20. nóvember - 27. nóvember - Tbl 47
Matargjafir ganga í endurnýjun lífdaga fyrir jólin
,,Ykkar vegna mun ég halda áfram", segir Sigrún Steinarsdóttir hjá Matargjöfum
„Þar sem að ég virðist ekki geta slitið mig frá Matargjöfum (held að við séum ein eining) þá hef ég ákveðið að halda áfram í breyttri mynd 11. jólin okkar saman,“ skrifar Sigrún Steinarsdóttir á facebook síðu Matargjafa á Akureyri og nágrenni. Hún opnaði fyrr í vikunni reikning Matargjafa og vonar að þeir sem áður lögðu henni lið með mánaðarlegu framlagi haldi því áfram, „því án ykkar er þetta ekki hægt.“
Úthlutun byrjar í lok nóvember og þá með því að dagatölum verður úthlutað, en sjálf jólaúthlutunin hefst um miðjan desember. Sjálfboðaliðar sjái um að reka Matargjafir, en hafist verður handa við að skrá niður á jólalistann um mánaðamót nóvember og desember. Hægt er að senda inn ábendingar um einstaklinga eða fjölskyldur í vanda.
Sigrún segir að Matargjafir munu starfa í breyttri mynd að þessu sinni. Starfsemin fari ekki fram við heimili hennar og er hún að vinna í því að fá húsnæði. „Ég er ekki tilbúin að borga leigu, rafmagn, hita og þess háttar af þeim peningum sem þið eruð að safna fyrir,“ segir hún og að allur sá peningur sem safnast fari til skjólstæðinga Matargjafa.
Vantar tölvu, prentara, síma….
„ Matargjöfum vantar tölvu, prentara, síma og áskrift af síma og fer ég í það að hafa samband við fyrirtæki um styrk fyrir því. Ef þið þekkið eitthvað til hjá fyrirtækjum eða viljið sjálf styrkja þá er öll aðstoð vel þegin,“ segir Sigrún í færslu sinni. Þeir sem þekkja til hjá fyrirtækjum og vilja leggja lið eru hvattir til þess.
„Ég vil þakka ykkur það traust sem þið hafið sýnt mér þessi rúmlega 10 ár sem við höfum starfað saman, það er ómetanlegt að hafa fólk sem stendur þétt við bakið á mér, ykkar vegna mun ég halda áfram því það eruð þið sem gefið mér kraftinn til þess,“ segir Sigrún að lokum.
Nýjast
-
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið. -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Norðurorka lækkar samfélagsstyrki á næsta ári
Stjórn Norðurorku hefur samþykkt að lækka styrki en fyrirtækið hefur undanfarin ár veitt styrki til margvíslegra verkefna og málefna. -
Norðurþing Rauði krossinn hættir fatasöfnun
Heimasíða Norðurþings segir frá þvi að Rauði Krossinn í Þingeyjarsýslum hættir allri fatasöfnun þann 26. nóvember 2024. Eftir sem áður geta íbúar í Norðurþingi losað sig við textíl (fatnaður, lök og handklæði, skór, dúkar og gardínur, tuskur og viskastykki) í grenndargáma fyrir textíl sem eru staðsettir á Húsavík, Kópaskeri og Raufarhöfn. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
FVSA kannar áhuga stéttarfélaga á Norðurlandi til sameiningar
„Þetta er hugmynd sem vert er að skoða og fróðlegt að sjá hver viðbrögð félaganna verða,“ segir Eiður Stefánsson, formaður Félags verslunar- og skrifstofufólks á Akureyri og nágrenni (FVSA). Nýlega sendi hann erindi til tíu stéttarfélaga á Norðurlandi til að kanna vilja þeirra til samtals um útfærslu á öflugu deildarskiptu stéttarfélagi á svæðinu.
