Milljónatjón í óveðri í byrjun febrúar
Óveður sem gekk yfir dagana 5. og 6. febrúar olli miklum skemmdum og hleypur tjón á milljónum þó heildartala hafi ekki verið tekin saman. Fyrir liggur að hefja lagfæringar og einnig að grípa til aðgerða svo koma megi í veg fyrir að sambærilegt tjón verði í framtíðinni.
Einkum urðu miklar skemmdir á svæði í kringum Krókeyri og gömlu gróðurstöðina, þar sem vegur rofnaði við hitaveiturör ofan við Krókeyri að því er fram kemur í minnisblað þar sem teknar eru saman þær skemmdir sem urðu í óveðrinu í byrjun febrúar.
Vinnan var ekki kláruð
Mikið vatn flæddi frá Teiga-, Nausta- og Hagahverfi, auk þess sem vatn kom úr hærri lögum svæðisins. Við skoðun á rörum og skurðum, sem eiga að leiða vatn frá þessum svæðum, kom í ljós að þau eru of grönn og ná ekki að leiða vatnið eðlilega til sjávar. Árið 2016 vann Elfa verkfræðistofa skýrslu þar sem bent var á að með uppbyggingu Haga- og Naustahverfis væri nauðsynlegt að endurskoða vatnsleiðir á svæðinu. Sú vinna var hins vegar ekki kláruð. Í kjölfar óveðursins var haldinn fundur með Norðurorku um að ljúka þessari vinnu, og sú vinna er þegar hafin.
Ekki vilji hjá Norðurorku að sjá um vatnsrásir
Umhverfis- og mannvirkjaráð sem ber ábyrgð á að fylgjast með og viðhalda opnum vatnsrásum leggur til að fjármagn verði veitt í þau verkefni. Fram kemur í minnisblaði að ekki hafi verið vilji til þess af hálfu Norðurorku að sjá um vatnsrásirnar þrátt fyrir að þær séu hluti af regnvatnskerfi fráveitunnar og flytji vatnið í viðtaka, þ.e. Eyjafjörð.
Talsverðar skemmdir urðu á stígum og ræsum og er viðgerð hafin. Þá má nefna að umtalsverðar skemmdir urðu í Lystigarðinum m.a. á stígum og trjágróðri.
Umhverfis- og mannvirkjaráð hefur falið formanni ráðsins og sviðsstjóra að hefja viðræður við Norðurorku um að skýra verkaskiptingu milli Akureyrarbæjar og Norðurorku hvað varðar fráveitu. „Ljóst er að fara þarf í verulegar endurbætur á kerfinu til að tryggja að tjón endurtaki sig ekki,“ segir í bókun ráðsins.
Nýjast
-
Brynja leigufélag bætir við sig íbúðum
Bæjarráð Akureyrar hefur samþykkt umsókn um stofnframlög vegna kaupa á íbúðum fyrir öryrkja á Akureyri. Gert er ráð fyrir 12% stofnframlagi Akureyrarbæjar vegna kaupa á fimm ibúðum á þessu ári. -
Þingeyjarsveit - Nýr snjótroðari í Kröflu
Þingeyjarsveit hefur fest kaup á snjótroðara til að nota á skíðasvæðinu í Kröflu. Íþróttafélagið Mývetningur mun hafa umsjón með notkun tækisins, en félagið hefur unnið gríðarlega mikilvægt starf síðustu ár við að byggja upp öflugt skíðastarf á svæðinu. -
Milljónatjón í óveðri í byrjun febrúar
Óveður sem gekk yfir dagana 5. og 6. febrúar olli miklum skemmdum og hleypur tjón á milljónum þó heildartala hafi ekki verið tekin saman. Fyrir liggur að hefja lagfæringar og einnig að grípa til aðgerða svo koma megi í veg fyrir að sambærilegt tjón verði í framtíðinni. -
Listasafnið á Akureyri: Þriðjudagsfyrirlestur - Brynja Baldursdóttir
Þriðjudaginn 18. mars kl. 17-17.40 heldur myndlistarkonan Brynja Baldursdóttir Þriðjudagsfyrirlestur í Listasafninu á Akureyri undir yfirskriftinni Ferð um hið innra landslag. Aðgangur er ókeypis. -
Lokaorðið ,,Megir þú lifa áhugaverða tíma"
Þegar Kínverjar til forna vildu óska fjendum sínum ills óskuðu þeir þess að fjendurnir lifðu áhugaverða tíma. Sjálfur hef ég aldrei skilið þetta, því ég hef alltaf óskað þess að fá að lifa áhugaverða tíma. Áhugaverðum tímum fylgja langar nætur, mikil spenna og erfiðar áskoranir. Aðeins með því að mæta slíku geta menn kynnst sjálfum sér og öðlast styrk og þroska. -
Akureyri - Nýr sjóvarnargarður
Framkvæmdum er lokið við 350 metra langan varnargarð sem nær frá frystihúsi ÚA og suður að Tangabryggju -
Frá Þýskalandi til Hollands til Akureyrar
„Það er ótrúlega auðgandi og fjölbreytt upplifun að stunda nám í Heimskautarétti við Háskólann á Akureyri. Ég hef haft tækifæri til að rannsaka flókin mál tengd umhverfisrétti, stefnumótun og stjórnsýslu í samhengi við heimskautasvæðin,“ segir Anna Christin Lauenburger, stúdent í Heimskautarétti við Lagadeild skólans. -
Bakþankar bæjarfulltrúa - Upplifun
Hvaða tilfinningu viljum við hafa fyrir bænum okkar? Hverju erum við tilbúinn að fórna í þjónustu við allt um lykjandi stefnu nútímans um þéttingu byggðar? Er ásættanlegt að jafnvel gjörbreyta ásýnd einstakra hverfa svo koma megi þar fyrir fleiri íbúðum? Og hvað um herfræðina gegn einkabílnum sem byggir á þeirri fyrir fram gefnu forsendu að mikilvægi hans í daglegu lífi borgarans fari senn mjög þverrandi? -
NPA miðstöð opnuð á Akureyri
„Þetta er góður áfangi og við horfum björtum augum til framtíðar. Með opnun miðstöðvarinnar opnast enn betri tækifæri en áður til að veita félagsfólki á Norðurlandi öflugri þjónustu en áður,“ segir Breki Arnarsson ráðgjafi hjá NPA miðstöðinni á Akureyri, en hún var opnuð í liðinni viku.
