Spáð í enska boltann: Hjörvar Maronsson
Hjörvar Maronsson
Íslenskir knattspyrnuáhugamenn eru um þessar mundir að setja sig í stellingar og iða jafnvel í skinninu eftir að enski boltinn rúlli af stað. Enska úrvalsdeildin sparkast í gang á næstkomandi laugardag.
Dagskrain.is heldur áfram upphitun sinni og að þessu sinni er það Hjörvar Maronsson hann er Ólafsfirðingur búsettur á Akureyri og starfar sem miðlari hjá Íslenskum verðbréfum:
Með hvaða liði heldur þú?
Man Utd. Hef haldið með þeim frá því ég man eftir mér – ætli það sé ekki Barða Jakobssyni að þakka.
Hvernig leggst tímabilið í þig?
Þessi spurning er ákveðin áskorun fyrir mig, því ég er svo hjátrúarfullur að ég ræði þetta yfirleitt ekki. Ég er oftast frekar svartsýnn á þessum árstíma, það eru þó aðrir sem eru góðir á sumrin og hafa oft á tíðum unnið deildina á þeim árstíma, en það hefur reyndar ekki gerst síðan fótboltinn kom í lit í sjónvarpinu.
Hvaða lið mun koma mest á óvart?
Vona að það verði Swansea
Hverjar eru væntingarnar til þinna manna?
Klárlega topp 4 – annað væri skandall
Ertu ánægður með kaup sumarsins?
Mjög sáttur – væri reyndar til í alvöru hafsent.
Er Mourinho rétti maðurinn fyrir United?
Miðað við leikmannagluggann í sumar og hvaða leikmenn hann hefur náð að tosa til Man Utd þá fer hann vel af stað. Hann er þjálfari sem önnur lið hata og hann veit af því.
Veikasti hlekkur þíns liðs?
Finnst vanta alvöru hafsent – týpu eins og Rio eða Vidic
Helsti styrkur þíns liðs?
Við ættum að vera góðir fram á við – en Mourinho er þó ekki þekktur fyrir mikinn sóknarbolta. Það er eins og einn góður maður sagði, ef þú færð ekki á þig mark þá tapar þú ekki. Það er oftast talað um að „sókn sé besta vörnin“ ég vil þó meina að „vörn sé besta sóknin“.
Hvaða lið óttast þú mest?
Arsenal – held að ef Wenger eigi möguleika á að enda sinn feril með því að vinna deildina aftur, þá er það núna. Margir nýir þjálfarar sem eiga eftir að átta sig að enska deildin er sú erfiðasta.
Eitthvað lið sem þú þolir ekki/ hvers vegna?
Liverpool er ekki hátt skrifað hjá mér – en þeir mega eiga það, það væri mjög leiðinlegt að vera án þeirra.
Hver verður stjarna tímabilsins bæði hjá þínu liði og/eða í heild?
Ég held að Zlatan eigi eftir að vera mjög góður fyrir Man Utd bæði sem leikmaður og leiðtogi – svo verður Aguero alltaf góður.
Hvaða unga leikmann bindur þú mestar vonir við?
Ég hef mikla trú á Rashford
Spáin:
Hvaða lið vinnur titilinn?
Arsenal
Hvaða lið verða í topp 4?
Arsenal – Man Utd – Man City og Chelsea
Hvar endar þitt lið?
2. sæti
Hvaða lið falla?
Hull – Burnley og Bournemouth
Hvaða stjóri verður rekinn fyrstur?
Tony Pulis
Nýjast
-
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu
