13.nóvember - 20.nóvember - Tbl 46
Mikið um að vera á matvælabraut VMA
Ari Hallgrímsson brautarstjóri á matvælabraut VMA við kennslu í grunndeildinni Myndir VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland.
Ari Hallgrímsson brautarstjóri matvælabrautar segir að í VMA hafi um árabil verið starfrækt matvælabraut sem sinni kennslu í matvæla- og veitingagreinum. Boðið er upp á grunnnám matvæla- og ferðagreina sem opnar fyrir frekara nám í matvælagreinum, „og er líka góður grunnur fyrir lífið,“ segir hann en grunnnámið sem er tvær annir er kennt árlega.
Fjölbreytt nám í boði á vorönn
Á matvælabrautinni er einnig kennd matreiðsla, framreiðsla og kjötiðn, allt samningsbundið iðnnám en einnig er kennt nám sem nefnist matartæknir og þeir sem útskrifast úr því fá starfsleyfi sem slíkir frá embætti Landlæknis. Matreiðsla sem og framreiðslan eru kenndar í dagskóla en matartækninámið og kjötiðnin eru kenndar í lotum.
„Við munum á vorönn kenna 5. önnina í matartækninum, 3. bekk í kjötiðn, 3. bekk í matreiðslu og 2. bekk í framreiðslu þannig að í vor útskrifum við nemendur í matartækni, kjötiðn og matreiðslu. Það er býsna fjölbreytt,“ segir Ari. VMA hefur þegar útskrifað átta hópa af matartæknum, fjóra hópa af kjötiðnarmönnum, þrjá hópa af matreiðslumönnum og einn hóp af framreiðslumönnum.
Skiptir máli fyrir samfélagið að námið sé í boði
„Deildin og námsbrautirnar hafa notið velvildar fyrirtækja í þessum geira á svæðinu og einnig hafa stóru birgjarnir á höfuðborgarsvæðinu sýnt okkur velvilja. Það skiptir miklu máli fyrir samfélagið hér fyrir norðan að þetta nám sé í boði á svæðinu. Mjög stór hluti okkar nemenda hefði ekki átt möguleika á að klára námið ef við værum ekki að bjóða upp á lotunám. Margir eru í fullri vinnu og hafa ekki færi á að taka sig upp og flytja suður til að ljúka náminu,“ segir Ari en VMA býður líka upp á kvöldskóla og lotunám í öðrum iðngreinum.
Ari segir húsakost og aðbúnað brautarinnar að mörgu leyti ágætan en á mörgum sviðum megi segja að tími sé hann barn síst tíma. „Það er kominn tími á að uppfæra húsnæðið og tækjabúnað en það á því miður við um flest iðnnám á landinu. Vissulega yrði ánægjulegt ef við gætum bætt vinnuaðstöðu nemenda þannig að aðstaða til náms væri sambærileg og hún er í matvælanáminu við MK,“ segir Ari.
Matreiðslunemar í verklegri æfingu.
Nemendur í kjötiðn við matvælabraut VMA.
Verkleg æfing framleiðslunema
Nýjast
-
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17. -
Frambjóðendur í Norðausturkjördæmi mætast í Hátíðarsal HA á morgun
Stúdentafélag Háskólans á Akureyri (SHA) með aðstoð Landssamtaka íslenskra stúdenta (LÍS) standa fyrir pallborðsumræðum með frambjóðendum í Norðausturkjördæmi á morgun, föstudaginn 15. nóvember kl. 12:00 í Hátíðarsal HA. Einnig verður streymt frá viðburðinum á Vísi og YouTube-rás Háskólans á Akureyri fyrir þau sem hafa ekki tök á að mæta á staðinn. -
Bæjarráð vill aðflugsferla við Akureyrarflugvöll endurbætta hið fyrsta
Segja má að Bæjarráð Akureyrar láti ÍSAVIA heyra það í samþykkt sem ráðið lét frá sér fara eftir fund ráðsins í dag. Óánægja bæjarráðs er vegna tafa við gerð nýrra aðflugsferla fyrir flug úr suðri að Akureyrarflugvelli.
