Dagskráin 22 janúar - 29 janúar Tbl 3
Akureyri - Tjaldsvæðisreitur drög að breytingu á deiliskipulagi
Skyringaruppdráttur Mynd akureyri.is
Á vefsíðu bæjarins eru í dag kynnt drög að deiliskipulagi fyrir tjaldsvæðisreitinn við Þórunnarstræti. Eins og kunnugt er var svæðinu lokað fyrir tjaldgesti og til stóð má. að byggja heilsugæslustöð nyrst á þessari lóð. Frá þeirri hugmynd var svo fallið og nú hefur verið samþykkt að þar skuli rísa fjölbreytt íbúðabyggð og er áhersla lögð á að þarna rísi ,,sjálfbært og nútimalegt hverfi sem falli vel að núverandi byggð og umhverfi".
Á svæðinu er gert ráð fyrir þéttri en lágreistri 3-4 ½ hæða byggð, auk kjallara. Gert er ráð fyrir blöndun á svæðinu s.s. verslun og þjónustu og vistlegum íbúðum, fjöldi íbúða á reitnum er um 190. Ekki er gert ráð fyrir götum innan reitsins hins vegar er gert ráð fyrir akfærum stígum
fyrir neyðar- og/eða þjónustubíla innan hans
Nákvæma greinargerð um skipulagið má lesa hér
Helstu áhersluatriði í nýju skipulagi eru eftirfarandi:
- blönduð byggð
- íbúðir fyrir 60 ára og eldri
- þétt og lágreist byggð með bílakjallara
- fjölbreytt rými
- græn svæði sem stuðla að betri lífsgæðum íbúa
Skipulagsferlið hefur staðið yfir í nokkur ár og er unnið í nánu samstarfi við íbúa, hagsmunaaðila og sérfræðinga. Á kynningarfundum og í gegnum samráðsvettvanginn „Okkar Akureyri“ hafa borist fjölmargar ábendingar og tillögur sem hafa mótað lokatillöguna.
Deiliskipulagsuppdrátt sem sýnir breytinguna má nálgast hér og skuggavarpið má sjá hér
Íbúar og aðrir áhugasamir eru hvattir til að kynna sér breytinguna og senda inn ábendingar þar sem fram kemur nafn og kennitala í gegnum Skipulagsgátt.
Frestur til að koma ábendingum á framfæri er veittur til 27. febrúar 2025.
Horft í átt að Þórunnarstræti til austurs. Sérnotareitur í forgrunn, torg og lifandi jarðhæð meðfram Þórunnarstræti. Núverandi byggð meðfram Byggðavegi sést í bakgrunn
Nýjast
-
Þingeyjarsveit - Hættuleg gatnamót? Varasöm beygja?
Þingeyjarsveit vinnur nú að umferðaröryggisáætlun fyrir sveitarfélagið. Markmið hennar er að búa til aðgerðaráætlun svo auka megi öryggi í sveitarfélaginu, fækka slysum og auka lífsgæði íbúa sem og annarra sem um sveitarfélagið ferðast. -
Skiptinemi í Kína
Á heimasíðu VMA í dag gefur að líta viðtal við Huldu Ómarsdóttur en hún útskrifaðist af listnáms- og hönnunarbraut VMA vorið 2021. Hulda ákvað að því loknu, eins og hún orðar það, að skipta algjörlega um gír og sækja um nám í kínverskum fræðum við Háskóla Íslands. Hún er núna á þriðja ári í náminu og ver þessu skólaári í skiptinámi í Kína. -
Kaldbakur, Björgúlfur og Björg aflahæstu togarar landsins á síðasta ári
Systurskip Samherja, Kaldbakur EA 1, Björgúlfur EA 312 og Björg EA 7 eru í þremur efstu sætum yfir aflahæstu togara ársins 2024. -
,,Tungumálið er lykillinn"
-Segir Dóra Ármannsdóttir sem kennir innflytjendum íslensku -
Skilgreina hlutverk SAk sem varasjúkrahús
Alma Möller, heilbrigðisráðherra hefur skipað starfshóp sem falið er að vinna að nánari skilgreiningu og hlutverki varasjúkrahúss með tilliti til viðbragðsáætlana, neyðarviðbragða, þjóðaröryggisráðs, sjúkraflutninga, rannsóknarþjónustu og laga um heilbrigðisþjónustu. -
Akureyri - Tjaldsvæðisreitur drög að breytingu á deiliskipulagi
Á vefsíðu bæjarins eru í dag kynnt drög að deiliskipulagi fyrir tjaldsvæðisreitinn við Þórunnarstræti. Eins og kunnugt er var svæðinu lokað fyrir tjaldgesti og til stóð má. að byggja heilsugæslustöð nyrst á þessari lóð. Frá þeirri hugmynd var svo fallið og nú hefur verið samþykkt að þar skuli rísa fjölbreytt íbúðabyggð og er áhersla lögð á að þarna rísi ,,sjálfbært og nútimalegt hverfi sem falli vel að núverandi byggð og umhverfi". -
Sjálfsrækt til kulnunar
Í framhaldi af pistli síðustu viku um brjálæðisleg áramótaheit er ekki úr vegi að kafa aðeins í eina af nýjustu tískubylgjum okkar Íslendinga, sem er sjálfsrækt, en hana virðumst við taka alla leið og mögulega eitthvað lengra. -
Samið við Hrímhesta um leigu á Ytri Skjaldarvík
Umhverfis og mannvirkjaráð Akureyrar hefur samþykkt húsaleigusamning við Hrímhesta ehf. vegna leigu á íbúðarhúsnæði, útihúsi og jörð í Ytri Skjaldarvík. Ein umsókn barst um leigu á Syðri Skjaldarvík og er sú umsókn í vinnslu hjá ráðinu en ekki fengust upplýsingar um hver hefði lagt þá umsókn fram. -
Norðurþing hvetur íbúa til að huga að umhverfi sínu
Sveitarstjórn Norðurþings samþykkti á dögunum tillögu meirihlutans um að farið verði í umhverfisátak í sveitarfélaginu árið 2025.
