Frá Þýskalandi til Hollands til Akureyrar
„Það er ótrúlega auðgandi og fjölbreytt upplifun að stunda nám í Heimskautarétti við Háskólann á Akureyri. Ég hef haft tækifæri til að rannsaka flókin mál tengd umhverfisrétti, stefnumótun og stjórnsýslu í samhengi við heimskautasvæðin,“ segir Anna Christin Lauenburger, stúdent í Heimskautarétti við Lagadeild skólans.
Fjölbreytileiki sjónarmiða greinir að Önnu mati námið frá öðrum námsleiðum. Með stúdentum víðs vegar að úr heiminum sem deila innsýn, áskorunum og reynslu, hefur það aukið skilning hennar á viðfangsefnunum. Umræðurnar í tíma snerta oft á alþjóðasamstarfi, sjálfbærri þróun og flóknum lagarömmum sem stýra Norður- og Suðurskautinu.
Leiðin í Heimskautarétt
Mikill áhugi Önnu á umhverfismálum og vilji til að dýpka skilning sinn á heimskautasvæðunum var drifkrafturinn á bakvið að velja námið. Hún útskýrir einnig hvernig tækifærið kom upp: „Á meðan ég stundaði BA-nám í alþjóðasamskiptum við Háskólann í Groningen í Hollandi, hafði ég tækifæri til að taka aukagrein í námi varðandi heimskautin. Prófessor sem kenndi mér í náminu í Hollandi ráðlagði mér að skoða Heimskautaréttaráfangann við Háskólann á Akureyri, og það fannst mér passa fullkomlega við fræðilegan áhuga minn. Aukagreinin gaf mér svo einstaka innsýn í umhverfis-, pólitískar og vísindalegar áskoranir sem heimskautin standa frammi fyrir, og ég áttaði mig þá á að ég vildi kanna þetta svið frekar.“
Skilaboð frá unga fólkinu
Í desember bauðst henni tækifæri til að taka þátt í vinnustofu sem Rannsóknarstofur heimskautanna í Kóreu og Kobe háskóla í Japan skipuleggja (Kobe PCRC/KOPRI). „Ég ákvað að sækja um og mér til mikillar gleði fékk ég styrk til að taka þátt og auk þess var mér boðið að halda stutta ræðu á viðburðinum, sem er mikill heiður.
Það gaf mér tækifæri til að tala við diplómata, vísinda- og fagfólk á sviði stjórnsýslu Suðurskautsins og koma skilaboðum ungs fólks á framfæri. Ég fann fyrir bæði auðmýkt og styrk við tækifærið, þar sem þetta var sjaldgæft tækifæri til að láta rödd mína heyrast og verða viðurkennd af sérfræðingum á þessu sérhæfða sviði. Ég er ótrúlega þakklát fyrir að Kobe/PCRC og ArCSII styrktu þátttöku mína og veittu vettvang fyrir ungt fólk til að taka þátt í mikilvægu samtali um framtíð stjórnunar á heimskautasvæðum.“ Hér getur þú hlustað á ræðuna hennar.
Tileinkað heimskautavísindum
„Ég kem frá Þýskalandi og stunda núna annað ár í MA-námi í Heimskautarétti við Háskólann á Akureyri, með áherslu á umhverfismál og heimskautasvæðin bæði. Í gegnum nám mitt og reynslu er ég ákveðin í að leggja mitt af mörkum í vísindarannsóknum og stefnumótun á heimskautasvæðum, með áherslu á umhverfisáskoranir og lagaramma sem móta Norður- og Suðurheimskautið,“ segir Anna um framtíðaráform sín.
Anna segir að lokum að vegferðin í gegnum Heimskautarétt hafi verið innblástur fræðilega og faglega. „Ég er spennt fyrir framtíðinni og möguleikanum á að hafa jákvæð áhrif á sviði stjórnsýslu heimskautasvæða.“
Nýjast
-
Lokaorðið ,,Megir þú lifa áhugaverða tíma"
Þegar Kínverjar til forna vildu óska fjendum sínum ills óskuðu þeir þess að fjendurnir lifðu áhugaverða tíma. Sjálfur hef ég aldrei skilið þetta, því ég hef alltaf óskað þess að fá að lifa áhugaverða tíma. Áhugaverðum tímum fylgja langar nætur, mikil spenna og erfiðar áskoranir. Aðeins með því að mæta slíku geta menn kynnst sjálfum sér og öðlast styrk og þroska. -
Akureyri - Nýr sjóvarnargarður
Framkvæmdum er lokið við 350 metra langan varnargarð sem nær frá frystihúsi ÚA og suður að Tangabryggju -
Frá Þýskalandi til Hollands til Akureyrar
„Það er ótrúlega auðgandi og fjölbreytt upplifun að stunda nám í Heimskautarétti við Háskólann á Akureyri. Ég hef haft tækifæri til að rannsaka flókin mál tengd umhverfisrétti, stefnumótun og stjórnsýslu í samhengi við heimskautasvæðin,“ segir Anna Christin Lauenburger, stúdent í Heimskautarétti við Lagadeild skólans. -
Bakþankar bæjarfulltrúa - Upplifun
Hvaða tilfinningu viljum við hafa fyrir bænum okkar? Hverju erum við tilbúinn að fórna í þjónustu við allt um lykjandi stefnu nútímans um þéttingu byggðar? Er ásættanlegt að jafnvel gjörbreyta ásýnd einstakra hverfa svo koma megi þar fyrir fleiri íbúðum? Og hvað um herfræðina gegn einkabílnum sem byggir á þeirri fyrir fram gefnu forsendu að mikilvægi hans í daglegu lífi borgarans fari senn mjög þverrandi? -
NPA miðstöð opnuð á Akureyri
„Þetta er góður áfangi og við horfum björtum augum til framtíðar. Með opnun miðstöðvarinnar opnast enn betri tækifæri en áður til að veita félagsfólki á Norðurlandi öflugri þjónustu en áður,“ segir Breki Arnarsson ráðgjafi hjá NPA miðstöðinni á Akureyri, en hún var opnuð í liðinni viku. -
Annar áfangi í 100 ára sögu félagsins
Sögunefnd Íþróttafélagsins Völsungs ritar sögu félagsins -
Vel gengur að reisa hótel við Hafnarstræti
Flutningaskipið FWN Performer kom um miðjan febrúar með hóteleiningar til uppbyggingar á Hótel Akureyrar við Hafnarstræti. Þeim var skipað upp á Tangabryggju og fluttar á byggingrastað. -
Er þetta lausnin?
Bergfesta byggingarfélag lagði fram hugmynd á heimasíðu fyrirtækisins sem vakið hefur athygli og segja sumir að þarna sé komin lausn á málum heilsugæslustöðvar sem fyrirhugað sé að byggja á Brekkunni. -
Húsavík - Draumur minn að rætast
,,Það er ótrúlega gaman að fylgjast með framkvæmdunum og óhætt að segja að hér sé draumur minn að rætast” sagði Aðalsteinn Baldursson kampakátur formaður Framsýnar á Húsavík þegar Vikublaðið heyrði í honum laust eftir hádegi í dag.
