Nýtt starf?
Síðasta vika var kennaranum mér erfið! Fyrst ber þar að telja útspil bæjarstjórans Àsthildar Sturludòttur, um að bæjarstjórnin geti ekkert gert til að semja við okkur um hvernig klára eigi þann samning sem fyrir liggur frá 2016, þar sem þau eigi ekki fulltrúa í samninganefnd sem þau þurfa samt að fylgja? Fyrir mér sem hefur nú fengið það kveðið upp í Félagsdómi að ég er starfsmaður Akureyrarbæjar og ekki Hulduheima, finnst það afkáralegt svo ekki sé meira sagt að nú geti bæjarstjóri fyrir hönd bæjarstjórnar afsalað sér með öllu þessum samningaviðræðum við mig og kollega mína vegna samnings við samninganefnd frá 2023 sem hún segist bundin af. En hvað með samninginn sem hún er bundin af frá árinu 2016 við okkur? Er hægt að velja hvaða samningum maður er bundinn af?
Í lok vikunnar ákvað svo fyrrgreind samninganefnd fyrir hönd sveitarfélaganna að hafna tillögu ríkissáttasemjara um að klára þetta mál og standa við samninginn sem sveitarfélögin öll eru bundin af. Og bæjarstjóri getur ekkert gert, ekki bæjarfulltrúar, og þaðan af síður fræðslustjóri.
Það sem ég get gert er hins vegar þetta. Ég get hætt mínu dásamlega starfi í Holtakoti. Ég get farið til einhvers sem vill meta mína vinnu við mig. Einhvers sem er ekki bundinn af sumum samningum en ekki öðrum. Einhvers sem er heiðarlegur og vill heiðarlegan starfsmann, sem er lítið sem ekkert fjarverandi vegna veikinda eða veikra barna. Umsókn mín gæti litið svona út:
,,Kæri atvinnurekandi, ég leita að nýjum starfsvettvangi.
Ég er háskólamenntaður sérfræðingur með 16 ára starfsreynslu sem leikskòlakennari og 6 àra starfsreynslu sem ófaglærður kennari í grunnskóla.
Helstu styrkleikar mínir og hæfni eru:
- Traustur og áreiðanlegur einstaklingur sem tekur ábyrgð á eigin verkefnum.
- Hef góða færni í að leiða hópa og verkefni, hvetja samstarfsfólk og skapa jákvætt vinnuumhverfi.
- Leysi vandamál á skilvirkan hátt.
- Á auðvelt með árangursrík samskipti við ólíka hópa og einstaklinga.
- Á auðvelt með að tileinka mér nýjar aðstæður, tækni eða verklag.
- Reynsla í að stjórna mörgum verkefnum samtímis og tryggja skil á réttum tíma.
- Hæfni til að nýta fjölbreyttar aðferðir við lausn verkefna og laga sig að mismunandi aðstæðum.
- Geta til að meta stöðu, greina gögn og taka upplýstar ákvarðanir.
- Hæfni til að setja skýr markmið og vinna skipulega að því að ná þeim.
- Færni til að vinna með öðrum, deila hugmyndum og byggja upp jákvæða liðsheild.
- Nokkuð mikil þolinmæði og samkennd.
- Mikill drifkraftur til að ná árangri.
- Sýni frumkvæði, sjálfstæði og jákvæðni í starfi.”
Meðmæli gefa fyrri atvinnurekendur!
Dilla.
Nýjast
-
Hvar eru sveitarstjórnarmenn?
Það er nokkuð ljóst að tekist var á um þá tillögu sem ríkissáttasemjari bar á borð fyrir KÍ, ríkið og sveitarstjórnir. -
Listasafnið á Akureyri: Þriðjudagsfyrirlestur – Þúfa 46
Þriðjudaginn 25. febrúar kl. 17-17.40 heldur listafólkið Karólína Baldvinsdóttir og Kristján Helgason Þriðjudagsfyrirlestur í Listasafninu á Akureyri undir yfirskriftinni Þúfa 46. Þar munu þau fjalla um samvinnustofur 11 listamanna á Eyrinni á Akureyri sem tóku til starfa í ársbyrjun. Í Þúfu 46 eru vinnustofur, námskeið, sölugallerí og viðburðir, en húsnæði hýsti áður smíðaverkstæðið Valsmíði í Gránufélagsgötu 46. -
Nýtt starf?
Síðasta vika var kennaranum mér erfið! Fyrst ber þar að telja útspil bæjarstjórans Àsthildar Sturludòttur, um að bæjarstjórnin geti ekkert gert til að semja við okkur um hvernig klára eigi þann samning sem fyrir liggur frá 2016, þar sem þau eigi ekki fulltrúa í samninganefnd sem þau þurfa samt að fylgja? Fyrir mér sem hefur nú fengið það kveðið upp í Félagsdómi að ég er starfsmaður Akureyrarbæjar og ekki Hulduheima, finnst það afkáralegt svo ekki sé meira sagt að nú geti bæjarstjóri fyrir hönd bæjarstjórnar afsalað sér með öllu þessum samningaviðræðum við mig og kollega mína vegna samnings við samninganefnd frá 2023 sem hún segist bundin af. En hvað með samninginn sem hún er bundin af frá árinu 2016 við okkur? Er hægt að velja hvaða samningum maður er bundinn af? -
Lygar á lygar ofan og tilþrifamikill misskilningur
Leikfélag Húsavíkur setur upp „Sex í sveit“ -
Lokaorðið - Mannréttindi?
Ég reikna með því að flestir núlifandi Íslendingar séu sammála um að lýðræðið sé það stjórnarfar sem getur best tryggt farsæld og öryggi almennings. Það kemur enda ekki á óvart því að lýðræðið grundvallast á því sjónarmiði að valdið sé í raun í höndum almennings sem felur það tímabundið í hendur fulltrúa sem kosnir eru í frjálsum, reglulegum, almennum og leynilegum kosningu m. -
Agnar Forberg/Spacement heldur útgáfutónleika í Hofi
„Þessi plata kemur eins og ferskt andrúmsloft inn í íslensku tónlistarsenuna.,“ segir Agnar Forberg/Spacement sem heldur útgáfutónleika í Hofi, Akureyri föstudagskvöldið28. febrúar klukkan 20. Agnar ungur og upprennandi raftónlistarmaður með djúpar rætur á Akureyri og Eyjafirði. Móðurættin er úr Eyjafirði og liggja ræturnar þvers og kruss um fjörðinni, frá Sölvadal út á Árskógsströnd, Hörgárdal og yfir í Höfðahverfi. -
Ekki bara jafnréttisvöfflur, sulta og rjómi
Á fimmtudaginn í síðustu viku lauk jafnréttisdögum 2025 og að vanda tók Háskólinn á Akureyri virkan þátt. Dögunum lauk með vel heppnuðu málþingi. Yfirskrift málþingsins var Hatursorðræða: Þróun og áskoranir á tímum gervigreindar, samfélagsmiðla og upplýsingaóreiðu. Erindi voru frá Eyrúnu Eyþórsdóttur, lektor í lögreglufræðum við Háskólann á Akureyri, Helga Frey Hafþórssyni, verkefnastjóra margmiðlunar hjá KHA, og Ingunni Láru Kristjánsdóttur, verkefnastjóra fréttaþjónustu á samfélagsmiðlum hjá RÚV. Sigrún Stefánsdóttir, fjölmiðlafræðingur, var fundarstjóri. Málþingið var vel sótt og áttu líflegar umræður sér stað að erindum loknum. -
Bakþankar bæjarfulltrúa Blágrænar lausnir, sólskin og bílastæði
Enn um tjaldsvæðisreitinn -
Kynna nýjan grafreit í Naustaborgum
Að mati skipulagsráðs er æskilegt að skipulag svæðis fyrir grafreit verði hluti af skipulagi fyrir nýtt íbúðarsvæði og sem og hluti af útivistarsvæði Naustaborga. Skipulagsfulltrúa var falið að hefja vinnu við undirbúning að gerð deiliskipulags á þessu svæði til samræmis við breytingu á aðalskipulagi sem nú er í vinnslu og nýsamþykkta húsnæðisáætlun.
