Dagskráin 22 janúar - 29 janúar Tbl 3
Skilgreina hlutverk SAk sem varasjúkrahús
Frá vinstri Alma Möller, heilbrigðisráðherra og Hildigunnur Svavarsdóttir, forstjóri SAk,
Alma Möller, heilbrigðisráðherra hefur skipað starfshóp sem falið er að vinna að nánari skilgreiningu og hlutverki varasjúkrahúss með tilliti til viðbragðsáætlana, neyðarviðbragða, þjóðaröryggisráðs, sjúkraflutninga, rannsóknarþjónustu og laga um heilbrigðisþjónustu.
Alma Möller, heilbrigðisráðherra hefur skipað starfshóp sem falið er að vinna að nánari skilgreiningu og hlutverki varasjúkrahúss með tilliti til viðbragðsáætlana, neyðarviðbragða, þjóðaröryggisráðs, sjúkraflutninga, rannsóknarþjónustu og laga um heilbrigðisþjónustu. Í skipunarbréfi ráðherra kemur fram að mikilvægt sé að skýra hlutverk SAk sem varasjúkrahús þ.e. hvaða þjónustu þarf að veita og hvaða búnaður þarf að vera til staðar, einkum tengt bráðaþjónustu. Taka eigi mið af þjóðaröryggisstefnu, almannavarnarlögum og viðbragðsáætlunum, svo og mati á möguleikum Landspítala og annarra stofnana til að bregðast við ófyrirséðum aðstæðum.
„Skiptir miklu máli“
Hildigunnur Svavarsdóttir, forstjóri SAk, mun taka sæti í starfshópnum. Hún segir það sannarlega fagnaðarefni að ráðherra hafi ákveðið að skipa starfshópinn „Það skiptir okkur ákaflega miklu máli að hlutverk SAk sem varasjúkrahús landsins sé skýrt, enda höfum við mikinn metnað til að sinna okkar hlutverki af fagmennsku og heilindum, til heilla fyrir þjóðina alla“ segir Hildigunnur að þessu tilefni.
Fulltrúar stofnana tilnefndir
Starfshópurinn er skipaður fulltrúum fjölmargra stofnana, formaður hópsins er Guðlaug Rakel Guðjónsdóttir, án tilnefningar. Auk Hildigunnar verða í starfshópnum þau sem tilnefnd eru af Landspítalanum, Sjúkratryggingum Íslands, Embætti landlæknis, Nýja Landspítalanum o.hf., Almannavarnardeild ríkislögreglustjóra sem og fulltrúi sem skipaður er sameiginlega af Heilbrigðisstofnunum Austurlands, Vestfjarða og Norðurlands. Sérfræðingur frá heilbrigðisráðuneytinu verður starfsmaður hópsins. Sjá frétt Heilbrigðisráðuneytisins hér: Stjórnarráðið | Unnið að skilgreiningu á hlutverki SAk sem varasjúkrahúss
Frá þessu sagði fyrst á heimasíðu Sak
Nýjast
-
Þingeyjarsveit - Hættuleg gatnamót? Varasöm beygja?
Þingeyjarsveit vinnur nú að umferðaröryggisáætlun fyrir sveitarfélagið. Markmið hennar er að búa til aðgerðaráætlun svo auka megi öryggi í sveitarfélaginu, fækka slysum og auka lífsgæði íbúa sem og annarra sem um sveitarfélagið ferðast. -
Skiptinemi í Kína
Á heimasíðu VMA í dag gefur að líta viðtal við Huldu Ómarsdóttur en hún útskrifaðist af listnáms- og hönnunarbraut VMA vorið 2021. Hulda ákvað að því loknu, eins og hún orðar það, að skipta algjörlega um gír og sækja um nám í kínverskum fræðum við Háskóla Íslands. Hún er núna á þriðja ári í náminu og ver þessu skólaári í skiptinámi í Kína. -
Kaldbakur, Björgúlfur og Björg aflahæstu togarar landsins á síðasta ári
Systurskip Samherja, Kaldbakur EA 1, Björgúlfur EA 312 og Björg EA 7 eru í þremur efstu sætum yfir aflahæstu togara ársins 2024. -
,,Tungumálið er lykillinn"
-Segir Dóra Ármannsdóttir sem kennir innflytjendum íslensku -
Skilgreina hlutverk SAk sem varasjúkrahús
Alma Möller, heilbrigðisráðherra hefur skipað starfshóp sem falið er að vinna að nánari skilgreiningu og hlutverki varasjúkrahúss með tilliti til viðbragðsáætlana, neyðarviðbragða, þjóðaröryggisráðs, sjúkraflutninga, rannsóknarþjónustu og laga um heilbrigðisþjónustu. -
Akureyri - Tjaldsvæðisreitur drög að breytingu á deiliskipulagi
Á vefsíðu bæjarins eru í dag kynnt drög að deiliskipulagi fyrir tjaldsvæðisreitinn við Þórunnarstræti. Eins og kunnugt er var svæðinu lokað fyrir tjaldgesti og til stóð má. að byggja heilsugæslustöð nyrst á þessari lóð. Frá þeirri hugmynd var svo fallið og nú hefur verið samþykkt að þar skuli rísa fjölbreytt íbúðabyggð og er áhersla lögð á að þarna rísi ,,sjálfbært og nútimalegt hverfi sem falli vel að núverandi byggð og umhverfi". -
Sjálfsrækt til kulnunar
Í framhaldi af pistli síðustu viku um brjálæðisleg áramótaheit er ekki úr vegi að kafa aðeins í eina af nýjustu tískubylgjum okkar Íslendinga, sem er sjálfsrækt, en hana virðumst við taka alla leið og mögulega eitthvað lengra. -
Samið við Hrímhesta um leigu á Ytri Skjaldarvík
Umhverfis og mannvirkjaráð Akureyrar hefur samþykkt húsaleigusamning við Hrímhesta ehf. vegna leigu á íbúðarhúsnæði, útihúsi og jörð í Ytri Skjaldarvík. Ein umsókn barst um leigu á Syðri Skjaldarvík og er sú umsókn í vinnslu hjá ráðinu en ekki fengust upplýsingar um hver hefði lagt þá umsókn fram. -
Norðurþing hvetur íbúa til að huga að umhverfi sínu
Sveitarstjórn Norðurþings samþykkti á dögunum tillögu meirihlutans um að farið verði í umhverfisátak í sveitarfélaginu árið 2025.
