Dagskráin 19. febrúar - 26. febrúar Tbl 7
Lokaorðið - Mannréttindi?
Hreiðar Eiriksson átti lokaorðið í blaðinu s.l. fimmmtudag
Ég reikna með því að flestir núlifandi Íslendingar séu sammála um að lýðræðið sé það stjórnarfar sem getur best tryggt farsæld og öryggi almennings. Það kemur enda ekki á óvart því að lýðræðið grundvallast á því sjónarmiði að valdið sé í raun í höndum almennings sem felur það tímabundið í hendur fulltrúa sem kosnir eru í frjálsum, reglulegum, almennum og leynilegum kosningum.
Mannréttindi eru grundvöllur lýðræðisfyrirkomulagsins. Án skoðanafrelsis getur lýðræði ekki þrifist. Sömu sögu er að segja um tjáningarfrelsið, réttinn til að fara frjáls ferða sinna, réttinn til friðhelgi einkalífs og fjölskyldu, og réttinn til að teljast saklaus uns sekt er sönnuð svo dæmi séu nefnd. Í mannréttindasáttmálum og mannréttindákvæðum er fest í letur sú grundvallarregla að allir sem teljast til tegundarinnar homo sapiens njóti þessarra grundvallarréttinda og þau verði ekki af þeim tekin.
Eðli málsins samkvæmt.
Mannréttindi koma ekki með valdboði að ofan. Þau eiga rætur í eðli mannsins. Rétturinn til lífs á til að mynda rætur í lífsvilja sem er manninum eðlislægur líkt og öllum öðrum tegundum dýra. Sama á við um önnur mannréttindi. Og þau réttindi eiga allir menn frá því að þeir fæðast. Það skiptir ekki máli hvort maður er kvenkyns eða karlkyns, trans, hinsegin, barn, rauðhærður, sjúkur, heilbrigður, ríkur, fátækur, valdalítill, valdhafi eða hvað annað sem fjölbreytileiki mannlífsins býður upp á. Mannréttindin eru okkar allra, hver sem við erum og hvernig sem við erum. Þau eru í okkur og frá okkur.
Á röngunni?
Ég hef stundum undrast ágreining um mannréttindi og enn meira þegar ég heyri málsmetandi menn amast við þeim. Ég velti því fyrir mér hvort við höfum tilhneigingu til að afsala okkur mannréttindum í von um að geta skipt þeim út og fengið öryggi og velsæld í staðinn. Og hvort við höfum síðan fengið á tilfinninguna að það sé hið opinbera sem ákveður mannréttindi okkar og að mannréttindi eigi að ráðast af því hvaða hópum við tilheyrum. Þannig sjónarmið leiða vissulega til ágreinings og sundrungar. Ef þetta er tilfellið þá erum við búin að snúa viðfangsefninu á haus. Mannréttindin eru okkar allra, þau eiga rætur í mennskunni og meðan við stöndum vörð um þau stöndum við samtímis vörð um mennskuna og lýðræðið.
Nýjast
-
Lokaorðið - Mannréttindi?
Ég reikna með því að flestir núlifandi Íslendingar séu sammála um að lýðræðið sé það stjórnarfar sem getur best tryggt farsæld og öryggi almennings. Það kemur enda ekki á óvart því að lýðræðið grundvallast á því sjónarmiði að valdið sé í raun í höndum almennings sem felur það tímabundið í hendur fulltrúa sem kosnir eru í frjálsum, reglulegum, almennum og leynilegum kosningu m. -
Agnar Forberg/Spacement heldur útgáfutónleika í Hofi
„Þessi plata kemur eins og ferskt andrúmsloft inn í íslensku tónlistarsenuna.,“ segir Agnar Forberg/Spacement sem heldur útgáfutónleika í Hofi, Akureyri föstudagskvöldið28. febrúar klukkan 20. Agnar ungur og upprennandi raftónlistarmaður með djúpar rætur á Akureyri og Eyjafirði. Móðurættin er úr Eyjafirði og liggja ræturnar þvers og kruss um fjörðinni, frá Sölvadal út á Árskógsströnd, Hörgárdal og yfir í Höfðahverfi. -
Ekki bara jafnréttisvöfflur, sulta og rjómi
Á fimmtudaginn í síðustu viku lauk jafnréttisdögum 2025 og að vanda tók Háskólinn á Akureyri virkan þátt. Dögunum lauk með vel heppnuðu málþingi. Yfirskrift málþingsins var Hatursorðræða: Þróun og áskoranir á tímum gervigreindar, samfélagsmiðla og upplýsingaóreiðu. Erindi voru frá Eyrúnu Eyþórsdóttur, lektor í lögreglufræðum við Háskólann á Akureyri, Helga Frey Hafþórssyni, verkefnastjóra margmiðlunar hjá KHA, og Ingunni Láru Kristjánsdóttur, verkefnastjóra fréttaþjónustu á samfélagsmiðlum hjá RÚV. Sigrún Stefánsdóttir, fjölmiðlafræðingur, var fundarstjóri. Málþingið var vel sótt og áttu líflegar umræður sér stað að erindum loknum. -
Bakþankar bæjarfulltrúa Blágrænar lausnir, sólskin og bílastæði
Enn um tjaldsvæðisreitinn -
Kynna nýjan grafreit í Naustaborgum
Að mati skipulagsráðs er æskilegt að skipulag svæðis fyrir grafreit verði hluti af skipulagi fyrir nýtt íbúðarsvæði og sem og hluti af útivistarsvæði Naustaborga. Skipulagsfulltrúa var falið að hefja vinnu við undirbúning að gerð deiliskipulags á þessu svæði til samræmis við breytingu á aðalskipulagi sem nú er í vinnslu og nýsamþykkta húsnæðisáætlun. -
Húsavíkurflug Norlandair styrkt fram í miðjan mars Án fjárstuðnings gengur dæmið ekki upp
„Við erum alltaf tilbúin að fljúga hvert sem er en það þarf að ganga upp,“ segir Arnar Friðriksson framkvæmdastjóri Norlandair. Félagið hefur séð um áætlunarflug milli Húsavíkur og Reykjavíkur frá því um miðjan desember. Samningstími milli félagsins og ríkisins um flug til Húsavíkur rennur út 15. mars næstkomandi og ekki hefur verið rætt um framhald þar á. -
Lóðir við Hofsbót boðnar út að nýju í vor
„Við stefnum að því að bjóða lóðirnar út fyrir vorið,“ segir Pétur Ingi Haraldsson skipulagsfulltrúi á Akureyri. Útboðsskilmálar fyrir lóðir við Hofsbót 1 og 3 hafa verið endurskoðaðir, lágmarksverð er lægra. -
Húsavík – bílalest á leið norður
Eins og áður hefur komið fram á heimasíðu stéttarfélaganna hefur Bjarg íbúðafélag unnið að því að byggja sex íbúða raðhús að Lyngholti 42-52 á Húsavík. Grunnurinn er klár og á næstu dögum mun bílalest leggja af stað frá Selfossi með einingarnar til Húsavíkur enda haldist veðrið áfram í lagi. -
Bæjarstjórn Akureyrar Hækkanir á ferðakostnaði barna og unglinga í tengslum við keppnisferðir í íþróttum veldur áhyggjum
Á seinasta fundi bæjarstjórnar Akureyrar var m.a rætt um aukin ferðakostnað barna og unglinga á landsbyggðinni tengt íþróttum. Kostnaður hefur aukist verulega á síðastliðnum árum en á sama tíma hefur framlag ríkisins ekki fylgt verðlagi og því rý rnað umtalsvert.
