20. nóvember - 27. nóvember - Tbl 47
„Konan mín fékk að pína okkur í þetta sinn“
Slökkviliðsmenn sýndu mikla fimi í Hot yoga á þriðjudag, til góðs að sjálfsögðu. Mynd/Árni Friðriksson
Hörður Halldórsson er gítarleikari í þrassmálmshljómsveitinni Skurk frá Akureyri og rokkið tekur því sinn toll af frítíma hans. Hann hefur líka gaman af klifri og veit fátt skemmtilegra en vetrarfjallamennsku. Fyrir tveimur árum lét Hörður gamlan draum rætast og hóf störf hjá Slökkviliði Akureyrar. Vikudagur tók hann tali.
Um verslunarmannahelgina ætla slökkviliðsmenn að ganga Eyjafjarðarhringinn í reykköfunargöllum en það er um um 40 kílómetra leið. Tilgangurinn er að hjálpa til við söfnun fyrir nýjum neyðarflutningsbúnaði fyrir veika nýbura og fyrirbura, svokallaða ferðafóstru fyrir Sjúkrahúsið á Akureyri. Verkefnið hefur fengið nafnið Gengið af göflunum – gengið til góðs og fylgjast má með því á Facebook. „Við byrjuðum í raun fyrir um þremur vikum. Þá tókum við Kjarnaskógsgöngu. Við gengum gönguhringinn í Kjarnaskógi eins langt og við komumst á einum súrefniskúti í reykkafarabúningum. Það var líka gert svo við gætum betur gert okkur grein fyrir hvað við kæmumst langt á einum kúti. Þá getum við nokkurn veginn tímasett okkur úr bænum og í bæinn þegar við förum Eyjafjarðarhringinn,“ segir Hörður. Verkefnið er unnið í góðu samstarfi við Viðburðastofu sem sér um hátíðardagskrána fyrir verslunarmannahelgina á Akureyri. „Við munum ganga af stað frá Ráðhústorgi við einhverja athöfn. Svo göngum við Eyjafjarðarhringinn og ljúkum göngunni aftur á Ráðhústorgi.
Á þriðjudag mætti Hörður ásamt tveimur félögum sínum í Átak við Skólastíg. Þar tók á móti þeim engin önnur en eiginkona Harðar, Árný Ingveldur Brynjarsdóttir, yogakennari. Hún var búin að kynda vel upp í líkamsræktarsalnum og fyrir slökkviliðsmönnunum lá að taka heilan tíma í hot yoga í reykkafarabúningum með allan útbúnað. Þeir sem til þekkja vita að í slíkum tímum hættir manni til að svitna duglega þrátt fyrir að vera léttklæddur. Þetta var opinn tími þar sem fólk gat komið og verið með og aðeins fengið að hlæja að okkur í hnausþykkum einangrunargöllum. Við höfum flestir prófað yoga áður en ekki í göllunum,“ segir Hörður og hlær. Konan mín sá um kennsluna og fékk að pína okkur í þetta sinn.“ Hörður segir að til standi að gera eitthvað sniðugt næstkomandi þriðjudag. „Við erum ekki alveg búnir að ákveða hvað við gerum en það verður eitthvað skrítið. Markmiðið með þessum skringilegu uppátækjum er að sjálfsögðu að minna á jákvæðan hátt á þessa söfnun sem við erum að hjálpa til með. Sem er fyrir ferðafóstrunni.“
Viðtalið í heild sinni má nálgast í prentútgáfu Vikudags sem kemur út í dag.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
