20. nóvember - 27. nóvember - Tbl 47
Húsvíkingar í hringiðu Evrópumótsins í knattspyrnu
Hann er glæsilegur hópurinn af húsvískum stuðningsmönnum íslenska karlalandsliðsins í knattspyrnu. Aðsend mynd
Skarpur sagði frá því í síðasta tölublaði að meðal stuðningsmanna íslenska karlalandsliðsins í fótbolta sem etur kappi í Evrópumótinu í Frakklandi um þessar mundir, væri stór og myndarlegur hópur Húsvíkinga, líklega í kringum 90 manns.
Líkt og fyrr er það Pétur Helgi Pétursson (Peddi), sælkeri og alltmögulegt-maður á Hvammi heimili aldraðra á Húsavík, sem leiðir okkur í allan sannleikann um ævintýri Húsvísku stuðningsmannanna. Skarpur sló á þráðinn til Pedda fyrr í vikunni og heyrði í honum hljóðið.
Hópurinn hefur hreiðrað um sig á nokkrum herragörðum í Provance héraði sem er þekkt fyrir víngerðarlist; en notað rútur, lestir og bílaleigubíla til að ferðast um. Leikur íslenska liðsins við Ungverja sem endaði með jafntefli, 1-1 var til að mynda í Marseille og leikurinn örlagaríki gegn Austurríki sem ræður úrslitum um það hvort íslenska liðið kemst upp úr riðli sínum (hans er enn beðið þegar þetta er ritað) „fer“ fram í París sem er í þriggja tíma fjarlægð frá Provance með lest. „Nú erum við sem sagt í höfuðborg matargerðarlistar í Evrópu, Lyon. Það þarf að hlaða batteríin vel,“ sagði Peddi en er þó vart viðræðuhæfur vegna hæsis. „Ég er ekki kominn með röddina, hún fór eiginlega í Ungverjaleiknum,“ segir hann.
Nánar er rætt við Pétur Helga í prentútgáfu Skarps þar sem koma fram dramatískar lýsingar á ólátum ungverskra stuðningsmanna og sögur af stemningunni meðal íslensku stuðningsmannanna sem eru hvervetna þjóð sinni til sóma. /epe.
-Skarpur, 23. júní.
Nýjast
-
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu
