Nýr samningur Akureyrarbæjar og Skákfélags Akureyrar undirritaður
Í gær var undirritaður nýr samningur Akureyrarbæjar við Skákfélag Akureyrar sem hefur það að meginmarkmiði styðja við starf barna og ungmenna og gefa þeim kost á heilbrigðu og metnaðarfullu félags- og æskulýðsstarfi.
Fyrir framlag Akureyrarbæjar til skákfélagsins skal félagið bjóða upp á barna- og unglingastarf á Akureyri. Félagið sinnir jafnframt í samstarfi við grunnskóla Akureyrarbæjar skákennslu samkvæmt nánara samkomulagi við hvern og einn skóla. Bjóða skal upp á faglegt starf með forvarnir og jafnrétti að leiðarljósi og sem tekur mið af grunnþáttum barnvænna sveitarfélaga. Upplýsingar um grunnþættina má nálgast á heimasíðu barnvænna sveitarfélaga.
Samningurinn gildir fyrir árin 2024-2026 og leggur Akureyrarbær Skákfélaginu til 500.000 kr. fyrir hvert þessara þriggja ára. Félagið nýtur einnig styrks frá Akureyrarbæ í formi húsaleigu og félagssaðstöðu í kennslustofu í vesturhluta Íþróttahallarinnar.
Skákfélag Akureyrar skal uppfylla þau ákvæði í Mannréttindastefnu Akureyrarbæjar, Forvarnastefnu Akureyrarbæjar og Aðgerðaáætlun Akureyrarbæjar gegn kynbundnu ofbeldi og ofbeldi gegn börnum þar sem kveðið er á um skyldur félaga og félagasamtaka sem þiggja styrki frá Akureyrarbæ.
Í samræmi við mannréttindastefnu Akureyrarbæjar skal skipað þannig í nefndir, ráð og stjórnir þeirra félaga sem hafa fasta styrktarsamninga við Akureyrarbæ að þess sé gætt að hlutfall kynjanna sé sem jafnast og ekki undir 40% þegar um fleiri en þrjá fulltrúa er að ræða. Ef kynjahlutfall er ekki samkvæmt stefnunni í dag, skal félagið gæta þess næst þegar skipað er í nefndir, ráð og stjórnir félagsins að það uppfylli ákvæði mannréttindastefnu Akureyrarbæjar.
Sviðsstjóra fræðslu- og lýðheilsusviðs og fjármálastjóra bæjarins skal heimilt að sitja fundi stjórnar Skákfélags Akureyrar með málfrelsi og tillögurétti þegar fjallað er um fjárhagsáætlanir og ársreikninga, og skal þeim þá sent fundarboð með hæfilegum fyrirvara.
Einu sinni á ári, fyrir lok ágúst, gerir framkvæmdastjóri/ forráðamaður Skákfélags Akureyrar fjármálastjóra Akureyrarbæjar og sviðsstjóra fræðslu- og lýðheilsusviðs grein fyrir rekstrarstöðu. Boðun fundanna er á ábyrgð stjórnar Skákfélags Akureyrar. Skulu upplýsingarnar kynntar fræðslu- og lýðheilsuráðs í kjölfarið. Að loknu hverju starfsári skal haldinn upplýsinga- og samráðsfundur stjórnar Skákfélags Akureyrar og fræðslu- og lýðheilsuráð óski annar hvor aðilinn þess, þar sem staða rekstrarins og fjárhagsáætlun Skákfélags Akureyrar fyrir næsta starfsár er kynnt.
Nýjast
-
„Amaróhúsið“ sett í sölu
Framkvæmdasýslan - Ríkiseignir (FSRE) hefur sett gömlu heilsugæslustöðina á Akureyri, Hafnarstræti 99-101, í sölu ásamt öllu því sem eigninni fylgir. Óskað er eftir tilboði í eignina. Fasteignamat er tæplega 340 milljónir króna og brunabótamat 860 milljónir. -
Dreifingu Dagskrár seinkar í dag
Vegna vandræða i samgöngum milli Reykjavíkur og Akureyrar í nótt seinkar dreifingu á Dagskránni verulega i dag. Blaðið er hinsvegar komið á vefinn og geta þvi áhugasamir skoðað það með þvi að smella á slóðina hér fyrir neðan. https://issuu.com/dagskrain/docs/0225_dagskrain_vefur -
Nýr samningur Akureyrarbæjar og Skákfélags Akureyrar undirritaður
Í gær var undirritaður nýr samningur Akureyrarbæjar við Skákfélag Akureyrar sem hefur það að meginmarkmiði styðja við starf barna og ungmenna og gefa þeim kost á heilbrigðu og metnaðarfullu félags- og æskulýðsstarfi. -
Ferðaþjónustufólk kemur saman
Í upphafi hvers árs er mikið um að vera hjá ferðaþjónustufólki sem kemur saman til að ráðfæra sig við hvert annað, finna nýjar hugmyndir og skapa verðmæti. Mannamót Markaðsstofa landshlutanna er haldið í Kópavogi og samhliða því er heil vika af spennandi viðburðum með mismunandi áherslum. Þar er meðal annars rætt um tækniþróun, ráðstefnur, sjálfbærni og auðvitað markaðssetningu. Nú eru liðin 11 ár frá því að hugmyndin um Mannamót varð til í einu af mörgum samtölum Markaðsstofanna um hvernig mætti efla íslenska ferðaþjónustu og vinna að dreifingu ferðafólks um landið. Þessi hugmynd um að skapa vettvang fyrir landsbyggðarfyrirtækin til að koma saman í höfuðborginni og eiga þar fundi með ferðaþjónustunni er nú orðin að stærsta kynningarviðburði ferðaþjónustunnar og farin að vekja áhuga erlendra ferðaskrifstofa. -
Tunnuskipti í síðustu hverfum bæjarins framundan
Sem kunnugt er standa yfir breytingar á sorphirðukerfi og framundan eru tunnuskipti í síðustu hverfum bæjarins. Til að tryggja sem hraðasta framkvæmd verða núverandi tunnur fyrir almennan úrgang nýttar, og ílátum bætt við eftir þörfum fyrir lífrænan úrgang, pappír og plast. Í sumum tilfellum gætu heimili tímabundið fengið fleiri tunnur en nauðsynlegt er. Mikilvægt er að tryggja að allar tunnur séu staðsettar eða festar þannig að þær fjúki ekki. -
Amtsbókasafnið ,,Wrapped" 2024 - Gestir safnsins voru 88.562 árið 2024 sem er aukning um 6.000 gesti milli ára
,,Þó að margir haldi að bókasöfn sé lítið notuð og lestur sé að minnka sjáum við þetta ekki svo svart og erum bara bjartsýn fyrir framtíðinni. Til dæmis fjölgaði útlánum og heimsóknum frá því árið 2023. Skemmtilegt þótti okkur að sjá að kökuformin lánuðust 270 sinnum, enda er heimsókn á bókasafnið orðinn hefðbundinn liður í kringum veislur hjá mörgum. Mikil stemning að velja form fyrir afmælið sitt." -
Slökkvilið Akureyrar kallað út 4.171 sinni árið 2024
Varðliðið sinnti 3.066 sjúkraflutningum á landi árið 2024, en af þeim voru 29% útkalla í forgangi F1 og F2. Farið var í 282 flutninga út fyrir starfssvæði liðsins, og er það aukning um 38% frá árinu 2023. Fækkun var á erlendum ferðamönnum milli ára um 14%. -
Meistarar strengjanna á sinfóníutónleikum í Hofi
Sunnudaginn 26. janúar flytur Sinfóníuhljómsveit Norðurlands undir stjórn Ross Collins verk eftir þrjá meistara frá ólíkum tímum sem lagt hafa mikið af mörkum til tónlistar fyrir strengjasveit. -
HVAÐ GAMALL NEMUR......
Allt frá því ég man fyrst eftir mér hef ég verið brennandi áhugamaður um bíla og farartæki sem gengu fyrir sprengihreyfli. Mér þóttu stærri vélar alltaf eftirsóknarverðari og dreymdi um að eignast amerískan bíl með hestöflum sem telja mætti í hundruðum.
