6. nóvember - 13. nóvember - Tbl 45
Meirihlutinn heldur velli í Norðurþingi
Stjórnsýsluhúsið á Húsavík. Mynd/epe
Meirihlutinn í Norðurþingi heldur velli eftir sveitarstjórnarkosningarnar sem fóru fram í gær. D-listi Sjálfstæðisflokks tapar talsverðu fylgi og einum fulltrúa fengu 369 atkvæði (23,9%). V-listi Vinstrihreyfingarinnar græns framboðs og óháð fengu 262 atkvæði (16,9%) og fengu tvo fulltrúa, voru áður með einn.
M-listi Samfélagsins fékk 226 atkvæði (14,6%) og fengu einn fulltrúa en hér er um nýtt framboð að ræða sem stofnað var að einhverju leiti á grunni E-lista samfélagsins sem fékk einn fulltrúa árið 2018 eða 223 atkvæði (14,1%)
S-listi Samfylkingar og annars félagshyggjufólks fékk 201 atkvæði (13 %) og heldur sínum fulltrúa en tapa tæplega einu og hálfu prósentustigi. Fengu 228 atkvæði eða 14,4% árið 2018.
B- listi Framsóknar og félagshyggju er stærstur í Norðurþingi með 489 atkvæði (31,6%) og heldur sínum þremur fulltrúum og hefur því möguleika á að mynda tveggja flokka meirihluta; annað hvort með Sjálfstæðisflokki eða Vinstri grænum og óháðum.
D-listi og V-listi hafa áfram möguleika á að halda áfram meirihlutasamstarfi með S-lista eða skipta honum út fyrir M-lista samfélagsins. En þetta kemur væntanlega allt í ljós í dag eða næstu daga.
Á kjörskrá voru 2257 og kjörsókn því 71,2%
Auðir seðlar voru 52 og ógildir seðlar 9.
Kjörnir fulltrúar í Norðurþingi eru:
- Hjálmar Bogi Hafliðason (B)
- Hafrún Olgeirsdóttir (D)
- Aldey Unnar Traustadóttir (V)
- Soffía Gísladóttir (B)
- Áki Hauksson (M)
- Benóný Valur Jakobsson (S)
- Helena Eydís Ingólfsdóttir (D)
- Eiður Pétursson (B)
- Ingibjörg Benediktsdóttir (V)
Nýjast
-
Á að skreyta um helgina?
Norðurorka minnir okkur á hvers skal gæta í sambandi við útiseríur og annað jólaskraut en ekki þarf að efast um að margir munu nota gott veður um helgina til þess að ,,punta og pena”. -
Viðreisn íslensks landbúnaðar?
„Lækkun tollahindrana skapar tækifæri fyrir landbúnaðinn.” Já, þetta fullyrðir Viðreisn í stefnuskrá sinni. Bætir við: “Endurskoða þarf reglulega áhrif tolla á frjáls viðskipti og matvælaverð.” Svo reyndar ekki bofs meir. Punktur. -
Ekki benda á mig
Brátt göngum við til kosninga einu sinni enn. Í annað skipti á þessu ári. Síðast tókst okkur vel til og völdum við okkur forseta sem við verðum stolt af. Núna eru vonbiðlarnir þeir sem vilja setjast á Alþingi Íslendinga og sýna þar hvað í þeim býr. -
Pharmarctica á Grenivík Viðbótarhúsnæði tekið í notkun
„Þetta verður mikil og jákvæð breyting, aðstaðan er mun rýmri en áður og betri á allan hátt,“ segir Sigurbjörn Þór Jakobsson framkvæmdastjóri Pharmarctica á Grenivík en á morgun laugardag verður opið hús hjá fyrirtækinu frá kl 14 þar sem gestir og gangandi geta skoða nýja og glæsilega aðstöðu fyrirtækisins við Lundsbraut. -
50 þúsund lyfjaskammtar á Akureyri
Heimahjúkrun HSN á Akureyri hefur náð þeim merka áfanga að hafa gefið 50.000 lyfjaskammta með aðstoð Evondos lyfjaskammtara. Mikill ávinningur er af notkun lyfjaskammtara, vitjunum hefur fækkað og þá gefst meiri tími til að sinna öðrum verkefnum. -
Jákvæð þróun fyrir börn og starfsfólk
„Við munum halda áfram að þróa gjaldskrárbreytingar í leikskólum en teljum þetta hafi verið afar góða breytingu og jákvæða þróun í starfsumhverfi í leikskólum á Akureyri bæði fyrir starfsfólk og börn,“ segir í bókun meirihluta bæjarráðs. -
Fólki misboðið yfir gjaldskrárhækkunum OH
„Dæmi eru um að viðskiptavinir Orkuveitu Húsavíkur, ekki síst fjölskyldufólk og fólk í viðkvæmri stöðu, hafi sett sig í samband við Skrifstofu stéttarfélaganna og krafist þess að Framsýn geri athugasemdir við boðaðar hækkanir á gjaldskrám orkuveitunnar um áramótin. Fólki er greinilega misboðið.,“ segir á vef Framsýnar. -
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning. -
Það er fokið í hann!
Það er óhætt að segja að veðurspá hafi gengið ágætlega eftir en appelsínugul viðvörun er yfirstandandi og má búast við að hér á Akureyri og nágrenni muni blása hressilega til miðnættis, en þá ætti allt að detta í dúnalogn.
