4. sept - 11. sept - Tbl 36
Bílastæði á flugvöllum – Ókeypis í fyrstu fjórtán klukkutímana
Frá Akureyrarflugvelli Mynd isavia.is
Ekkert gjald verður rukkað fyrir að leggja bílum við flugvellina á Akureyri og Egilsstöðum fyrstu 14 klst en óhætt er að segja að áform ISAVIA Innanlandsflugvalla um að hefja gjaldtöku á bílastæðum hafi vakið hörð viðbrögð. Þetta kom fram í tilkynningu sem Isavia sendi frá sér í dag.
Óhætt er að fullyrða að mikill styr hefur staðið um fyrirhugaða gjaldtöku. Fyrst átti aðeins að vera frítt að leggja við flugvellina í 15 mínútur en eftir deilur og nokkuð hörð skoðanaskipti er niðurstaðan sú að fyrstu 14 klst verða gjaldfrjálsar.
Gjaldtaka hefst á morgun á flugvöllunum sem um ræðir.
Á flugvöllunum á Akureyri og Egilsstöðum er eitt gjaldsvæði. Fyrstu 14 klukkutímarnir eru gjaldfrjálsir, síðan kostar sólarhringurinn á stæði 1.750 krónur. Eftir sjö daga lækkar gjaldið í 1.350 krónur og eftir 14 daga kostar sólarhringurinn 1.200 krónur.
Ingibjörg Isaksen fagnar í færslu á Facebook því að hafa náð fram þessari breytingu, en hún hafði forgöngu um að flestir þingmenn Norðaustukjördæmis fróu fram á fund með ISAVIA um stöðuna. Ekki varð af fundinum en eftir samtöl á milli aðila er niðurstaðan sú sem hér greinir frá.
,, Það sem sumum finnst lítið mál getur verið stórt mál í hugum annarra sem í þessu tilfelli er landsbyggðin.
Það er því þakkarvert að sjá Isavia innanlands taka tillit til ábendinga íbúa og okkar þingmanna varðandi gjaldtöku á bílastæðum. Með því að lengja tímann með þessum hætti í 14 klst. á Akureyri og Egilsstöðum gerir það fólki betur kleift að nýta sér flugsamgöngur til þess að sækja þá þjónustu sem ekki er í boði í heimabyggð.
Ég hef þær upplýsingar að eftir að myndavélar voru settar upp fyrir nokkrum vikum sýni óformlegar mælingar fram á að 85% þeirra sem nýta sér flugsamgöngur frá Egilsstöðum koma heim samdægurs. Þessi breyting mun því ná til stórs hluta einstaklinga sem nýta sér þjónustuna. Það verður áhugavert að sjá hvernig þetta kemur til með að þróast þegar mælingar hafa staðið yfir í lengri tíma og varpa skýrari mynd á notkunina.” Segir í færslu Ingibjargar.
Á vefnum, nánar á eftirfarandi slóð má finna upplýsingar um gjaldtökuna.
Nýjast
-
Miklar endurbætur á gömlu heimavist Þelamerkurskóla í gangi
Miklar framkvæmdir hafa verið í gangi í Hörgársveit undanfarin misseri sem miða að því að styrkja innviði sveitarfélags þar sem íbúafjölgun hefur verið mikil hin síðari ár. Gagngerar endurbætur standa yfir á gamla heimavistarhúsnæði Þelamerkurskóla og var nú við upphaf skólaárs tekið í notkun nýtt rými þar fyrir unglingadeild skólans. Áður eða í fyrrahaust var enn ein nýja byggingin tekin í notkun við Heilsuleikskólann Álfastein. Þar var horft til framtíðar, pláss er fyrir 90 börn en þau eru kringum 70 um þessar mundir. Stærstu vinnustaðir sveitarfélagsins eru í leik- og grunnskólanum, en þar eru starfsmenn nú samtals 51. Í Hörgársveit búa nú 866 íbúar og er að því stefnt að þeir verði 1001 í það minnsta um mitt ár 2026. -
Umhverfisvænni kostir fundust ekki fyrir nýjan ferlibíl
Leitað verður eftir nýjum ferlibíl fyrir Strætisvagna Akureyrar sem gengur fyrir dísel orkjugjafa og uppfyllir að lágmarki Euro 6 mengunarstaðal. Ekki fundust aðrir umhverfisvænni kostir segir í bókun umhverfis- og mannvirkjaráðs. -
Fataslá sett upp í MA - Kaupum sjaldnar, kaupum notað
Nú má finna fataskiptislá framan við bókasafn Menntaskólans á Akureyri. Fólki er frjálst að koma með fatnað og/eða taka af sláni eftir því hvað hentar hverju sinni. Í tilkynningu frá umhverfisnefnd skólas segir að textíliðnaðurinn sé einn sá umfangsmesti í heimi og að honum fylgi gríðarleg mengun og umhverfisspjöll. -
Nýtt stjórnsýsluhús á Laugum tilbúið
Í dag var merkilegur áfangi í sögu Þingeyjarsveitar þegar nýtt stjórnsýsluhús á Laugum var formlega tilbúið. Ragnheiður Jóna Ingimarsdóttir, sveitarstjóri fékk lyklana afhenta við óformlega athöfn í haust blíðunni. Húsið mun hýsa skrifstofu sveitarfélagsins og þar verða einnig rými sem fyrirtæki, stofnanir og einyrkjar geta nýtt sér. Vonast er til þess að húsið verði iðandi af lífi, suðupottur hugmynda og verkefna þar sem allir eru velkomnir -
Grýtubakkahreppur, Norðurþing og Þingeyjarsveit - Ekki innheimt gjald fyrir ávexti
Ekki verður innheimt gjald fyrir þjónustu mötuneytis Grenivíkurskóla við nemendur skólans fá og með haustinu 2024. Allur matur sem börnin fá í skólanum, morgunmatur, hádegisverður, ávextir eða annað er gjaldfrjáls. Áður var innheimt eitt gjald fyrir allan mat. -
Síðuskóli 40 ára
Eins og fram hefur komið var því fagnað í gær að þá voru 40 liðin frá þvi að Síðuskóli á Akureyri tók til starfa. -
Áætlað að slátra um 88 þúsund fjár á Húsavík
Sláturtíð hófst hjá Kjarnafæði Norðlenska á Húsavík í fyrradag. Áætlað er að hún standi yfir til loka október, ljúki 31. þess mánaðar og á þeim tíma er gert ráð fyrir að slátra á bilinu 87.500 til 88.000 fjár. -
Ekkert ferðaveður á Mývatnsöræfum
Lögreglan á Norðurlandi eystra segir á Facebooksíðu embættisins frá illviðri á Mývatnsöræfum og er færslan svohljóðandi: ,,Lögreglunni á Norðurlandi Eystra voru að berast upplýsingar um mjög slæmt verður á Mývatnsöræfum. Sandstormur og ofsarok. Malbik er að flettast af veginum vestan við Jökulsá á Fjöllum við Grímsstaði. Ökumenn hafa leitað vars með bíla sína á aðeins skjólsælli stöðum. Lögreglumenn sem fóru um svæðið fyrir skammri stundu óskuðu þess að vegfarendur yrðu upplýstir með þessar aðstæður ef nokkur kostur væri. Vegagerðin er einnig að setja inn viðvörun um hættulegar aðstæður á veginum vegna veðurs, á sinn vef í þessum töluðu orðum. Látið endilega vini og kunningja vita ef þið vitið af ferðum fólks þarna efra. Bíðið af ykkur veðrið og fylgist með veðurspá og færð.” -
Sólin skín og vindur blæs
Það er óhætt að segja sem svo að það blási ansi hressilega hér i bæ enda hefur samkvæmt mælum Veðurstofu Íslands vindhraðinn slegið í 27 metra hér í kviðum og þó aðeins hafi lægt s.l. klukkustundina eru enn 10 metrar á klst og fer i 20 metra í kviðum.
Athugasemdir