Bakþankar bæjarfulltrúa - Upplifun
Hvaða tilfinningu viljum við hafa fyrir bænum okkar? Hverju erum við tilbúinn að fórna í þjónustu við allt um lykjandi stefnu nútímans um þéttingu byggðar? Er ásættanlegt að jafnvel gjörbreyta ásýnd einstakra hverfa svo koma megi þar fyrir fleiri íbúðum? Og hvað um herfræðina gegn einkabílnum sem byggir á þeirri fyrir fram gefnu forsendu að mikilvægi hans í daglegu lífi borgarans fari senn mjög þverrandi?
Það eru eilíf mótmæli ef gera á eitthvað, segja forsjármenn skipulagsins. Og fara ekki með eintómt fleipur. Nyrðri húsunum við Austurbrú var mótmælt. Syðri ekki því þá voru menn sprungnir á limminu (að minnsta kosti ég) og töldu gagnslaust að tala gegn þeim byggingum. Gagnrýndar eru fyrirhugaðar framkvæmdir við Lund á Brekkunni, Hvannavelli á Eyrinni og Lyngholt í Þorpinu. Hins vegar sagði enginn orð þegar húsin risu við Hafnarstræti 31, Eyrarlandsveg 31, já og heldur ekki gegn hótelbreytingunum við gömlu Skjaldborg (Hafnarstræti 67) og þar norður af. Ástæðan er einföld. Sýndu því virðingu sem fyrir er og þá eru mun meiri líkur á því að allir gangi sáttir frá borði.
Tjaldsvæðishugmyndir skipulagsins eru líka mörgum þyrnir í augum. Meðal annars fyrir þá sök að þar á að rísa hábyggð eyja bygginga, afmörkuð bílastæðum á þrjá vegu, með fram Þórunnarstræti, Hrafnagilsstræti og Byggðavegi. Þetta er hugmyndafræði Hagahverfis þar sem bílastæði fjölbýlishúsanna renna svo gott sem saman við umferðargöturnar í kring. Þetta er vond hugmynd sem í framkvæmd á eftir að stinga illa í stúf við hverfið. Ég óttast að svipuð örlög bíði íþróttavallarins við Hólabraut.
Ég spyr því aftur, hvernig viljum við upplifa bæinn okkar? Eigum við að raða í hann byggingum sem þéttast og segja við börn okkar og barnabörn: Vissulega er afbragð að eiga fína útivistargarða í miðbænum eins og til dæmis íbúar Kaupmannahafnar og Stokkhólms, Londonar og New York, en við Akureyringar höfum ekki efni á slíkum munaði. Hér er land dýrt og af skornum skammti. Þess utan eigum við slík útivistarsvæði í útjaðri bæjarins. Þau ættu að duga.
Jón Hjaltason
Óháður
Nýjast
-
Lokaorðið ,,Megir þú lifa áhugaverða tíma"
Þegar Kínverjar til forna vildu óska fjendum sínum ills óskuðu þeir þess að fjendurnir lifðu áhugaverða tíma. Sjálfur hef ég aldrei skilið þetta, því ég hef alltaf óskað þess að fá að lifa áhugaverða tíma. Áhugaverðum tímum fylgja langar nætur, mikil spenna og erfiðar áskoranir. Aðeins með því að mæta slíku geta menn kynnst sjálfum sér og öðlast styrk og þroska. -
Akureyri - Nýr sjóvarnargarður
Framkvæmdum er lokið við 350 metra langan varnargarð sem nær frá frystihúsi ÚA og suður að Tangabryggju -
Frá Þýskalandi til Hollands til Akureyrar
„Það er ótrúlega auðgandi og fjölbreytt upplifun að stunda nám í Heimskautarétti við Háskólann á Akureyri. Ég hef haft tækifæri til að rannsaka flókin mál tengd umhverfisrétti, stefnumótun og stjórnsýslu í samhengi við heimskautasvæðin,“ segir Anna Christin Lauenburger, stúdent í Heimskautarétti við Lagadeild skólans. -
Bakþankar bæjarfulltrúa - Upplifun
Hvaða tilfinningu viljum við hafa fyrir bænum okkar? Hverju erum við tilbúinn að fórna í þjónustu við allt um lykjandi stefnu nútímans um þéttingu byggðar? Er ásættanlegt að jafnvel gjörbreyta ásýnd einstakra hverfa svo koma megi þar fyrir fleiri íbúðum? Og hvað um herfræðina gegn einkabílnum sem byggir á þeirri fyrir fram gefnu forsendu að mikilvægi hans í daglegu lífi borgarans fari senn mjög þverrandi? -
NPA miðstöð opnuð á Akureyri
„Þetta er góður áfangi og við horfum björtum augum til framtíðar. Með opnun miðstöðvarinnar opnast enn betri tækifæri en áður til að veita félagsfólki á Norðurlandi öflugri þjónustu en áður,“ segir Breki Arnarsson ráðgjafi hjá NPA miðstöðinni á Akureyri, en hún var opnuð í liðinni viku. -
Annar áfangi í 100 ára sögu félagsins
Sögunefnd Íþróttafélagsins Völsungs ritar sögu félagsins -
Vel gengur að reisa hótel við Hafnarstræti
Flutningaskipið FWN Performer kom um miðjan febrúar með hóteleiningar til uppbyggingar á Hótel Akureyrar við Hafnarstræti. Þeim var skipað upp á Tangabryggju og fluttar á byggingrastað. -
Er þetta lausnin?
Bergfesta byggingarfélag lagði fram hugmynd á heimasíðu fyrirtækisins sem vakið hefur athygli og segja sumir að þarna sé komin lausn á málum heilsugæslustöðvar sem fyrirhugað sé að byggja á Brekkunni. -
Húsavík - Draumur minn að rætast
,,Það er ótrúlega gaman að fylgjast með framkvæmdunum og óhætt að segja að hér sé draumur minn að rætast” sagði Aðalsteinn Baldursson kampakátur formaður Framsýnar á Húsavík þegar Vikublaðið heyrði í honum laust eftir hádegi í dag.
