Pharmarctica á Grenivík Viðbótarhúsnæði tekið í notkun
„Þetta verður mikil og jákvæð breyting, aðstaðan er mun rýmri en áður og betri á allan hátt,“ segir Sigurbjörn Þór Jakobsson framkvæmdastjóri Pharmarctica á Grenivík en á morgun laugardag verður opið hús hjá fyrirtækinu frá kl 14 þar sem gestir og gangandi geta skoða nýja og glæsilega aðstöðu fyrirtækisins við Lundsbraut.
„Nýtt húsnæði er gríðarleg bót fyrir okkur hvað aðstöðuna varðar og ekki nokkur vafi á því að Pharmarctica mun halda áfram að eflast bæði sem lyfja-, fæðubótarefna-, lækningartækja-og snyrtivöruframleiðandi. Við teljum okkur góðan kost fyrir vörumerkjaeigendur þegar litið er til bæði umhverfis- og gæðamála,“ segir Sigurbjörn.
Sigurbjörn Þór Jakobsson framkvæmdastjóri Pharmarctica á Grenivík
Úr 200 fermetrum í 2000
Félagið var á fyrstu árum sínum í rekstri í 200 fermetra húsnæði. Viðbótarbygging var tekin í notkun árið 2014 og hafði fyrirtækið þá 560 fermetra til umráða. Undanfarin misseri hefur verið byggt nýtt 1.500 fermetra hús til viðbótar sem tekið var í notkun fyrir skemmstu. „Við erum komin í ríflega 2000 fermetra með okkar starfsemi og það fer vel um okkur. Við sjáum fram á að geta tekið að okkur aukin verkefni í samvinnu við okkar viðskiptavini sem og að fá nýja viðskiptavini til liðs við okkur. Eins sjáum við færi á að þjónusta erlenda vörumerkjaeigendur og að því verður unnið á næstu mánuðum,“ segir Sigurbjörn.
Alls starfa um 17 manns hjá fyrirtækinu um þessar mundir en hann segir að þegar allt verður komið á fullt megi gera ráð fyrir að starfsmannafjöldi verði um 25 í allt.
Mikil þekking byggst upp um árin
„Við erum leiðandi framleiðslu- og þjónustufyrirtæki í verktakavinnu fyrir einstaklinga og fyrirtæki, en við sérhæfum okkur í framleiðslu á snyrtivörum, fæðubótarefnum, hár- og líkamssápum, smyrslum, mixtúrum og sótthreinsandi lausnum,“ segir Sigurbjörn.
Saga félagins nær til ríflega tuttugu ára, til ársins 2002 þegar það var stofnað en eiginleg framleiðsla hófst ári síðar. Félagið fékk leyfi til lyfjaframleiðslu árið 2005 og hóf í kjölfarið framleiðslu á þeim. Framleiðsla lyfja hefur alla tíð verið stór hluti af starfsemi félagins. Hið sama má segja um fæðubótarefni, en undanfarin ár hefur umtalsvert magn verið unnið hjá félaginu. Fyrst var um að ræða töfluslátt en seinna meir var fjárfest í hylkjunarbúnaði og framleiðsla á fæðubótarefnum í hylkjum hófst árið 2017
„Það hefur byggst upp mikil og góð þekking á þessum árum innan fyrirtækisins sem býr yfir miklum mannauði og þá höfum við góðan tækjabúnað sem gerir okkur kleift að veita breiða þjónustu til annarra fyrirtækja og stofnana.“
Nýjast
-
Ekki benda á mig
Brátt göngum við til kosninga einu sinni enn. Í annað skipti á þessu ári. Síðast tókst okkur vel til og völdum við okkur forseta sem við verðum stolt af. Núna eru vonbiðlarnir þeir sem vilja setjast á Alþingi Íslendinga og sýna þar hvað í þeim býr. -
Pharmarctica á Grenivík Viðbótarhúsnæði tekið í notkun
„Þetta verður mikil og jákvæð breyting, aðstaðan er mun rýmri en áður og betri á allan hátt,“ segir Sigurbjörn Þór Jakobsson framkvæmdastjóri Pharmarctica á Grenivík en á morgun laugardag verður opið hús hjá fyrirtækinu frá kl 14 þar sem gestir og gangandi geta skoða nýja og glæsilega aðstöðu fyrirtækisins við Lundsbraut. -
50 þúsund lyfjaskammtar á Akureyri
Heimahjúkrun HSN á Akureyri hefur náð þeim merka áfanga að hafa gefið 50.000 lyfjaskammta með aðstoð Evondos lyfjaskammtara. Mikill ávinningur er af notkun lyfjaskammtara, vitjunum hefur fækkað og þá gefst meiri tími til að sinna öðrum verkefnum. -
Jákvæð þróun fyrir börn og starfsfólk
„Við munum halda áfram að þróa gjaldskrárbreytingar í leikskólum en teljum þetta hafi verið afar góða breytingu og jákvæða þróun í starfsumhverfi í leikskólum á Akureyri bæði fyrir starfsfólk og börn,“ segir í bókun meirihluta bæjarráðs. -
Fólki misboðið yfir gjaldskrárhækkunum OH
„Dæmi eru um að viðskiptavinir Orkuveitu Húsavíkur, ekki síst fjölskyldufólk og fólk í viðkvæmri stöðu, hafi sett sig í samband við Skrifstofu stéttarfélaganna og krafist þess að Framsýn geri athugasemdir við boðaðar hækkanir á gjaldskrám orkuveitunnar um áramótin. Fólki er greinilega misboðið.,“ segir á vef Framsýnar. -
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning. -
Það er fokið í hann!
Það er óhætt að segja að veðurspá hafi gengið ágætlega eftir en appelsínugul viðvörun er yfirstandandi og má búast við að hér á Akureyri og nágrenni muni blása hressilega til miðnættis, en þá ætti allt að detta í dúnalogn. -
Húsnæðisáætlanir sveitarfélaga á Norðurlandi eystra
Fjöldi íbúða sem eru í byggingu á Norðurlandi eystra er ekki nægilega mikill til að uppfylla þörf samkvæmt húsnæðisáætlunum sveitarfélaganna í landshlutanum. Það er mat HMS sem byggir á nýlegri talningu á íbúðum í byggingu. -
Látum ekki blekkjast.
Kosningarnar eftir mánuð munu snúast um að skapa betri lífskjör fyrir venjulegt fólk hér á landi. Fyrir mér ættu framboðin nú að leggja fram sínar leiðir til að taka á verðbólgu, skapa tækifæri, efla velferðarkerfið og standa vörð um náttúruna, en sum hafa valið að spila á okkar lægstu hvata; ótta og andúð.
