Fjórði leikurinn í röð án taps
Hörkuleikur var í gær í Olís-deildinni í handbolta karla þegar Akureyri handboltafélag tók móti ÍBV á Akureyri. Leiknum lauk með jafntefli og hafa Akureyringar nú spilað fjóra leiki í röð án taps. Liðið er enn í botnsæti deildarinnar, nú með átta stig en Eyjamenn eru komnir í tólf stig.
Leikurinn var mjög kafla skiptur og skiptust liðin á að vera með forystuna í síðari hálfleik eftir að ÍBV hafði verið með frumkvæðið allan fyrri hálfleikinn. Þá hafði færst mikil harka í leikinn og var mikið um brottvísanir.
Akureyringar voru með forystu undir lokin en Eyjamenn skoruðu síðasta markið. Þeir fengu svo tækifæri til að stela sigrinum en Tomas Olason, markvörður Akureyringa varði á loka sekúndunni en hann var frábær í markinu.
Kristján Orri Jóhannsson var ótrúlegur hjá heimamönnum. Hann var markahæstur með þrettán mörk en í síðasta leik liðsins var hann með ellefu. Það er því óhætt að segja að Kristján Orri sé sé að blómstra með Akureyringum um þessar mundir.
Tomas Olason fór mikinn í marki Akureyringa og varði 22 skot, þar af eitt vítakast.
Theodór Sigurbjörnsson var markahæstur í liði ÍBV, hann skoraði 12 mörk. Kolbeinn Arnarsson varði 12 skot fyrir ÍBV.
Nýjast
-
Nýr samningur Akureyrarbæjar og Skákfélags Akureyrar undirritaður
Í gær var undirritaður nýr samningur Akureyrarbæjar við Skákfélag Akureyrar sem hefur það að meginmarkmiði styðja við starf barna og ungmenna og gefa þeim kost á heilbrigðu og metnaðarfullu félags- og æskulýðsstarfi. -
Julia Bonet og Alex Cambray íþróttafólk KA 2024
Þau Julia Bonet Carreras úr blakdeild KA og Alex Cambray lyftingadeild KA voru i dag útnefnd sem íþróttakona og karl KA fyrir árið 2024. -
Píluáhugi Húsavíkinga í miklum vexti
Aðsókn í nýja og glæsilega aðstöðu Píludeildar Völsungs hefur farið fram úr björtustu vonum -
Tímamót í knattspyrnu-samstarfi KA og N1
Knattspyrnufélag Akureyrar, KA og N1, sem í tæplega 40 ár hafa haft árangursríkt samstarf um mótshald hins vel þekkta N1 móts KA í drengjaflokki, hafa nú ákveðið að taka höndum saman um að koma á laggirnar knattspyrnumóti fyrir stúlkur á aldrinum 9 til 10 ára sem haldið verður með svipuðu sniði og drengjamótið. KA mun annast rekstur og skipulag mótsins, en N1 verða aðalbakhjarl þess. Stúlkurnar munu etja kappi á glæsilegu KA svæðinu helgina eftir Verslunarmannahelgina, eða 8-10 ágúst næst komandi. -
Sandra María og Alfreð Leó íþróttafólk Þórs 2024
Þau Sanda María Jessen knattspyrnukona og Alfreð Leó Svansson rafíþróttamaður voru i gær útnefnd sem íþróttakona og karl Þórs fyrir árið 2024. -
Elfar Árni er kominn heim
Völsungur styrkir sig fyrir baráttuna í Lengjudeildinni -
Golfklúbbur Akureyrar - Framkvæmdir í fullum gangi
Miklar framkvæmdir hafa verið í byggingu nýrrar inniaðstöðu Golfklúbbs Akureyrar, síðastliðinn vetur var kjallari byggður en smá hlé var gert yfir sumarmánuðina vegna hita og svo var aftur hafist handa í ágústmánuði við reisingu stálgrindar. Stálgrindin reis hratt og ekki hægði á þegar yleiningarnar fóru hver af annarri að hlaðast upp. Nú í dag þegar þetta er skrifað er búið að loka húsinu með yleiningum og flestir gluggar komnir í einnig. Fyrr í vikunni var svo hafist handa við millibygginguna sem tengir golfskálann við nýju bygginguna. -
Íþróttaæfingar fyrir börn með sérþarfir
KA og Þór verða í vetur með æfingar fyrir 6 - 16 ára börn og unglinga með sérþarfir, æfingarnar fara fram í Íþróttahúsi Naustaskóla og hefjast þær n.k. sunnudag kl 11. -
Hugleiðingar að loknum sigri
Sævar Pétursson framkvæmdastjóri KA skrifaði á Facebook vegg sinn vangaveltur sínar í lok gærdagsins. Vefurinn fékk leyfi Sævars til þess að birta skrif hans.
