Nýr vegur við Hrafnagil
Unnið er af krafti við nýjan veg, Eyjafjarðarbraut vestri sem liggur meðfram bökkum Eyjafjarðarár. Hafist var handa í byrjun október á liðnu hausti, en verklok eru samkvæmt verksamningi 15. júlí 2024. Verktaki er GV-gröfur, sem átti lægsta tilboð í verkið, það hljóðaði upp á 374 milljónir króna.
Rúnar Jónsson hjá Vegagerðinni á Akureyri, norðaustursvæði segir að framkvæmdir við nýjan veg snúist fyrst og fremst um að koma umferð sem fer um Hrafnagili út úr þéttbýlinu.„Þetta er fyrst og fremst öryggisatriði og til þess gert að draga úr slysahættu, segir hann. Íbúðabyggð er beggja vegna vegarins í gegnum Hrafnagil, þar eru lika leik- og grunnskóli.
Rúnar segir umferð á þessum slóðum um Eyjafjarðarbraut vestri vera umtalsverða, árdagsumferð, meðaltal yfir allt árið séu 1470 bílar á sólarhring en sumarumferð sé enn þyngri, þá fari að meðaltali 1770 bílar á sólarhring eftir veginum.
Vegurinn verður rúmir 3 km
Efni úr Eyjafjarðará er nýtt í vegagerðina, en efnistaka úr ánni er ekki heimil á tímabilinu frá 1. júlí til 1. október hvert ár. Rúnar segir að gefið hafi verið gott svigrúm til að ljúka verkinu. „Það má ljúka verkinu fyrir áætlaðan verklokatíma í samningi,” segir hann, en vegurinn er í allt 3,1 kílómetra langur. Að norðan byrjar hann rétt utan við jólagarðinn og liggur með fram bökkum árinnar að gatnamótum við bæinn Botn.
Nýjast
-
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið. -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Norðurorka lækkar samfélagsstyrki á næsta ári
Stjórn Norðurorku hefur samþykkt að lækka styrki en fyrirtækið hefur undanfarin ár veitt styrki til margvíslegra verkefna og málefna. -
Norðurþing Rauði krossinn hættir fatasöfnun
Heimasíða Norðurþings segir frá þvi að Rauði Krossinn í Þingeyjarsýslum hættir allri fatasöfnun þann 26. nóvember 2024. Eftir sem áður geta íbúar í Norðurþingi losað sig við textíl (fatnaður, lök og handklæði, skór, dúkar og gardínur, tuskur og viskastykki) í grenndargáma fyrir textíl sem eru staðsettir á Húsavík, Kópaskeri og Raufarhöfn. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
FVSA kannar áhuga stéttarfélaga á Norðurlandi til sameiningar
„Þetta er hugmynd sem vert er að skoða og fróðlegt að sjá hver viðbrögð félaganna verða,“ segir Eiður Stefánsson, formaður Félags verslunar- og skrifstofufólks á Akureyri og nágrenni (FVSA). Nýlega sendi hann erindi til tíu stéttarfélaga á Norðurlandi til að kanna vilja þeirra til samtals um útfærslu á öflugu deildarskiptu stéttarfélagi á svæðinu.
