Lokaorðið ,,Megir þú lifa áhugaverða tíma"
Þegar Kínverjar til forna vildu óska fjendum sínum ills óskuðu þeir þess að fjendurnir lifðu áhugaverða tíma. Sjálfur hef ég aldrei skilið þetta, því ég hef alltaf óskað þess að fá að lifa áhugaverða tíma. Áhugaverðum tímum fylgja langar nætur, mikil spenna og erfiðar áskoranir. Aðeins með því að mæta slíku geta menn kynnst sjálfum sér og öðlast styrk og þroska.
Þegar ég starfaði í friðargæslu í Bosníu árið 2002 kynntist ég fólki frá mörgum menningarheimum, kynnti mér sögu þeirra og viðhorf. Ég eignist góða vini frá Rússlandi og kynntist aðstæðum þeirra og viðhorfum. Það var þá sem ég áttaði mig á því að fram undan væru áhugaverðir tímar og ef ekki yrði sýnd aðgát, væri óhjákvæmilegt að heimsófriður yrði eitt af því sem ég þyrfti að upplifa áður en yfir lyki.
,,...og við lékum okkur að orðum.."
Hinn vestræni heimur hefur talið sér trú um að mannkynið hafi þroskast svo mikið að óhugsandi væri að við kæmum okkur enn einu sinni í sömu stöðu og leiddi til tveggja fyrstu heimsstyrjaldanna. Það væri þess vegna allt í lagi þótt við gerðum eitthvað skemmtilegt. Við höfum varið miklum tíma og fjármunum í að búa til nýjan raunveruleika og leika okkur að því að búa til ný orð ,,sem urðu lifandi ef sögð voru rétt".
,,Ó vakna þú mín Þyrnirós"
Nú höfum við vaknað upp og áttað okkur á að við stöndum frammi fyrir því sem alltaf var óumflýjanlegt. Þeirri áskorun að afstýra ófriði eftir að hann er í rauninni farinn af stað. Það er ekki létt verk og því miður virðist mér fæstir málsmetandi leiðtogar vera meðvitaðir um ábyrgð sína og mikilvægi orða þeirra og gerða.
Skynsemi og yfirvegun.
Hershöfðingi einn var eitt sinn spurður, hvers vegna hann væri sigursæll. Hann sagði að þegar ófriðurinn geisaði og allt væri sturlað, þá væri nauðsynlegt að varðveita friðinn í höfði sínu. Þetta þurfa ráðamenn þjóða heims að tileinka sér. Ef ófriður og sundrung er allt í kringum þá, eiga þjóðir heims allt undir því að þeir sýni rósemi og yfirvegun í orði og æði. Hófstilling í yfirlýsingum og yfirveguð tjáning afstöðu og sjónarmiða er lykillinn að því að halda samtali gangandi og án samtals verður ekki friður. Ég mundi gjarnan vilja sjá ráðamenn og leiðtoga Íslands rækta og nýta skynsemi sína, yfirvegun og innri ró andspænis hverju því sem kann að koma upp í samskiptum þjóða og þjóðarleiðtoga. Glannalegar yfirlýsingar í hita leiksins eiga ekki við og gera illt verra.
Það eru áhugaverðir tímar. Slíkir tímar kalla á að við varðveitum og styrkjum dygðir okkar og bælum niður brestina. Ég legg til að við höldum tryggð við alþjóðalög, íslensk gildi og siðferði en gera það af virðingu og skynsemi.
Nýjast
-
Lokaorðið ,,Megir þú lifa áhugaverða tíma"
Þegar Kínverjar til forna vildu óska fjendum sínum ills óskuðu þeir þess að fjendurnir lifðu áhugaverða tíma. Sjálfur hef ég aldrei skilið þetta, því ég hef alltaf óskað þess að fá að lifa áhugaverða tíma. Áhugaverðum tímum fylgja langar nætur, mikil spenna og erfiðar áskoranir. Aðeins með því að mæta slíku geta menn kynnst sjálfum sér og öðlast styrk og þroska. -
Akureyri - Nýr sjóvarnargarður
Framkvæmdum er lokið við 350 metra langan varnargarð sem nær frá frystihúsi ÚA og suður að Tangabryggju -
Frá Þýskalandi til Hollands til Akureyrar
„Það er ótrúlega auðgandi og fjölbreytt upplifun að stunda nám í Heimskautarétti við Háskólann á Akureyri. Ég hef haft tækifæri til að rannsaka flókin mál tengd umhverfisrétti, stefnumótun og stjórnsýslu í samhengi við heimskautasvæðin,“ segir Anna Christin Lauenburger, stúdent í Heimskautarétti við Lagadeild skólans. -
Bakþankar bæjarfulltrúa - Upplifun
Hvaða tilfinningu viljum við hafa fyrir bænum okkar? Hverju erum við tilbúinn að fórna í þjónustu við allt um lykjandi stefnu nútímans um þéttingu byggðar? Er ásættanlegt að jafnvel gjörbreyta ásýnd einstakra hverfa svo koma megi þar fyrir fleiri íbúðum? Og hvað um herfræðina gegn einkabílnum sem byggir á þeirri fyrir fram gefnu forsendu að mikilvægi hans í daglegu lífi borgarans fari senn mjög þverrandi? -
NPA miðstöð opnuð á Akureyri
„Þetta er góður áfangi og við horfum björtum augum til framtíðar. Með opnun miðstöðvarinnar opnast enn betri tækifæri en áður til að veita félagsfólki á Norðurlandi öflugri þjónustu en áður,“ segir Breki Arnarsson ráðgjafi hjá NPA miðstöðinni á Akureyri, en hún var opnuð í liðinni viku. -
Annar áfangi í 100 ára sögu félagsins
Sögunefnd Íþróttafélagsins Völsungs ritar sögu félagsins -
Vel gengur að reisa hótel við Hafnarstræti
Flutningaskipið FWN Performer kom um miðjan febrúar með hóteleiningar til uppbyggingar á Hótel Akureyrar við Hafnarstræti. Þeim var skipað upp á Tangabryggju og fluttar á byggingrastað. -
Er þetta lausnin?
Bergfesta byggingarfélag lagði fram hugmynd á heimasíðu fyrirtækisins sem vakið hefur athygli og segja sumir að þarna sé komin lausn á málum heilsugæslustöðvar sem fyrirhugað sé að byggja á Brekkunni. -
Húsavík - Draumur minn að rætast
,,Það er ótrúlega gaman að fylgjast með framkvæmdunum og óhætt að segja að hér sé draumur minn að rætast” sagði Aðalsteinn Baldursson kampakátur formaður Framsýnar á Húsavík þegar Vikublaðið heyrði í honum laust eftir hádegi í dag.
