Búfesti með 8 nýjar íbúðir í byggingu
Búfesti húsnæðissamvinnufélag sem á um 270 íbúðir á Akureyri og Húsavík er í miklum stækkunarfasa þessa dagana. Félagið hefur hafið framkvæmdir á tveimur þéttingarreitum við Skarðshlíð, þar sem verða alls 8 íbúðir. Þá er mikil uppbygging fram undan á nýju svæði við Þursaholt í Holtahverfi þar sem á næstu þremur til fjórum árum munu rísa fjöldi íbúða. Á árunum frá hruni og þar til á síðastliðnu ári hefur ekkert verið byggt á vegum Búfestis þar til nú.
Eiríkur Haukur Hauksson framkvæmdastjóri Búfestis húsnæðissamvinnufélags segir að félagið hafi hvorki byggt né keypt nýjar íbúðir um langa hríð, eða frá hruni. Fyrir fáum árum fór eftirspurn vaxandi og til að mæta henni var ráðist í að kaupa 15 nýjar íbúðir í Hagahverfi sem tilbúnar voru á síðastliðnu ári. Það voru fyrstu íbúðirnar á vegum félagsins lengi. „Stjórn félagsins tók þá ákvörðun að fjölga íbúðum vegna mikillar eftirspurnar eftir húsnæði,“ segir hann en auk íbúðanna í Hagahverfi hefur félagið byggt 12 raðhúsíbúðir á Húsavík og verða þær síðustu afhentar fyrir jól.
Mikill áhugi
Þá stendur yfir bygging á stóru tveggja hæða parhúsi, 6 herbergja með bílskýli við Skarðshlíð á móts við Undirhlíð og á dögunum hófust framkvæmdir við 6 íbúða hús ofar við sömu götu. „Það er á virkilega góðum stað í bænum og við finnum þegar fyrir miklum áhuga fyrir þeim íbúðum,“ segir Eiríkur. Fjórar íbúðanna verða með 4 til 5 herbergjum og tvær eru 2ja til 3ja herbergja.
Búfesti hefur fengið úthlutað lóð við Þursaholt í hinu nýja Holtahverfi norður og segir Eiríkur að Akureyrarbær hafi áform um að þær lóðir verði byggingarhæfar næsta sumar. „Ef það gengur eftir verður við líka klár,“ segir hann, en við Þursaholt er ráðgert að reisa allt að 140 íbúðir á vegum Búfestis. Hluti þeirra er byggður í samstarfi við Félag eldri borgara á Akureyri og nágrenni, EBAK. „Uppbyggingin við Þursaholt verður aðaláherslan í okkar uppbyggingu á næstu árum þó ef til vill gæti eitthvað fleira bæst við,“ segir hann.
/MÞÞ
Nýjast
-
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið. -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Norðurorka lækkar samfélagsstyrki á næsta ári
Stjórn Norðurorku hefur samþykkt að lækka styrki en fyrirtækið hefur undanfarin ár veitt styrki til margvíslegra verkefna og málefna. -
Norðurþing Rauði krossinn hættir fatasöfnun
Heimasíða Norðurþings segir frá þvi að Rauði Krossinn í Þingeyjarsýslum hættir allri fatasöfnun þann 26. nóvember 2024. Eftir sem áður geta íbúar í Norðurþingi losað sig við textíl (fatnaður, lök og handklæði, skór, dúkar og gardínur, tuskur og viskastykki) í grenndargáma fyrir textíl sem eru staðsettir á Húsavík, Kópaskeri og Raufarhöfn. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
FVSA kannar áhuga stéttarfélaga á Norðurlandi til sameiningar
„Þetta er hugmynd sem vert er að skoða og fróðlegt að sjá hver viðbrögð félaganna verða,“ segir Eiður Stefánsson, formaður Félags verslunar- og skrifstofufólks á Akureyri og nágrenni (FVSA). Nýlega sendi hann erindi til tíu stéttarfélaga á Norðurlandi til að kanna vilja þeirra til samtals um útfærslu á öflugu deildarskiptu stéttarfélagi á svæðinu.
