6. nóvember - 13. nóvember - Tbl 45
50 þúsund lyfjaskammtar á Akureyri
Frá vinsti eru Eva Björg Guðmundsdóttir HSN, Hugrún Birna Bjarnadóttir HSN, Kristín Helga Jónasdóttir HSN, Eva Magnúsdóttir HSN, Stefanía
Fanney Björgvinsdóttir Icepharma. Karlar frá vinstri eru Árni Kár Torfason HSN, Sturla Geir Pálsson Icepharma og Clarence frá Svíþjóð og starfar fyrir Evondos.
Heimahjúkrun HSN á Akureyri hefur náð þeim merka áfanga að hafa gefið 50.000 lyfjaskammta með aðstoð Evondos lyfjaskammtara. Mikill ávinningur er af notkun lyfjaskammtara, vitjunum hefur fækkað og þá gefst meiri tími til að sinna öðrum verkefnum.
Notkun lyfjaskammtaranna hefur gert heimahjúkrun kleift að draga úr lyfjainnlitum hjá skjólstæðingum sínum, á sama tíma og tryggt er að vel sé staðið að lyfjagjöfum og umsjón með skjólstæðingum. Með tilkomu Evondos lyfjaskammtaranna hefur meðferðarheldni hjá skjólstæðingum HSN heimahjúkrunar náð 99,4% að meðaltali, og starfsfólkið hefur meiri tíma til að sinna öðrum verkefnum.
Góð viðbót við okkar þjónustu
Eva Björg Guðmundsdóttir deildarstjóri í heimahjúkrun og Eva Magnúsdóttir teymistjóri í heimahjúkrun, á Akureyri hafa haldið utan um verkefnið sem og innleiðinguna á Akureyri. Þær segja að Heimahjúkrun a Akureyri hafi farið í innleiðingu á lyfjaskömmturum frá EVondos snemma árs 2022. „ Lyfjaskammtararnir eru sérlega góð viðbót við okkar þjónustu við það fólk sem býr í heimahúsi og þeir hafa gert okkur kleift að veita faglegri og gæðameiri hjúkrun,“ segja þær.
Með innleiðingu lyfjaskammtaranna hefur náðst mikill ávinningur. Tekist hefur að fækka vitjunum, öryggi hefur aukist, bætt meðferðarheldni og lífsgæði skjólstæðinga hefur aukist. „Við finnum að það er mikil ánægja með þetta hjá okkar skjólstæðingum sem þurfa nú ekki að bíða eftir að við komum í heimsókn til að sjá um lyfjagjöf, en með því að nota lyfjaskammtara fá þeir lyfin sín alltaf á réttum tíma. Með þessu fyrirkomulagi bjóðum við upp á betri þjónustu og það er ánægjulegt fyrir alla.“
Fljót að aðlagast breyttum vinnuaðferðum
Icepharma velferð sem þjónustar þessa tæknilausn á Íslandi hefur að þeirra sögn reynst gríðarlega vel og samstarf verið til fyrirmyndar. „ Icepharma veitir faglega og góða þjónustu sem og einnig er starfsfólk aðgengilegt þegar eitthvað er varðandi þessa tæknilausn. Innleiðing gekk vel en þar skipti sköpum hversu vel Icepharma hélt utan um hvert skref og veitti góða fræðslu til starfsfólks heimahjúkrunar.“
„HSN heimahjúkrun getur verið stolt af öflugu og faglegu starfsfólki sínu sem hefur fljótt aðlagast breyttum vinnuaðferðum með tilkomu lyfjaskammtaranna„ segir „segir Stefanía Fanney Björgvinsdóttir Viðskiptastjóri Icepharma Velferð“
Nýjast
-
Ekki benda á mig
Brátt göngum við til kosninga einu sinni enn. Í annað skipti á þessu ári. Síðast tókst okkur vel til og völdum við okkur forseta sem við verðum stolt af. Núna eru vonbiðlarnir þeir sem vilja setjast á Alþingi Íslendinga og sýna þar hvað í þeim býr. -
Pharmarctica á Grenivík Viðbótarhúsnæði tekið í notkun
„Þetta verður mikil og jákvæð breyting, aðstaðan er mun rýmri en áður og betri á allan hátt,“ segir Sigurbjörn Þór Jakobsson framkvæmdastjóri Pharmarctica á Grenivík en á morgun laugardag verður opið hús hjá fyrirtækinu frá kl 14 þar sem gestir og gangandi geta skoða nýja og glæsilega aðstöðu fyrirtækisins við Lundsbraut. -
50 þúsund lyfjaskammtar á Akureyri
Heimahjúkrun HSN á Akureyri hefur náð þeim merka áfanga að hafa gefið 50.000 lyfjaskammta með aðstoð Evondos lyfjaskammtara. Mikill ávinningur er af notkun lyfjaskammtara, vitjunum hefur fækkað og þá gefst meiri tími til að sinna öðrum verkefnum. -
Jákvæð þróun fyrir börn og starfsfólk
„Við munum halda áfram að þróa gjaldskrárbreytingar í leikskólum en teljum þetta hafi verið afar góða breytingu og jákvæða þróun í starfsumhverfi í leikskólum á Akureyri bæði fyrir starfsfólk og börn,“ segir í bókun meirihluta bæjarráðs. -
Fólki misboðið yfir gjaldskrárhækkunum OH
„Dæmi eru um að viðskiptavinir Orkuveitu Húsavíkur, ekki síst fjölskyldufólk og fólk í viðkvæmri stöðu, hafi sett sig í samband við Skrifstofu stéttarfélaganna og krafist þess að Framsýn geri athugasemdir við boðaðar hækkanir á gjaldskrám orkuveitunnar um áramótin. Fólki er greinilega misboðið.,“ segir á vef Framsýnar. -
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning. -
Það er fokið í hann!
Það er óhætt að segja að veðurspá hafi gengið ágætlega eftir en appelsínugul viðvörun er yfirstandandi og má búast við að hér á Akureyri og nágrenni muni blása hressilega til miðnættis, en þá ætti allt að detta í dúnalogn. -
Húsnæðisáætlanir sveitarfélaga á Norðurlandi eystra
Fjöldi íbúða sem eru í byggingu á Norðurlandi eystra er ekki nægilega mikill til að uppfylla þörf samkvæmt húsnæðisáætlunum sveitarfélaganna í landshlutanum. Það er mat HMS sem byggir á nýlegri talningu á íbúðum í byggingu. -
Látum ekki blekkjast.
Kosningarnar eftir mánuð munu snúast um að skapa betri lífskjör fyrir venjulegt fólk hér á landi. Fyrir mér ættu framboðin nú að leggja fram sínar leiðir til að taka á verðbólgu, skapa tækifæri, efla velferðarkerfið og standa vörð um náttúruna, en sum hafa valið að spila á okkar lægstu hvata; ótta og andúð.
