Gagngerar endurbætur standa yfir á gamla heimavistarhúsnæði Þelamerkurskóla og var nú við upphaf skólaárs tekið í notkun nýtt rými þar fyrir unglingadeild skólans. Áður eða í fyrrahaust var enn ein nýja byggingin tekin í notkun við Heilsuleikskólann Álfastein. Þar var horft til framtíðar, pláss er fyrir 90 börn en þau eru kringum 70 um þessar mundir. Stærstu vinnustaðir sveitarfélagsins eru í leik- og grunnskólanum, en þar eru starfsmenn nú samtals 51. Í Hörgársveit búa nú 866 íbúar og er að því stefnt að þeir verði 1001 í það minnsta um mitt ár 2026. -
Umhverfisvænni kostir fundust ekki fyrir nýjan ferlibíl
Leitað verður eftir nýjum ferlibíl fyrir Strætisvagna Akureyrar sem gengur fyrir dísel orkjugjafa og uppfyllir að lágmarki Euro 6 mengunarstaðal. Ekki fundust aðrir umhverfisvænni kostir segir í bókun umhverfis- og mannvirkjaráðs. -
Fataslá sett upp í MA - Kaupum sjaldnar, kaupum notað
Nú má finna fataskiptislá framan við bókasafn Menntaskólans á Akureyri. Fólki er frjálst að koma með fatnað og/eða taka af sláni eftir því hvað hentar hverju sinni. Í tilkynningu frá umhverfisnefnd skólas segir að textíliðnaðurinn sé einn sá umfangsmesti í heimi og að honum fylgi gríðarleg mengun og umhverfisspjöll. -
Nýtt stjórnsýsluhús á Laugum tilbúið
Í dag var merkilegur áfangi í sögu Þingeyjarsveitar þegar nýtt stjórnsýsluhús á Laugum var formlega tilbúið. Ragnheiður Jóna Ingimarsdóttir, sveitarstjóri fékk lyklana afhenta við óformlega athöfn í haust blíðunni. Húsið mun hýsa skrifstofu sveitarfélagsins og þar verða einnig rými sem fyrirtæki, stofnanir og einyrkjar geta nýtt sér. Vonast er til þess að húsið verði iðandi af lífi, suðupottur hugmynda og verkefna þar sem allir eru velkomnir -
Grýtubakkahreppur, Norðurþing og Þingeyjarsveit - Ekki innheimt gjald fyrir ávexti
Ekki verður innheimt gjald fyrir þjónustu mötuneytis Grenivíkurskóla við nemendur skólans fá og með haustinu 2024. Allur matur sem börnin fá í skólanum, morgunmatur, hádegisverður, ávextir eða annað er gjaldfrjáls. Áður var innheimt eitt gjald fyrir allan mat. -
Síðuskóli 40 ára
Eins og fram hefur komið var því fagnað í gær að þá voru 40 liðin frá þvi að Síðuskóli á Akureyri tók til starfa. -
Áætlað að slátra um 88 þúsund fjár á Húsavík
Sláturtíð hófst hjá Kjarnafæði Norðlenska á Húsavík í fyrradag. Áætlað er að hún standi yfir til loka október, ljúki 31. þess mánaðar og á þeim tíma er gert ráð fyrir að slátra á bilinu 87.500 til 88.000 fjár. -
Ekkert ferðaveður á Mývatnsöræfum
Lögreglan á Norðurlandi eystra segir á Facebooksíðu embættisins frá illviðri á Mývatnsöræfum og er færslan svohljóðandi: ,,Lögreglunni á Norðurlandi Eystra voru að berast upplýsingar um mjög slæmt verður á Mývatnsöræfum. Sandstormur og ofsarok. Malbik er að flettast af veginum vestan við Jökulsá á Fjöllum við Grímsstaði. Ökumenn hafa leitað vars með bíla sína á aðeins skjólsælli stöðum. Lögreglumenn sem fóru um svæðið fyrir skammri stundu óskuðu þess að vegfarendur yrðu upplýstir með þessar aðstæður ef nokkur kostur væri. Vegagerðin er einnig að setja inn viðvörun um hættulegar aðstæður á veginum vegna veðurs, á sinn vef í þessum töluðu orðum. Látið endilega vini og kunningja vita ef þið vitið af ferðum fólks þarna efra. Bíðið af ykkur veðrið og fylgist með veðurspá og færð.” -
Sólin skín og vindur blæs
Það er óhætt að segja sem svo að það blási ansi hressilega hér i bæ enda hefur samkvæmt mælum Veðurstofu Íslands vindhraðinn slegið í 27 metra hér í kviðum og þó aðeins hafi lægt s.l. klukkustundina eru enn 10 metrar á klst og fer i 20 metra í kviðum.
Athugasemdir