Völsungur og Landsbankinn endurnýja samstarfssamning
Völsungur og Landsbankinn á Húsavík hafa endurnýjað fyrri samstarfssamning og mun hann gilda til næstu tveggja ára. Samningurinn mun áfram fela í sér stuðning bankans við allar deildir félagsins. Landsbankinn hefur verið einn af aðalstyrktaraðilum Völsungs mörg undanfarin ár. Það voru Jónas Halldór Friðriksson framkvæmdastjóri Völsungs og Anna Sigríður Sigurgeirsdóttir þjónustustjóri á Húsavík sem undirrituðu samninginn.
Samkvæmt samningnum fá deildir félagsins árlega greiðslu eins og í fyrri samningum. Völsungur úthlutar fjármunum samkvæmt sínum áherslum og skal gæta jafnræðis í úthlutun þeirra fyrir karla- og kvennaflokka eins og kostur er. Landsbankinn og Völsungur munu vinna saman að vímuvarnarstefnu Völsungs og skal hluta af styrk bankans varið í námskeiðahald í vímuvörnum fyrir þjálfara og félagsmenn Völsungs.
„Samningurinn við Völsung er afar mikilvægur fyrir okkur og hefur verið stærsti einstaki styrktarsamningur útibúsins til margra ára. Völsungur er burðarás í æskulýðs- og íþróttastarfi bæjarins og því er mjög mikilvægt að taka þátt í áframhaldandi uppbyggingarstarfi sem félagið beitir sér fyrir“ segir Anna Sigríður Sigurgeirsdóttir, þjónustustjóri Landsbankans á Húsavík.
Nýjast
-
Afgangur og þrír þræðir jarðtengingar
Ég vil byrja á því að viðurkenna staðreynd sem ekki er hægt að neita: Akureyrarbær er, þegar horft er á niðurstöðu nýs ársreiknings, í tiltölulega góðri fjárhagslegri stöðu. -
Þakkir - Ungir íshokkíleikmenn SA kepptu á alþjóðlegu móti í Svíþjóð
Sextán ungir og efnilegir íshokkí leikmenn Skautafélags Akureyrar tóku nýverið þátt í Uplandia Trophy í Stokkhólmi – alþjóðlegu íshokkímóti á vegum Sweden Hockey Trophy, sem sérhæfir sig í sterkum unglingamótum víðs vegar um Evrópu. Keppt var í AA deild, þar sem hörð samkeppni ríkir og öflug lið víðs vegar að tóku þátt. -
Bjánarnir úti á landi
Ég hef skrifað nokkrar ádrepur undanfarin misseri um það hvernig landið heldur áfram að sporðreisast með ríkisrekinni byggðaröskun og tilefnunum fjölgar enn. Ríflega 80% landsmanna býr nú milli Hvítánna tveggja, Íslandi til mikils framtíðarskaða. -
Völsungur og Landsbankinn endurnýja samstarfssamning
Samningurinn mun áfram fela í sér stuðning bankans við allar deildir félagsins -
Rekstrarhagnaður samstæðu Norðurorku var 782 milljónir króna eftir skatta
„Á árinu 2024 var, líkt og síðustu ár þar á undan, mikið lagt í jarðhitaleit og rannsóknir með það að markmiði að mæta aukinni og hratt vaxandi þörf fyrir heitt vatn á starfssvæði Norðurorku. Á undanförnum árum hefur Norðurorka aukið umtalsvert við fjármagn til rannsókna, þróunar og nýsköpunar og er ekki vanþörf á. Rannsóknarholur voru boraðar á Ytri Haga á árinu og lokið við að staðsetja vinnsluholu. Boranir munu hefjast þar sumarið 2025 og stefnt að því að ný hola verði tekin í notkun 2026,“ sagði Eyþór Björnsson forstjóri Norðurorku í ávarpi sínu á ársfundinum. -
Almenningssamgangnadeild Vegagerðar skoða nýja útfærslu á upphringigjaldi
„Við erum með til skoðunar nýja úrfærslu á gjaldi fyrir upphringiferðir,“ segir Hilmar Stefánsson forstöðumaður hjá Almenningssamgangnadeild Vegagerðarinnar. Mikil óánægja varð í Hrísey með fyrirhugaða hækkun á því gjaldi nýverið en hún var umtalsverð. -
Verðlaun afhent á afmæli Völsungs
Íþróttafélagið Völsungur varð 98 ára laugardaginn 12. apríl. Af því tilefni ver slegið til veislu sem fram fór í Hlyn, sal eldri borgara -
Ökumenn í vandræðum á Fljótsheiði
Hjálparsveit skáta Reykjadal var kölluð út rétt upp úr klukkan 22 á sunnudagskvöldið vegna ferðafólks sem lent hafði utan vegar á Fljótsheiðinni austanverðri. -
Samtalshegðun Íslendinga
Þegar ég fylgist með samtölum manna á meðal og umfjöllun fjölmiðla um málefni samfélagsins get ég ekki varist þeirri hugsun að við Íslendingar höfum umtalsvert svigrúm til framfara hvað hvað varðar samskipti siðaðra manna.
