Dagskráin 19. febrúar - 26. febrúar Tbl 7
Bakþankar bæjarfulltrúa Blágrænar lausnir, sólskin og bílastæði
Tjaldstæðisreiturinnn
Enn um tjaldsvæðisreitinn
Ég veit að mörg ykkar hafið veitt því athygli að í drögum að deiliskipulagi tjaldsvæðisreitsins okkar er afskaplega lítið tillit tekið til staðhátta. Trjágróður skal allur höggvinn. Útilokað virðist að snúa húsunum þremur austan Byggðavegar með sama hætti og þeim sem eru vestan götunnar sem myndi þó tryggja það markmið skipulagsins að húsin „snúi vel við sól.“ Þá dreg ég í efa skjólríki þess að hafa megin-umferðarleiðina þráðbeina þvert yfir tjaldsvæðið (þ.e. norður-suður). En annað segja hávísindalegar vindgreiningar – svo því sé haldið til haga.
Ég hef líka miklar efasemdir um bílastæðin sem eiga að vera langsum með fram bæði Byggðavegi og Þórunnarstræti. Það er næsta víst að þessi stæði verða mikið notuð því eins og segir í drögunum; gestastæði skulu að hámarki vera 0,1 fyrir hverja íbúð. Þarna eiga börnin, í skjóli kyrrstæðra bíla, að skutlast yfir götuna – til dæmis beint fram undan gamla Húsmæðraskólanum. Til að ráða bót á þessu á að gera Þórunnarstrætið sem torfarnast bílum, þrengja að og hægja á. Hvað skyldu t.d. sjúkraflutningamenn segja um þá tilhögun?
Ég hef líka mínar efasemdir um blágrænar lausnir sem er kerfi regn-í-sig-drekkandi-yfirborðs, ofanvatnsrása, regnbeða við götukant og tjarna. Markmiðið er meðal annars „að stuðla að sjálfbærum vatnsbúskap í heild“, svo vitnað sé í deiliskipulags-greinargerðina (bls. 52).
Ég dreg ekki í efa að þessar aðferðir blágrænna lausna henta sunnar á hnettinum en hvernig reynast þær þar sem frost er í jörðu jafnvel fram á vor? Eða ofan á bílakjöllurum? Og hvernig kemur slíkt kerfi smárra skurða og tjarna til með að líta út á tjaldsvæðinu?
Þá eru það „sérnotareitirnir“ sem ég minntist á fyrir viku. Með öðrum orðum einkalóðir íbúa neðstu hæða. Þær eiga samkvæmt meginreglu að vera á stærð við svalir efri hæða og mega ekki skaga lengra en tvo metra út frá útvegg. Ég hefði nú kosið að svalirnar væru stærri, sumar hverjar að minnsta kosti, en látum það vera. Þegar örsmáum einkalóðum („sérnotareitum“) sleppir tekur við garðrými sem skal opið „öllum íbúum þeirrar lóðar.“ Ég fæ ekki betur séð en að hér sé lagður grunnur að líkum grasreitum og við sjáum víða við blokkir bæjarins (sem eru í sameign íbúanna) og reynslan segir okkur að eru ekki til annarra nota en sláttar?
Jón Hjaltason
Svo er hið skemmtilega markmið um „lágreista byggð“. Alls á að reisa tólf byggingar á tjaldsvæðisreitnum (tel ei með stakt hús á bílastæðinu við Krambúðina) og 190 íbúðir (eða 163 til 180 eftir því hvar borið er niður í deiliskipulags-greinargerðinni). Fram með Byggðaveginum koma þrjú hús nær og önnur tvö fjær, 14,4-15 m. á hæð. Og það skal rækilega undirstrikað að allar tólf byggingarnar eru svipaðrar hæðar – og „taka mið af núverandi byggingum innan reitsins og umhverfis“, hljómar réttlætingin. Með öðrum orðum, viðmiðunarhúsið er Berjaya hótel (16,1 m), þar sjáum við nokkurn veginn vegghæðina sem á að vera alls ráðandi á tjaldsvæðisreitnum ef umrætt deiliskipulag nær fram að ganga
Jón Hjaltason
Óháður
Nýjast
-
Bakþankar bæjarfulltrúa Blágrænar lausnir, sólskin og bílastæði
Enn um tjaldsvæðisreitinn -
Kynna nýjan grafreit í Naustaborgum
Að mati skipulagsráðs er æskilegt að skipulag svæðis fyrir grafreit verði hluti af skipulagi fyrir nýtt íbúðarsvæði og sem og hluti af útivistarsvæði Naustaborga. Skipulagsfulltrúa var falið að hefja vinnu við undirbúning að gerð deiliskipulags á þessu svæði til samræmis við breytingu á aðalskipulagi sem nú er í vinnslu og nýsamþykkta húsnæðisáætlun. -
Húsavíkurflug Norlandair styrkt fram í miðjan mars Án fjárstuðnings gengur dæmið ekki upp
„Við erum alltaf tilbúin að fljúga hvert sem er en það þarf að ganga upp,“ segir Arnar Friðriksson framkvæmdastjóri Norlandair. Félagið hefur séð um áætlunarflug milli Húsavíkur og Reykjavíkur frá því um miðjan desember. Samningstími milli félagsins og ríkisins um flug til Húsavíkur rennur út 15. mars næstkomandi og ekki hefur verið rætt um framhald þar á. -
Lóðir við Hofsbót boðnar út að nýju í vor
„Við stefnum að því að bjóða lóðirnar út fyrir vorið,“ segir Pétur Ingi Haraldsson skipulagsfulltrúi á Akureyri. Útboðsskilmálar fyrir lóðir við Hofsbót 1 og 3 hafa verið endurskoðaðir, lágmarksverð er lægra. -
Húsavík – bílalest á leið norður
Eins og áður hefur komið fram á heimasíðu stéttarfélaganna hefur Bjarg íbúðafélag unnið að því að byggja sex íbúða raðhús að Lyngholti 42-52 á Húsavík. Grunnurinn er klár og á næstu dögum mun bílalest leggja af stað frá Selfossi með einingarnar til Húsavíkur enda haldist veðrið áfram í lagi. -
Bæjarstjórn Akureyrar Hækkanir á ferðakostnaði barna og unglinga í tengslum við keppnisferðir í íþróttum veldur áhyggjum
Á seinasta fundi bæjarstjórnar Akureyrar var m.a rætt um aukin ferðakostnað barna og unglinga á landsbyggðinni tengt íþróttum. Kostnaður hefur aukist verulega á síðastliðnum árum en á sama tíma hefur framlag ríkisins ekki fylgt verðlagi og því rý rnað umtalsvert. -
Nýjar sýningar á Listasafninu Sköpun bernskunnar og Margskonar
Samsýningarnar Sköpun bernskunnar 2025 og Margskonar I verða opnaðar í Listasafninu á Akureyri á laugardag, 22. febrúar kl. 15. Sólveig Baldursdóttir, myndhöggvari, opnar sýningarnar formlega og eldri barnakór Akureyrarkirkju syngur. Sýningarstjóri beggja sýninga er Heiða Björk Vilhjálmsdóttir. -
Freyvangsleikhúsið frumsýnir Land míns föður í næstu viku
„Æfingar hafa gengið vel. Það hefur verið mikið að gera en síðustu vikur hafa verið virkilega skemmtilegar og við hlökkum til að setja verkið á svið,“ segir Jóhanna S. Ingólfsdóttir formaður Freyvangsleikhússins, en þar á bæ verður söngleikurinn Land míns föður frumsýnt í lok næstu viku, 28. febrúar. Leikritið er eftir Kjartan Ragnarsson, tónlist er eftir Atla Heimi Sveinsson. Sýnt verður í Freyvangi í Eyjafjarðarsveit og eru sýningar út mars komnar í sölu. Leikstjóri er Ólafur Jens Sigurðsson. -
Stjórn SSNE Þungar áhyggjur vegna lokunar flugbrauta
Stjórn SSNE tekur undir ályktanir sveitarstjórna á Norðurlandi eystra sem og yfirlýsingu Miðstöðvar sjúkraflugs á Íslandi þar sem lýst er yfir miklum áhyggjum vegna lokunar flugbrauta á Reykjavíkurflugvelli.
