Tímamót í knattspyrnu-samstarfi KA og N1
Knattspyrnufélag Akureyrar, KA og N1, sem í tæplega 40 ár hafa haft árangursríkt samstarf um mótshald hins vel þekkta N1 móts KA í drengjaflokki, hafa nú ákveðið að taka höndum saman um að koma á laggirnar knattspyrnumóti fyrir stúlkur á aldrinum 9 til 10 ára sem haldið verður með svipuðu sniði og drengjamótið. KA mun annast rekstur og skipulag mótsins, en N1 verða aðalbakhjarl þess. Stúlkurnar munu etja kappi á glæsilegu KA svæðinu helgina eftir Verslunarmannahelgina, eða 8-10 ágúst næst komandi.
Jafnrétti og jöfn tækifæri
Silja Mist Sigurkarlsdóttir, forstöðumaður þjónustu-/samskipta- og markaðssviðs N1, segir fyrirtækið ganga stolt til samstarfsins við KA um stofnun stúlknamótsins enda sé félagið þekkt fyrir að hlúa vel að yngri iðkendum hvað varðar aðbúnað og þjálfun. „Nú erum við að útvíkka stuðning okkar við knattspyrnuiðkun ungu kynslóðarinnar, þar sem áhersla er á jöfn tækifæri með stofnun sérstaks knattspyrnumóts fyrir stúlkur á aldrinum 9 til 10 ára með sambærilegu fyrirkomulagi og KA hefur haldið úti í áratugi á Akureyri og er gríðarlega vinsælt mót. Við erum mjög spennt að fá að fylgjast með uppbyggingu stúlknamótsins enda umgjörðin á staðnum til fyrirmyndar, bæði sú sem snýr að íþróttafólki sem og stuðningsfólki og íbúum í nágrenninu. Þetta aukna samstarf við KA markar ákveðin tímamót fyrir okkur hjá N1. Samningurinn um stofnun stúlknamóts er stórt skref fyrir N1 sem við hlökkum til að sjá vaxa og dafna, hann er jafnframt til marks um þá miklu áherslu sem báðir aðilar leggja á kynjajafnrétti og jöfn tækifæri,“ segir Silja Mist.
Í samræmi við jafnréttisstefnu KA
Hjörvar Maronsson, formaður knattspyrnudeildar KA, segir félagið hafa mikinn metnað fyrir því að veita stúlkum aukin tækifæri til æfinga og keppni í íþróttum og fagnar auknu samstarfi við N1. „Við munum hér eftir sem hingað til kappkosta að vinna að sem metnaðarfyllstu íþróttastarfi og gera áfram allt sem við getum til að skipa íþróttafólki okkar í fremstu röð á hverjum tíma. KA hefur jafnrétti kynja að leiðarljósi og hlökkum við mikið til að taka á móti fjörugum fótboltastelpum hingað norður og búa til skemmtilegt og kraftmikið mót sem mun skapa skemmtilegar minningar með stelpunum næstu ár. Aðstaðan er í dag til fyrirmyndar hérna á svæðinu hjá okkur en innan skamms verða framkvæmdum sem nú standa yfir að fullu lokið og verður þá svæðið eitt það glæsilegasta á landinu. Við erum afskaplega ánægð að okkar trausti samstarfsaðili N1 sé með okkur í þessari vegferð enda hefur okkur í þessu samstarfi tekist að auka hróður yngri flokka knattspyrnu á landsvísu undanfarna áratugi og áfram höldum við saman í að móta knattspyrnusöguna hér innanlands,“ segir Hjörvar.
Frá þessu segir í tilkynningu frá N1 og KA
Nýjast
-
Tímamót í knattspyrnu-samstarfi KA og N1
Knattspyrnufélag Akureyrar, KA og N1, sem í tæplega 40 ár hafa haft árangursríkt samstarf um mótshald hins vel þekkta N1 móts KA í drengjaflokki, hafa nú ákveðið að taka höndum saman um að koma á laggirnar knattspyrnumóti fyrir stúlkur á aldrinum 9 til 10 ára sem haldið verður með svipuðu sniði og drengjamótið. KA mun annast rekstur og skipulag mótsins, en N1 verða aðalbakhjarl þess. Stúlkurnar munu etja kappi á glæsilegu KA svæðinu helgina eftir Verslunarmannahelgina, eða 8-10 ágúst næst komandi. -
Hafnasamlag Norðurlands Góð staða og spennandi verkefni en hættur geta verið í sjónmáli
Staða Hafnasamlags Norðurlands er afar góð um þessar mundir og mörg spennandi uppbyggingar verkefni í gangi. Ýmsar hættur eru þó í sjónmáli sem geta breytt stöðunni til hins verra. Þar ber helst að nefna þá ákvörðun stjórnvalda að taka upp innviðagjalds á farþega skemmtiferðaskipa. Þær tóku gildi um nýliðin áramót. -
Ný brú á Skjálfandafljót hjá Fosshóli í burðarliðnum
Vegagerðin hefur kynnt byggingu nýrrar tvíbreiðrar brúar yfir Skjálfandafljót á Hringvegi í sveitarfélaginu Þingeyjarsveit. Brúin er hluti af grunnkerfi samgangna en núverandi brú er einbreið og uppfyllir ekki öryggiskröfur Vegagerðarinnar segir í kynningu á vefsíðu Vegagerðarinnar. -
Í upphaf árs; samfélag tækifæra
Hjálmar Bogi Hafliðason skrifar -
Þjóðaratkvæðagreiðsla um viðræður við Evrópusambandið – Af hverju og hvers vegna núna?
Undanfarið hefur umræða um þjóðaratkvæðagreiðslu um framhald viðræðna við Evrópusambandið (ESB) vakið athygli og verið áhugavert að lesa hinar ólíku hliðar og sjónarmið í þessari umræðu. Mikilvægt er þó að skýra að slík atkvæðagreiðsla snýst ekki um framhald eldri viðræðna heldur um upphaf nýrra viðræðna – og þar liggur verulegur munur. -
Hér er kona, um konu…
Konur eru núna í áhrifamestu embættum á Íslandi. Þetta er í fyrsta skipti sem það gerist, sem er að sumu leiti pínu sorglegt að hafi ekki gerst fyrr. -
Skíðastaðir - Fyrsti langi fimmtudagurinn í vetur og forsala vetrarkorta lýkur á morgun
Í dag er fyrsti fimmtudagurinn með lengdum opnunartíma hjá okkur í vetur en það verður opið frá 14-21 í kvöld og alla fimmtudaga í vetur. Það er því um að gera að skella sér í fjallið eftir vinnu í dag og taka kvöldmatinn þar því hægt verður að versla hamborgara uppí Strýtuskála og á Skíðastöðum verður súpa í boði ásamt öðru. -
Nýr aðili tekur við þjónustu gámasvæðis og grenndarstöðva
Um næstu helgi tekur nýr aðili við þjónustu grenndarstöðva og gámasvæðis Akureyrarbæjar. Reiknað er með að þau umskipti gangi snurðulaust fyrir sig en þjónustan gæti þó raskast ofurlítið um stundarsakir. -
Ragnheiður Gunnarsdóttir í Kisukoti langþreytt á svarleysi Akureyrarbæjar
„Það hefur ekki einn einasti maður frá Akureyrarbæ haft samband við mig síðan í apríl í fyrra. Ég hef ekki fengið nein viðbrögð við þeim tölvupóstum sem ég hef sent til starfsmanna bæjarins,“ segir Ragnheiður Gunnarsdóttir sem rekið hefur Kisukot – kattaaðstoð á heimili sínu frá því janúar árið 2012. Bæjarráð samþykkt í nóvember árið 2023 að hefja samningaviðræður við Ragnheiði sem miðuðu að því að koma starfseminni út af heimilinu og í húsnæði sem uppfyllt kröfur fyrir starfsleyfi.
