Látum ekki blekkjast.
Kosningarnar eftir mánuð munu snúast um að skapa betri lífskjör fyrir venjulegt fólk hér á landi. Fyrir mér ættu framboðin nú að leggja fram sínar leiðir til að taka á verðbólgu, skapa tækifæri, efla velferðarkerfið og standa vörð um náttúruna, en sum hafa valið að spila á okkar lægstu hvata; ótta og andúð.
Heppilegur sökudólgur fyrir það sem erfiðlega gengur í samfélagi okkar eru útlendingar, hælisleitendur og flóttafólk. Ljóst og leynt hefur stjórnmálafólk reynt að mála upp þá mynd að vandamál okkar verði mörg leyst með strangari útlendingalöggjöf, með fleiri brottvísunum, með fangelsun fólks sem hingað leitar í svokölluðum lokuðum búsetuúrræðum. Það er nefnilega einfaldara að ráðast gegn innflytjendum en að horfast í augu við að sjálft markaðshagkerfið sem við byggjum samfélag okkar á sé ónýtt. Það er auðveldara að búa til blóraböggul en að skoða nýjar leiðir í að byggja upp efnahagskerfi okkar.
Vandamál íslensks samfélags eru ekki tilkomin vegna innflytjenda. Hvort sem við horfum á skólamálin, heilbrigðiskerfið, hjúkrunarheimilin, umhverfismálin, launajöfnuð eða kaupmátt þá er sameiginlegi þráðurinn sá að við höfum treyst kapítalísku markaðshagkerfi og nýfrjálshyggju straumi hennar til að vera umgjörð lífs okkar.
Við kaupum það umhugsunarlaust þegar stjórnmálafólk segir loftslagsaðgerðir þurfa að vera efnahagslega hagkvæmar. Eins og að það sé hægt að setja verðmiða á það í hvaða ástandi við skilum jörðinni til næstu kynslóðar. Eins blikkum við varla auga frammi fyrir þeirri tölfræði að 47.000 manns hafi lifað undir lágtekjumörkum á Íslandi árið 2020, þar af 9.400 börn. Umgjörð samfélagsins okkar þarfnast misskiptingar, þarfnast þess að einhver séu fátæk svo að önnur geti verið vel sett eða rík. Í stað þess að berjast gegn þessu keppast of mörg okkar fyrst og fremst eftir því að vera vel sett og rík.
Ég vil frekar búa í samfélagi en hagkerfi, frekar vera manneskja en markaðsvara. Eins vil ég horfast í augu við það að ég, neysla mín, venjurnar mínar og hugsanagangur minn eigi sök í því að samfélagið sé í vanda frekar en að þessir tæplega 1000 einstaklingar sem fengið hafa alþjóðlega vernd í ár séu vandamálið.
Félagshyggju nálgun á efnahagskerfið er leiðin að jöfnuði í samfélaginu. Leiðin að því að útrýma sérhagsmunagæslu fyrirtækja og auðmanna, leiðin að því að tryggja réttlæti og sanngirni. Við sköpum bætt lífskjör með breytingum á skattkerfi sem jafnar bilið á milli þeirra tekjulægstu og tekjuhæstu, með eflingu óhagnaðardrifinna leigufélaga, leiguþaki, lágmarkslaunum sem duga til framfærslu og með því að draga úr tekjutengingu og skerðingum í almannatryggingakerfinu. Þetta er lítið brot af þeim lausnum sem Vinstri Græn leggja fram á grundvelli félagshyggju, velferðar og jöfnuðar.
Kaupið ekki blekkingar, útlendingaandúð og hræðsluáróður þeirra sem vilja standa vörð um misskiptingu og sérhagsmunagæslu markaðsafla. Þorum að endurhugsa efnahagskerfin okkar, þorum að velja félagshyggju og mannúð.
Sindri Geir Óskarsson
Oddviti VG í Norðausturkjördæmi.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
