20. nóvember - 27. nóvember - Tbl 47
Ein með öllu haldin á Akureyri um versló
Mikið verður um vera á Akureyri um verslunarmannahelgina.
Undirbúningur fyrir verslunarmannahelgina á Akureyri er í fullum gangi en í ár mun hátíðin Ein með öllu snúa aftur eftir stutt hlé. Viðburðarstofa Norðurlands í samvinnu við Vini Akureyrar, sem er áhugamannafélag hagsmunaaðila í verslun og ferðaþjónustu, standa að hátíðinni í samvinnu við Akureyrarstofu.
Í fyrra var hátíðin Sumarleikarnir á Akureyri haldin um verslunarmannahelgina þar sem lögð var áhersla á íþróttir og útivist. Núna munu Sumarleikarnir falla inn í Eina með öllu hátíðina og verður öllu tjaldað til. Viðburðurstofa Norðurlands fékk tónlistarmanninn Rúnar Eff til liðs við sig og er hann í fararbroddi í að skipuleggja hátíðina.
„Ég var fenginn í þetta verkefni til að koma með nýjar og ferskar hugmyndir. Rífa þetta aðeins upp,“ segir Rúnar. „Í fyrra var aðaláherslan á íþróttir en núna snúum við hlutunum við og Sumarleikarnir verða viðburður á Einni með öllu. Dagskráin verður flott og vonandi mun veðrið vinna með okkur og fólk fjölmenna hingað norður um versló,“ segir Rúnar.
Rjóminn af íslensku tónlistarfólki
Mjög lítið af fólki kom til Akureyrar um síðustu verslunarmannahelgi en það helgaðist fyrst og fremst að slæmri veðurspá alla vikuna fram að helginni. Rúnar bindur vonir við að fólk muni streyma norður og segir Eina með öllu bjóða upp á úvalsdagskrá.
„Rjóminn af íslensku tónlistarfólki mun koma hingað og skemmta og einnig verða flottir íþróttaviðburðir í bland,“ segir Rúnar. Hann segir það skemmtilegt verkefni að undirbúa jafn stóra hátíð og Eina með öllu. „Ég hef áður skipulagt ýmsa viðburði en ekki af þessari stærðargráðu. Þetta er því mjög lærdómsríkt.“
Ein með öllu fer fram dagana 3.-7. ágúst. Af tónlistarviðburðum má nefna Pál Óskar, Aron Can, Grétu Salóme, Stuðmenn, Magna, Rúnar Eff, 200.000 Naglbíta og KÁ-AKÁ. Heilmikil skemmtidagskrá verður fyrir börn í Miðbæ Akureyrar á föstudeginum og laugardeginum þar sem Vísinda Villi mætir á svæðið og einnig verður hæfileikakeppni, hoppuskastali, tívolí og margt fleira. Á sunnudeginum verður markaðsstemmning allan daginn á Ráðhústorginu.
Af íþróttaviðburðum má nefna Akureyri Town Hill sem er kirkjutröppu brun á fjallahjólum, Gilspretturinn þar sem keppt verður á Racerum upp gilið og Downhill í Hlíðarfjalli. Einnig verður kirkjutröppuhlaupið á sínum stað og útimót í júdó á Ráðhústorgi.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
